وهنعمل إيه بقا؟

[A7MED_PHARMA]

السلام عليكم
.
بدون مقدمات

كوبونات البنزين
هتنزل في شهر مايـــو
حصة محدودة..وبعد كده بالسعر الغير مدعم

هنعمل ايه يارجالة
بالنسبة للناس الي بتسافر بعربيتها
او بتشتغل ومشوارها بعيد
أو
أو

.
انا عن نفسي
موتور عربيتي تعبان وكنت خلاص هغيره وأسقط مايفك2400
بس رجعت في كلامي بعد موضوع البنزين
وهغير موتورها واجيب موتورها الاستوك من عربية 2010 بإذن الله
1300

هقسم مشاويري
المهم بالعربية
الــ مش مهم بالموتوسيكل

عندي موتوسيكل صيني نوعه هانكو200سي سي
شبه الريس الياباني ..نوعا ما يعني
يعني شكله محترم
مانا كــ دكتور مش هركب حلاوه او هامر او الموتوسيكلات العبيطة دي
عبيطة شكلا على الاقل
.
الموتوسيكل بيعمل متوسط 30 كيلو / لــتــــــر

.
وهقلل من استخدام العربية لأقصى حد
الشغل مش متظبط مع موجه الغلاء الموجودة والي بتزيد

....
عاوز اعرف بس
الرجالةهتعمل ايه؟




ياجدعان ده انا بقيت بعمل الشاي
في كنكة القهوة
علشان اوفر الغاز
كنكة القهوة بتعمل كباية شاي واحدة..والميه بتغلي في ثواني
هههههههههههههههههههه

[MoStAfA MaHmOuD]

تقريبا الناس كلها هتقضيها موتوسيكلات وعجل
والعربيات الcc 1000 وال cc1300 هتغلى أكيد

[al_manara]

وعليكم السلام

المشكلة ان القرارات بتاعت الحكومة بتاخدها بالقطارة .
الحكومة ماعندهاش رؤية .
وفي الغالب عمي .

كل يوم نسمع اخبار واليوم التالي نسمع تكذيب . كانهم بيبعتوا العصفورة تقول كام حاجة وهما يشوفوا رد الفعل .

المشكلة كمان مش في البنزين والسولار .
المشكلة في اسعار المنتجات والخدمات الي هايكون تمنها الضعف وفي الغالب اضعاف قيمتها .

يعني مش هايحل مشكلة . بالعكس المشكلة بتتفاقم .

هو في سؤال كمان .

هي الحكومة مش واخدها بالها من حال البلد والشعب ؟

يعني شوف دة مثلا ودة من فترة

http://www.nilemotors.net/Nile/327156-5.html

[AhMeD MeTwAlY]

ما تيجي تسافر معايا يا دكتور انا رايح جده الشهر دا باذن الله ونفكنا من البلد دي

[أبو إياد]

اشتريت 128

[AlGazar2]

انا جبت عجله عشان اليوم ده ( هو اه ممشيتش بيها ولا مره و قعدتها رخمه غير عجلتى القديمه بس مش دافع اكتر من 2 جنيه فى اللتر و خصوصا ان النوبيرا معامله 6 سلندر جوه البلد )

و لما ربنا يكرمنى ان شاء الله هجيب مكنه زى بتاعتك او اسكوتر sym صينى يقضى الغرض حلو اوى

[kar!m]

هو الواحد له كام لتر في الشهر؟

[MohssenRashed]

انة زمن الاسكوتر

الصوره دي للجروب بتاعنا في اسكندرية

شوف كام عربية قصاد كام اسكوتر

[bobbozo4b]

انا ان شاء الله لو اتطبق الحوار ده فعلا وانا بشك فى كده عشان موجة الغلاء اللى هاتهجمنا مع تبعيات الحوار ده فى كل حاجة
مش رايح اى مشوار مافهوش مترو او يكون مشى على الاقل

[ABO MALEK]

انا ممكن اشترى اسكوتر زى MohssenRashed وكده فل جدااااااااا

[El Prince]

التعامل مع الواقع و ليس بالتوقع أو التصور
ممكن الحال يتغير بين ليلة و ضحاها