استفسار عن امكانية إستخدام الـ ups كبديل مؤقت لإنقطاع الكهرباء

[A_H_M_A_D]

زي ماحنا عارفين مشكلة الكهرباء المقطوعة في مصر اللي بتزيد سنة عن سنة , ولسه الصيف داخل و الكهربا بتقطع فيه من ساعه الى 3 ساعات يوميا

السؤال لو انا جبت UPS هل ينفع اشغل عليه تلفزيون وريسيفر و مروحه و كشاف نيون , كحل مؤقت لغاية مالكهربا ترجع . مش مشكلة التكيف و الغساله و التلاجه , دول ممكن يستنوا رجوع الكهربا .

انا عملت بحث سريع على النت و لقيت النوع ده :
اشتري اونلين في مصر سولا تك(SOLLATEK ULTIMA 800 800VA UPS)يو بى اس فقط ب 765 جنية

هل حاجه زي كده هاتكون عملية معايا في الاستخدام لتشغيل الاجهزة اللي انا عايزها , وهاتعدي معايا شهور الصيف مع استخدام شبه يومي , خصوصا شهر رمضان ؟

[Ahmed_selmy]

بص يا باشا على حسب قوة ال ups اللى انت حتجيبه , بمعنى ان مثلا يقولك انه يشيل حمل 1 كيلو وات لمدة ساعه , فانت احسب الاحمال دى وشوف حتحتاج ups قد ايه.
بالاضافه انك لازم تعرف ان بعد فتره البطاريات بتاعته بتضعف شويه , بس مش اقل من سنه ونص الى سنتين.

[AlGazar2]

هيبقى ضعيف على الحاجات دى كلها و خصوصا المروحه لانها بماتور فبتستهلك كهربا

التلفزيون فى الغالب 120 وات و الريسيفر 30 و بدل الكشاف النيون ممكن لمبه موفره بتبقى 24 وات دول اليو بى اس يقومهم عادى

ممكن تجيب مولد كهرباء صغير يتحط فى البلكونه مثلا يشغلك الحاجات دى لغايه ما النور يجى لان اليو بى اس بيشتغل لفتره قليله و كل ما بتزيد كل ما بيغلى تمنه

[M.Elwan]

الups unintrupted power supplyليه وظيفة مهمة وهى حماية اجهزة الكمبيوتر من الاغلاق المفاجىء فى حالة انقطاع الكهرباء وبيديك وقت معقول عشان تعمل save لشغلك واغلب الشركات بيكون فيها generator عشان يشيل الاحمال لمدة اطول مع وجود الups طبعاً

[A_H_M_A_D]

هيبقى ضعيف على الحاجات دى كلها و خصوصا المروحه لانها بماتور فبتستهلك كهربا

التلفزيون فى الغالب 120 وات و الريسيفر 30 و بدل الكشاف النيون ممكن لمبه موفره بتبقى 24 وات دول اليو بى اس يقومهم عادى

ممكن تجيب مولد كهرباء صغير يتحط فى البلكونه مثلا يشغلك الحاجات دى لغايه ما النور يجى لان اليو بى اس بيشتغل لفتره قليله و كل ما بتزيد كل ما بيغلى تمنه

النوع اللي انا حاطط اللينك بتاعه خرجه 480 وات وفيه موديلات تانيه خرجها اكتر من كده كمان بتوصل ل 1200 وات
وانا فكرت في ال ups عشان مشاكل المولدات العادية زي البنزين و العادم والصوت العالي

بص يا باشا على حسب قوة ال ups اللى انت حتجيبه , بمعنى ان مثلا يقولك انه يشيل حمل 1 كيلو وات لمدة ساعه , فانت احسب الاحمال دى وشوف حتحتاج ups قد ايه.
بالاضافه انك لازم تعرف ان بعد فتره البطاريات بتاعته بتضعف شويه , بس مش اقل من سنه ونص الى سنتين.

أكيد كفائته هاتقل مع مرور الوقت زيه زي اي نوع بطاريات , بس اهو يبقى اشتغله كام سنة كويس

الups unintrupted power supplyليه وظيفة مهمة وهى حماية اجهزة الكمبيوتر من الاغلاق المفاجىء فى حالة انقطاع الكهرباء وبيديك وقت معقول عشان تعمل save لشغلك واغلب الشركات بيكون فيها generator عشان يشيل الاحمال لمدة اطول مع وجود الups طبعاً

دي الوظيفة الاساسية المعروفة , لكن انا حاليا بفكر فيه كبديل لإستخدام مولد كهربا عادي في البيت

[ابوحبيبة2010]

http://www.nilemotors.net/Nile/338784-6-gupta-6200-electric.html

[AlGazar2]

فى مولدات صغيره كيلو او اتنين دى الى تسد معاك لكن اليو بى اس كبيره ربع ساعه و يفصل بتدفع فيه فلوس على الفاضى غير ان كل ما البطاريه كبرت كل ما سعره زاد كتير

مولد كهرباء يتحط فى البلكونه و تجيب معاه منظم تيار ب 130 :200 جنيه على حسب كام كيلو و المولد يتحط فى البلكونه و تجيبله بنزين فى جركن بلاستيك او ممكن تفك التانك بتاعه و تحط فيه البنزين و التانك ممكن يشغلك يومين مثلا و ممكن اكتر لانك مش هتشغله على طول

[ahmed.max3000]

اولا احب اشكر كل اعضاء المنتدي علي مجهوداتهم و اراءهم و اتفق مع صاحب الموضوع ان فيه ناس مش هينفع عاندها المولد و مش محتاجة تشغل حاجات كتير
ممكن مساعدة في كيفية حساب الاحمال و حساب القدرة لليو بي اس ؟
انا عارف ان فيه ناس شايفة ان المولد و اكثر كفاءة بس ده برضه بيختلف من شخص لآخر
يا ريت الرد من اعضاء المنتدي و اسف علي الإطالة

[Egyzizo]

أنا جبت UPS نوعة Inform تركى
وده الموقع بتاعه : INFORM ELECTRONIC
قوته 600VA
وجايبه لحماية جهاز طبى من انقطاع الكهرباء
جربت أفصل عنه الكهرباء علشان أشوف هيشغل الجهاز أد ايه
استمر نص ساعة وفصل.

مع العلم ان حمل الجهاز الطبى على اليو بى إس حمل بسيط كما يشير المؤشر (درجة 1 من 4 درجات).

كان تمنه 475 جنيه من حوالى 4 شهور.

[Egyzizo]

How to Calculate UPS Battery Backup Times | eHow

How to calculate UPS run time

http://www.ehow.com/how_7429261_calculate-ups-run-time.html