*** اجازة 7 ايام في مرسى غبور --- اقصد مرسى مطروح ***

[CryptonX]

الحمد الله لسة راجع امبارح من اول اجازة صيف من 3 سنوات , رحت لاول مرة في حياتي مدينة مرسى مطروح و ان شاء الله حتكون اخر مرة .. لانها من اسوء المصايف الي رحتها في مصر ! مقارنة بشرم الشيخ و الغردقة .

اول ملاحظة تجيلك اول ماتخش المدينة هي
كمية سيارات الاجرة الرهيبة ! اكثر من سيارات الملاكي !! و كلها بنسبة 90% هيونداي اكسنت ( الشكل القديم ) و ال 10% المتبقية يا اما فرنا بنسبة 5% و ال 5% البافي يا اما لادا او ستروين او سيارات اخرى .

سيارات الشرطة الي شتفها مزيج من الانترا الفديمة و الانترا الجديدة و النوبيرا .

واضح جدا سيطرة عمو غبور علي هذه المحافظة الصغيرة ...

البلد كلها عبارة عن 3-4 شوارع رئيسية و اهما هو شارع الكورنيش طبعا و هو تصغيير بسيط لكرنيش الاسكندرية و لكنه اقل ضجة و اكثر نظافة و لكنه ممل اكثر .

انا نزلت لاول مرة في فندق تابع للقوات المسلحة مسمى ب " مدينة و فندق مبارك للقوات المسلحة " و تقريبا ده احسن مافي الرحلة كلها .

الشواطئ العامة ازبل من الزبالة . و لحسن الحظ اني كنت بنزل في شاطيء المفروض انه من انفض شواطئ مطروح و اسمها " الابييض " و تنطق " الاوباي يض " .

و في 3 شواطئي ريئسية في منطقة الابييض - اللابيض العام - الابييض المتمير - فندق و قرية الابييض للقوات المسلحة و كالعادة هي اضف قرية شفتها هناك

الشاطئ جميل و رماله نظيفة و البحر الي حد ما نظيف ( بصرف النظر عن كمية مخلفات البحر من حشائش و شعب و لكنها لم تصل الي حد الازعاج او القرف يعني ) و لكنه غير شفاف و محمل بالرمل و الملح و لا يقارن اظلاقا بمياه شرم او الغردقة و لكنه افضل بكثير من الاسكندرية و الساحل الشمالي .

الخدمة سيئة و علي طول الكورنيس - لم اجد فندق واحد شكله عليه القيمة و معظم المطاعم و المقاهي سئية .. و كالعادة سلسلة المطاعم السريعة موجوةد هناك و اهمها ماكدونالد لاستحواذه علي مساحة كبيرة كشاطئ خالص بيه .. و لكن الخدمة و الاكل زبالة مقارنة بهنا و اسعاره اغلي من القاهرة !

الجو عكس ماهو متوقع - الصبح جيد و في نسمة هواء مع شمس حارقة باليل في هواء و لكن رطوبة عالية جدا .

المرور منظم نوعا ما عن مصر خوصوا بعد 1 اغسطس .

سوق ليبيا بتاع السلع المهربة من ليبيا ظريف لشراء كام حاجة مضروبة كدة تنفع البحر و الخروجات النص كم و مع وجود بعد السلع النادرة " الاصلية " .

انا رحت بسوبر جيت الي حد الاسكندرية و من الاسكندرية اخدت سيارة حميايا و هي مرسيدس E280 موديل 96 اعقتد بصراحة نستنى تماما الرحلة و حسستني اني كنت راكب تاكسي في مصر ..

وصولا هناك اجرت سيارت شيفورليه اوترا ستاشين و برده كانت غلطة نسبيا و ليها موضوع منفصل هنا :

http://www.nilemotors.net/Nile/showthread.php?p=365937#post365937

-------------

مجملا المصيف ظريف لو انت من سكان الاسكندرية و لكنه مش مبرر لل 600 كم الي قطعتهم نهائي و كان من الافضل اني اروح زي مابروح كل سنة الغردقة !

مع العلم بان اسعار مظروح ارخض بكثير من الغردقة و شرم .. و واضح جدا السبب .

[Karim_Monir]

حمد الله على السلامة
ما ينفعش تقارن مطروح وهيا مصيف عائلي بغردقة وشرم وهما مصايف عالمية
يعني سياحة
يعني فلوس
مطروح حلوة وفيها اماكن ظريفة لكن لو رجعت لموضوع هاتلاقيني بقول ماستحملش اقعد فيها اكتر من 4 او 5 ايام
مفيهاش خروجات
الابيض ظريف نوعا بس ما روحتش شوفتة من برة
عجيبة ظريفة وواضح انك ما روحتش البوسيت انضف واغلى شواطئ مطروح
سوق ليبا فعلا نادرا لما تلاقي حاجة كويسة غير كدة كلة مضروب وبالقديمة
هيا مدينة عائلية ما تنفعش اللي في سنك يا كريم
عايزة واحد بزوجتة واطفالة ما يتعرضوش لسخافات وحلو قوي يومين والحق انزل
وبعدين انت خدتها عن الطريق الاصعب لانها بوصلة العلمين من باب بيتي لجوة المدينة عملت 480 كم
وانا من بيتي للبوابات 55 كم

[Nile_Storm]

والله يا كريم انا رحتها 3 سنين ورا بعض و هي حلوه في حاجات كتير

شواطئ كتير فحت روميل الغرام كليوباترا البوسيت الابيض عجيبه و غيرهم

بحب فيها جو الهدوء اللي فيها بس هي فعلا عائليه و متتقارنش بلعب شرم و الغردقه

[CryptonX]

حمد الله على السلامة
ما ينفعش تقارن مطروح وهيا مصيف عائلي بغردقة وشرم وهما مصايف عالمية
يعني سياحة
يعني فلوس
مطروح حلوة وفيها اماكن ظريفة لكن لو رجعت لموضوع هاتلاقيني بقول ماستحملش اقعد فيها اكتر من 4 او 5 ايام
مفيهاش خروجات
الابيض ظريف نوعا بس ما روحتش شوفتة من برة
عجيبة ظريفة وواضح انك ما روحتش البوسيت انضف واغلى شواطئ مطروح
سوق ليبا فعلا نادرا لما تلاقي حاجة كويسة غير كدة كلة مضروب وبالقديمة
هيا مدينة عائلية ما تنفعش اللي في سنك يا كريم
عايزة واحد بزوجتة واطفالة ما يتعرضوش لسخافات وحلو قوي يومين والحق انزل
وبعدين انت خدتها عن الطريق الاصعب لانها بوصلة العلمين من باب بيتي لجوة المدينة عملت 480 كم
وانا من بيتي للبوابات 55 كم

شكرا يا كريم
فعلا معاك حق يا كريم هي مصيف عائلي اكتر منه شبابي
بس انا كنت متوقع يعني مش عارف .. الحمد الله غلي كل حال اكيد احسن من الشغل ولا قعدة البيت :)

انا رحت من العلمين فعلا بس انا فاكر اني طلعت من طريق لفيت مارينا في وشي !

الرحلة وانا رايح كانت ممتازة بسبب اني كمان كنت سايق E280 خليتني انسى الطريق فعلا ! و غلي 160 كمان :)

بس وانا راجع خدتها بشيفورليه اوبترا ساتشين 1600 خلتني العن الرحلة و السيارة و كل شيء :)

شكرا يا نايل .
بص هي مش سيئة اوي يعني بس انا متعود علي القرى الصغيرة و الخدمات الفندقية فوق الممتازة مش متعود علي نظان مدينة صغيرة و تنزل تلف بالعربية علشان تروح شاطي و كدة ..

يعني مثلا من 3 سنين اخر مرة صيفت كنت في هيلتون ريزوزرت في الغردقة .. الشالية بيطل علي حمام السباحة و حمام السباحة بيصب في البحر :) فهمت قصدي ؟ :)

[KoDaK_Gti]

مرسى مطروح من اسوأ المصايف فى مصر ؟؟؟
انت اول واحد تقول كده

[KoDaK_Gti]

مرسى مطروح من اسوأ المصايف فى مصر ؟؟؟
انت اول واحد تقول كده

دى مطروح فيها كمية شواطىء كتير جدا وكل يوم كنت بروح شاطىء كأنك فى منطقة تانية
مثلا عندك شواطئ
الغرام وعجيبة والاوبييض وروميل وكليوباترا و البوسيد وعلم الروم والفيروز وعروس البحر على ما اتذكر يعنى
وبحب اروحها علشان هادية جدا جدا
انا بقالى اكتر من 5 سنين مروحتهاش وان شاء الله احاول اروحها الصيف ده مع انه خلص

[MoToRiZeR]

انا داخل في المرة ال 12 مرسي مطروح
هي زمان كانت أحلي الصراحة لكن دلوقت مش وحشة برضه بس أخرك هناك أسبوع او 5 أيام

[farafiroooo]

يا جماعة انا وعيت علي الدنيا لقيت نفسي فمرسي مطروح وفعلا هي عائلية جدا
وده لانها بعيدة نوعا ما مش زي اسكندرية من القاهرة يعني متنفعش الناس اللي بيروحوا مصيف اليوم الواحد
افتكر ان ليا صورة فمرسي مطروح فشاطئ الغرام واقرب شمسية بينها وبين التانية 20 - 30 متر تقريبا كنت 3 سنين
وده كان الطبيعي مفيش زحمة نهائي مستواها كان عالي جدا فالهدوء الاستجمام ومتعة المناظر
لكن دلوقتي بقيت زحمة جدا واكيد مش هيبقي فصالح المتعة بالمصيف وهدوء اعصابنا من زحمة القاهرة

[mido777]

عايز تروح مطروح وتتبسط وتبقى مش محتاج تروح اى شاطئ تانى

يبقى فندق سان جيوفانى - كليوباترا

قمه فى النظافه والشياكه وجمال المياه

[hazem_khidr]

حمد الله علي السلامه يا كيمو
انا روحتها مره واحده من اربع سنين
كنا في شقه واحد صاحبنا بس هما فعلا اربع ايام و اخدنا بعضنا و جينا:(
بس هيا البلد معقوله مش وحشه للدرجه

[major_memo]

يا راجل دة البلد تحفة انا لسة جاي من هناك مناظر خرافة جدا والبلد جميلة وهادية وخصوصية هايلة لدرجة ان ممكن تبقي لواحدك علي الشاطي دي جميلة جدا البلد دي واهلها طيبين جدا وكويسين دة انا لاقيت المحافظ بتاع مطروح واقف في لجنة مش قاعد في المكتب زي البهوات الي عندنا لا واية الساعة 1 ظهرا في عز الشمس والبلد حاجتها رخيصة مش غالية ولا حاجة وبعدين متنوعة يعني ممكن تسهر كل يوم في حتي شكل وتروح كل يوم منطقة شكل والله انا البلد عجبتني جدا جدا جدا بس بعيدة جدا جدا جدا بس كلة يهون علي جمالها

[farafiroooo]

يعيبها االاساسي مياة الشرب لااااااااازم تشتري مية

[ياسر شقو]

السلام عليكم ورحمه الله وبركاته
انا كنت ناوي اشتري شقة او شالية في قرية في مدينة مرسى مطروح
وانا ساكن في مدينة القاهرة بالتحديد في مدينة حلوان
عاوز نصائحكم وتجاربكم في مطروح
اشتري ولا بلاش
ولكم الشكر والتقدير

[lena jo]

مرسي مطروح اتغيرت عن زمان كثير. للاسف اتزحمت و اصبح فيها مستويات مش كويسة و القهاوي استولت علي الكورنيش بالطول و ازعاج رهيب. كانت الاول من اجمل المصايف لكن المشكلة ان المحافظة نفسها اللي بتأجر الكورنيش. شاطئ الابيض كان من انظف و انقي الشواطئ في مصر تشوف الرمال الذهبية تحت قدمك و انت واقف في البحر. كانت فعلا ساحرة للي بيحب الطبيعة مش مطاعم و خروجات مدنية .للاسف كله اتغير.اخر محافظ اللي طور مرسي مطروح بجد كان الشحات . ظبط الطرق و عمل كوبري روميل و برجولات بطول الكورنيش للعامة و مكنش فيها قهاوي علي البحر غير كام واحدة بس. كانت الناس فعلا بتستمتع لكن الان كل همهم يأجروا اي خرم و بوظوا اللي المحافظ ده كان عامله للناس لصالح القهاوي و الشيشة و العك. حتي بعد كوبري روميل و انت خارج بدل ما نمشي نشوف البحر اصبحنا بنشوف العشش اللي عملوها علي الشاطئ اللي بتسد عليك البحر. حاجة تقرف. للاسف بيقتلوا جمال مطروح الذي كان. روح صيف فيها الاول و لف في كل مكان و بعدين احكم . متشتريش كده علي طول