عايزة اعمل الليزك و خايفة

[moody_687]

انا لسة عاملها الاسبوع اللي فات ف مركز الاسكندرية لتصحيح الابصار واتكلفت 3400 ج
المهم اياكي والخوف واياكي تتفرجي ع فيلم فاينل ديستنيشن عشان انا دخلت العملية وانا بحسب هحط وشي من غير مانام ع الرير بتاع العملية بحسب هقعد ع كرسي عادي وهتتعمل وانا قاعد عادي
دخلت اوضة العمليات بقى وربنا مايوريكي قولت للدكتور هو انا هنام ع لسرير قالي اه ولقيته بيحط مشبك ف العين زي الفيلم الاجنبي بالضبط فخفت ولقيت الدكتور بيقولي اياك تبربرش بعنيك وطبعا بربرشت والمشبك بتاع الجفن ضايقني طبعا
العملية الحمدلله نجحت بس حصل الاتي معايا وجود دم ف العين نتيجة للمعافرة اللي عملتها مع المشبك بتاع الجفن فاياكى والمعافرة واديني قولتلك اهو وخليكي ايزي خالص وكل عين بتاخد دقيقة وهيلبسك لما تخلصي غطاء بلاستيك مخرم عشان تقدري تشوفي وان شاء الله خير ولما تخلصي عايزين شيكولاتة بمناسبة اجراء الحلاقة

[mody3on]

3 من أكبر دكاترة العيون فى مصر اللى قالوا كده يافندم..والليزك مابيظبطش الاستجماتزم

انا مش هقولك ان الدكتور قالي كدة ، بس خد الكلام ده من مواقع طبية متخصصة
LASIK can also correct astigmatism by smoothing an irregular cornea into a more normal shape.
ASIK is a surgical procedure that uses a laser to correct nearsightedness, farsightedness, and/or astigmatism.

Refractive surgery such as LASIK also can correct most types of astigmatism.
المصدر
All About Vision - Complete Consumer Guide About Vision and Eye Care
Question: Can I have LASIK if I have astigmatism?
Answer: If you have astigmatism, you may be able to have LASIK eye surgery. LASIK is a type of refractive surgery used for correcting refractive errors such as astigmatism, myopia and hyperopia. If you have astigmatism, your vision may be blurry at distance as well as near. You may feel tired after reading and find that letters and words appear to be slanted. Many people with astigmatism have found LASIK eye surgery to be a safe and effective method of vision correction.
A thorough evaluation of your vision will be required to determine if you are a candidate for LASIK. The type and severity of your astigmatism will help your ophthalmologist decide if LASIK eye surgery will be beneficial to you. Some people with astigmatism should not have LASIK, as some qualities and characteristics of their eyes prevent them from having a successful outcome. Your eye doctor will probably use a corneal topographer to measure the quality and quantity of your astigmatism, to determine if LASIK will be beneficial to your vision.
Astigmatism LASIK - Can I Get LASIK for Astigmatism
الخلاصة
الليزك بيصحح قصر النظر وطول النظر والاستجماتيزم ، لكن طبعاً قبل العملية في اختبارات بتتعمل لتحديد مدى قابلية العين للعملية

[Egyzizo]

هل العملية دي بتغني عن استخدام نظارة المشي فقط
او انها بتغني كمان عن لبس نظارة القراءة
وخاصة لمن هم في سن اكتر من 40 سنة ؟؟؟
انا سمعت ان الاجهزة الحديثة ممكن تغني المريض عن نظارة القرءة تماما
هل حد عنده خلفية عن النقطة دي

الليزك العادى لا يستطيع تصحيح (بصر الشيخوخة) ، اللى هو استعمال نظارة للقراءة بعد سن الأربعين .. أو بصورة أدق لا يستطيع ذلك بصورة مباشرة

لكن اللى الدكاترة بيعملوه بالليزك العادى ويصحح (بصر الشيخوخة) حاجة اسمها الـ monovision ، يعنى الرؤية بعين واحدة وفى الطريقة دى بيتم تصحيح قصر النظر فى العين اليسرى مثلاً للمريض بنسبة 100% ، لكن يتم التصحيح بنسبة أقل فى العين اليمنى ، وبالتالى قصر النظر اللى متساب فى العين اليمنى يساعد المريض على التغلب على طول النظر الناتج عن بصر الشيخوخة بدون الحاجة الى استخدام نظارة للقراءة ..
بس الطريقة دى مش بتنفع مع كل مريض لأنها بتعتمد على طريقة تعامل المخ مع العين وهل يستطيع مخ المريض استقبال الصورة من عين واحدة كأنها عينين اتنين ..
علشان كده قبل العملية بتتعمل تجربة فى عيادة الطبيب يتم فيها تظبيط نظر المريض بالعدسات للحركة دي ، ونشوف هل المريض هيتكيف عليها واللا لأ.

التقنية الأكثر تطوراً وتعقيداً هى الـ multifocal ليزك ، وهى تشكيل قرنية المريض بنفس طريقة العدسات الملتي فوكال ، بس مش عارف دى ظروفها ايه فى مصر.

[mazagngi2010]

ربنا يسهل واعملها الاسبوع ده فى الزقازيق
كشفت عند حاتم خطاب فى الزقازيق والكشف المبدئى قاللى تنفع
لسه الفحص النهائى وهتدخل فى 3600 الفحص النهائى والعمليه
على فكره عندى استجماتيزم
ربنا يسهل

[ahmadmidop]

عملية سهلة ومضمونة جدا ان شاء الله ... فعلا زي ما الاخوة قالو فحوصات ما قبل العملية هي اللي بتحدد مدي فايدتها (فحص تصوير وسمك القرنية ) (بانتكام ) ... وارشحلك مستشفى العيون الدولي

[Amrgamal1]

بقالي سنيييييين نفسي اعمل ليزك بس خايف وكل مرة اتحجج بحاجه
لما اتم 18 .. طيب لما اتم 21 احسن .. طيب لما اخلص جيش
وخلصت كل حاجه ودلوقتي بردو خايف اعملها
ف عملت نضارة ريبان شمس ونظر شكلها حلو بلبسها بالنهار ومريحاني , وقدام اللاب بلبس نضارة بعدسات anti reflection

ابقي طمنينا :)

[rafeee2]

هي الزقازيق مشهورة بالليزك ولا ايه؟ :)

[mazagngi2010]

هي الزقازيق مشهورة بالليزك ولا ايه؟ :)

ولا مشهوره ولا حاجه لو تعملها فى القاهره احسن طبعا

[ramy_gamal]

ليا اتنين من اصحابى عملنها من 7 سنين وزى الفل مفيش اى شكوى..... توكلى على الله

[ICE_MAN]

انا عملت العملية سنة 2010 فى المستشفى الوطنى برضوا و الحمد لله الموضوع كويس جدا.

رايى ان حضرتك تتوكلى على الله لان النتيجة تستاهل.

[lena jo]

اتكلي علي الله صلي استخارة و اعملي العملية.انا متصورتش الناس ازاي يبتعملها لكن قابلت واحدة زميلة لوالدتي في العمل كانت عملتها من 7 سنين قالت انها كويسة. علي حسها عملتها بنت صديقة لها مع نفس الدكتور كان لازل مساعد لكن اصبح يعملها هو بنفسه. اسمه أيمن الغندور بيعملها في برج الصفا الطبي في ميدان الحجاز بالمهندسين.انا كلمته علشان صديقه لي ومش ممكن بعدها كل شخص بيسلم التاني .هي زوجها عملها بعدين 2 من اصحابه ثم واحده زميلتنا . و زميله اخري كبيرة شويه بس كانت لاولادها.بنتين وولد.وهكذا وكلهم الحمد لله مبسوطين.كل واحد شاف حد خلاص عمل العمليه وبقي كويس يتشجع و يعملها عند نفس الطبيب. ده غير فجأه الاقي كل فتره واحده زميله اصبحت بدون نظاره و نكتشف انها عملتها .وتودع النظارة زي اعلان اتصلات Goodbye my love goodbye . بس اهم حاجه تسمعي تعليمات الدكتور و تلتزمي بالقطرات ما بعد العملية بس احسن تعمليها في الشتاء بعيدا عن الحر و التراب. و ابعدي عن الفيديو ده. انا لم ولن اشاهده. نصائح .اول حاجة تشتري نظارة شمس حقيقيه يعني تعكس اشاعة الشمس و تحمي العين منها. ثم بعد التأكد من ان القرنية تصلح للعملية .ان شاء الله تعمليها و بعدين الدكتور بيكشف علي العين و يطمئن علي العملية ثم تستعملي نظارة الشمس تفضلي مغمضه قدر المستطاع و لا تلمسي عينك لفترة يحددها الدكتور.التزمي بالقطرات اللي وصفها. و اعملي حسابك لا تخرجي لمدة 4 ايام. طبعا ابعدي كام يوم عن اي شاشة...كمبيوتر او تليفزيون.
اما اعراض ما بعد العمليه فهي حسب التزامك بالتعليمات. لكن بعض الاحمرار يختلف من شخص لاخر بس بيروح و جفاف شويه لكن مع استعمال liquifilm tears اواي من بدائلها تحل المشكلة.و الالم و الالتهاب محتمل و بيروح ان شاء الله لانك بتستعملي القطرات الموصوفة. اما ان النظر بيرجع يضعف فده مش مشكلة العملية لكن حسب الشخص بعملية او بدون. ربنا يوفقك

[midooo_119]

والدى عملها وهو عنده 70 سنه و الحمد لله نجحت و اختى عملتها من سنه و ناجحه الحمد لله الاتنين من غير اى مضاعفات

[bekatcho]

اتكلى على الله واعمليها انا اختى عملاها من سنة ونص وتمام
وصحبى عملها من 4 شهور وتمام
وانا اخيرا عملها يوم 21/3 وفرق شاسع الصراحة
كفاية احساس النظارة الشمس وانتى سايقة العربية اخيرا جربتة :d

[ابراهيم حامد]

ياريت لما تعمليها تبقي تبلغيني بالنتيجة لو سمحتي لأن انا نفس حالتك بس مع اختلاف بسيط
بصراحة انا مستني اشوفك هتعملي ايه علشان حالتنا متشابهة الى حد ما
ياريت بس لو سمحتى متنسيش تبلغيني بالنتيجة بعد العملية ان شاء الله وترجعى تشوفي الدنيا احسن واكثر نور