احنا اللى بنصنع البلطجى

[RAPID]

محل جنب البيت صاحبه شاب حوالى 25 سنة وارثه عن ابوه
الواد ده من الاخر كان عيل هفأ واهبل وملوش فى حاجة والكل بيشتغله
بس من يوم ما وقف فى المحل صوته بدا يعلى بس بهبل مش حرفنة
يعنى واحد يسلم عليه يجعر باعلى صوته ويقوله اهلاااااا اتفضاااال يا معالللليييم
فى البداية الناس كانت مستغربة وبتضحك عليه
وبسبب جعيره وعلو صوته وغشوميته فى التعامل مع الناس
الجيران كانت بتحجز عنه خناقات ومشاكل كل يوم من ناس كتير
لكن مع الوقت اصبح كلامه كله جعير وشتيمة وقلة ادب وعلى مسمع ومراى
وفى الشتا يولع نار فى نص الشارع ومعرضها وعايش فى دور نخنوخ

المفاجاة
الناس اللى كانت بتقول عليه عبيط واتجنن ومش لاقى حد يلمه بقوا اصحابه
واللى كان بيشتمهم امبارح بعبطه اصبحوا واقفين معاه ليل نهار قدام المحل
والجديد انه داخل فى سكة البرشام وحركات مريبة وسلاح وحاجات غبية

كل ده مش مهم
المهم انى اتاكدت اننا كشعب احنا اللى بنصنع البلطجى
واحنا اللى بنديله الشعبية
بتعاملنا معاه وتقبلنا لقلة ادبه واشعاره انه حد مهم وجدع على عكس حقيقته
حتى لو كنا عارفين حقيقته بس ميمنعش اننا ننفخ فيه ونكبره
ونضحك على شتيمته واهانته للغير ونشجعه للاسف

لحد ما يجى اليوم اللى يمسك فيه سلاح ولا مطواة يثبت بيها الناس
ولا يقف على ناصية يبلطج ويعاكس فى بنات الناس وكله قافل بقه وساكت
ونقول فين الحكومة وفين وفين

انا شايف ان احنا لينا دور فى تربية البلطجى
بتساهلنا وتعاملنا معاه (وكلمة معلش) لاى حد يحاول يوقفه عند حده
انت شايف ايه ؟

[م. حاتم السباعي]

كلام مظبوط

و التقرب من البلطجي بيبقي لاحد سببين الاول هو اتقاء شره ( وهذا ناتج عن ضعف ايمان ) و الثاني لان هناك من الناس من تحب ان تري في غيرها ما لم تساعدهم الظروف علي تحقيقه

واضح ان كثير من الشعب كان عاوز يبقي بلطجي بس فشل

تحياتي لحضرتك

[mohammedabdallh]

كلام مظبوط
انت لو عندك بلطجى فى الشارع
والشارع كله وقف كا رجل واحد هتهده ولكن لو وقفت لوحدك مش هتعمل معاه حاجه
نفس الى حصل مع مبارك اثناء الصوره الشعب كله وقف
بس الخوف من الى بعد كدا

[S O P H O S]

هو صح بس ده بيرجع للانسان بردوا
يعني في واحد مهما حطيته فاي مكان اتأسس صح
وفي واحد طيب ولكن عجينه سهلة لاي شئ هيقابله ..

[Ahmed_selmy]

كلام صح 100 * 100.

[RAPID]

كلام مظبوط

و التقرب من البلطجي بيبقي لاحد سببين الاول هو اتقاء شره ( وهذا ناتج عن ضعف ايمان ) و الثاني لان هناك من الناس من تحب ان تري في غيرها ما لم تساعدهم الظروف علي تحقيقه

واضح ان كثير من الشعب كان عاوز يبقي بلطجي بس فشل

تحياتي لحضرتك

والسبب التالت ان البعض ثقته مهزوزة فى نفسه وبيساير الموجة وماشى بمبدا لو محترم احترمه ولو بلطجى افرشله واعمل نفسك صايع زيه ومش مهم يركبك بعد كدة او يقل ادبه عليك .. البلطجى شخصية منبوذة فى اى مكان واى بلد الا فى مصر بنمجده وبنعمله افلام مخصوص وليل نهار فى وسائل الاعلام كانه قدوة (عبده موتة، الالمانى، ابراهيم الابيض، المسحول، نخنوخ، مرتضى منصور وغيرهم كتيييييييير ..)

شكرا يا بشمهندس على مرورك

كلام مظبوط
انت لو عندك بلطجى فى الشارع
والشارع كله وقف كا رجل واحد هتهده ولكن لو وقفت لوحدك مش هتعمل معاه حاجه
نفس الى حصل مع مبارك اثناء الصوره الشعب كله وقف
بس الخوف من الى بعد كدا

الله ينور عليك
بس فين ده وكله دلوقت بيقول يلا نفسى

هو صح بس ده بيرجع للانسان بردوا
يعني في واحد مهما حطيته فاي مكان اتأسس صح
وفي واحد طيب ولكن عجينه سهلة لاي شئ هيقابله ..

تمام
واحب اضيف ان اى بلطجى جبان ونفسيته خربانة
بس اللى بيقويه هو خوف الناس منه وايثارهم السلامة

كلام صح 100 * 100.

شكرا يا فندم

[tarekmomo]

كلامممممممممممم سليم مية فى المية

[AhMeD MeTwAlY]

وليه مكونش انا البلطجي

[RAPID]

كلامممممممممممم سليم مية فى المية

شكرا لحضرتك

وليه مكونش انا البلطجي

تقصد تقول ان البلطجى ممكن يكون اى شخص بيننا
وارد جدا ..
ساعات بنعمل اخطاء ممكن تتسمى بلطجة حتى لو كانت صغيرة
اشياء صغيرة اعتدنا عليها زى:

رد جارح (بلطجة على الشعور)
زبالة بنرميها فى الشارع (بلطجة على البيئة والمجتمع)
ايذاء حيوان (برضة بلطجة)
حشيش ومخدرات (بلطجة على النفس) !

اكيد مش لازم سلاح ومطواة

[hugan]

+1111111111
كلام سليم
عارف لما عيل من العيال دي يعور واحد بمطواه او يقتل واحد في خناقه وبغشوميه
اول ما يتقبض عليه
اول حاجه يسال عنها بعد ما يتقبض عليه الناس بتقول عليه ايه
يعني اتصيت وسمع في المنطقه ولا لسه

[RAPID]

+1111111111
كلام سليم
عارف لما عيل من العيال دي يعور واحد بمطواه او يقتل واحد في خناقه وبغشوميه
اول ما يتقبض عليه
اول حاجه يسال عنها بعد ما يتقبض عليه الناس بتقول عليه ايه
يعني اتصيت وسمع في المنطقه ولا لسه

حاجة غريبة فعلا