مكوه وخلاط للبيع

[hassanin_lada]

مش عارف ابدأ منين واللهي بس موقف فعلا غريب غريب

نوع جديد من الدعايا والتسويق

بأختصار كنت خارج انا واصحابي النهارده انا واتنين تاني لسا بندرس وواحد متخرج

احنا كلنا تجاره انجليزي

قعدنا علي الكافتريا (اول مره نروحها قولنا نجرب الشيشه فيها)

قعد جه الجرسون تشربو ايه شيش بقي ومشارب والدنيا فل

جت الطلبات والشيش والدخان كان عامي الدنيا والدماغ زي الفل

ولحظه جه اكرم

راجل تقيل بمعني الكلمه

هو: السلام عليكم يابهوات

احنا وعليكم السلام

هو خلاط ومكوه للبيع يارجاله والسعر 1200 وبس

احنا

هو احنا لاقين ناكل عشان نشتري حاجات ب 1200

لا ياباشا الف شكر

هو طيب بصو بلاش 1200 خليها 1000 بس وال 200 عندي انا

أنا : يابيه انا لو معاايا 1000 ماكنتش قعت مع الناس دي

هو : ليه دي ناس زي العثل

المهم عشان ماطولش عليكم

رحت قولتله طيب شيل ال 1000 وخليها 200 بس

قالي مش هكسرلك كلمه

طلع الحاجه ومن غير مانجربها

قالك فين الفلوس

كل ده هزار

راح صاحبي قالو لو 200 انا شاري

قاله هتاخد ايه المكوه ولا الخلاط ؟؟

قاله الاتنين ب 200 جنيه والفلوس حاضره

وكل ده بهزار

المهم قعد يناوش ويوطي عليا ويقولي طب انا هكسفهولك وشويه يوطي عند صاحبي ويقوله نفس الكلام وقعد يحور كتير وكله هزار

اخد الفلوس ويمشي شويه ويرجع يضحك ويجي يهزر تاني

عمل الموضوع ده مرتين والتالته فص ملح وداب

صاحبي الحاجات اصلا مش لازمه قولتله قوم اقفش امه ياعم

راح علي ناصيت الكافتريا فص ملح وداب

اصحابنا قامو يدورو عليه وانا مع الحاجه

وبردو الراجل اختفي

رجع صاحبي (واللهي صعبان عليا )

وقالي طب تعال نجربهم

حط اخلاط ويجرب مش شغال

ببص لقيت الفيشه مهزوزه هوب راح اشتغل الحمدلله

هات المكوه هوب شغاله الحمدلله

اطمني

وقعدنا واحنا بنشيش وبنبص لبعض وفجأه هسترية ضحك للصباح الباكر بشكل غبي

وصاحبنا قاعد

انا يتعلم عليا انا يتعلم عليا

قومنا حاسبنا وروحنا عن العربيات و شغلنا اغاني شعبي والواد هيتشل مننا

والضحك مش راضي يبطل

اكرم لعبها صح ياجدعان ولبسنا في حاجات هو السعر اعتقد انه يادوب

بس صاحبنا اتعلم عليه

وفي الاخر اخدنا صور تذكاريه للحدث السعيد ده

اصحابي واللي في النص هو صاحب المكوه والخلاط



انا



هو في كده ياجدعان صباح النصب

واللهي الدماغ المصريه دي فيها كتير بس اللي يستغلها صح

انا قولت اكتب الموضوع عشان الناس تاخد بالها بقي من كرم والناس اللي زيه

والسلام ختام

[S O P H O S]

الموقف ده حصل مع واحد كان واقف جمبي
وفلحظة حصل الموقف بيبني بينك يعصبك فالاول
بس غصب عندك بتتضحك ..

[hassanin_lada]

فعلا هو ده اللي حصل كنا هنموت ونشوف الراجل

كان هياخد علقت موووووت

بس اخر اللليل قلب تهيس بمعني الكلمه


اللي هو نقف ساكتين وفجأه نفتح في الضحك

[mesaharaty]

حصل فين الموقف ده بالضبط ؟

[friendship7897]

ههههه - يعنى أنتوا مش محتاجين الحاجات دي !
ومش بتجهزوا نفسكم علشان أفراحكم مش على الأبواب !
ومش معاكم فلوس أصلاً !
فحبيتوا تشتغلوا الراجل النصاب
فأشتغلكم
تستهلوا
بس المفروض كان صاحبكم المنصوب عليه يقسم عليكم المبلغ
لأن الهزار كان مشترك بينكم والضحك والتهيس كان مشترك
أشمعنى الفلوس مش مشترك بينكم

[AhMeD MeTwAlY]

ههههههههههههههههههههههه
متحولش تشتري من اي حد في الشارع اي حاجه لانها اكيد نصب

[hassanin_lada]

حصل فين الموقف ده بالضبط ؟

علي كافتيرا قريبه من الجامعه

انا من اسيوط

ههههه - يعنى أنتوا مش محتاجين الحاجات دي !
ومش بتجهزوا نفسكم علشان أفراحكم مش على الأبواب !
ومش معاكم فلوس أصلاً !
فحبيتوا تشتغلوا الراجل النصاب
فأشتغلكم
تستهلوا
بس المفروض كان صاحبكم المنصوب عليه يقسم عليكم المبلغ
لأن الهزار كان مشترك بينكم والضحك والتهيس كان مشترك
أشمعنى الفلوس مش مشترك بينكم

ههههههه يباشا هو الوحيد اللي معاه فلوس وبعدين هو اللي قال خلاص انا هخدهم منك

وهو اللي طلع الفوس

وبعدين فرضنا اننا قسمنا الفلوس هنقسم الخلاط والمكوه ازاي

ههههههههههههههههههههههه
متحولش تشتري من اي حد في الشارع اي حاجه لانها اكيد نصب

وربنا ماكنا هنشتري

الواد اخدنا علي اخوانه

[AhMeD MeTwAlY]

وربنا ماكنا هنشتري

الواد اخدنا علي اخوانه

ههههههههههههههههههههههههههه
محدش بيتعلم ببلاش بس خلي بالك المره الجايه

[hassanin_lada]

ههههههههههههههههههههههههههه
محدش بيتعلم ببلاش بس خلي بالك المره الجايه

هو كمان فيها مره تاني

احنا اي حد هيجي يقولنا علي اي حاجه هتتباع هنجري وراه

[A_H_M_A_D]

الخلاط اهو بيتباع ب 100 جنيه
100 جنيه بدلاً من 134 جنيه لخلاط 3 في 1 ماركة Four Star من Go Tech

المكواه بقى هاتلاقيها بتاعه 50 جنيه مثلا , يعني انتو ماتنصبش عليكم في كتير :)

[hassanin_lada]

الخلاط اهو بيتباع ب 100 جنيه
100 جنيه بدلاً من 134 جنيه لخلاط 3 في 1 ماركة Four Star من Go Tech

المكواه بقى هاتلاقيها بتاعه 50 جنيه مثلا , يعني انتو ماتنصبش عليكم في كتير :)

ياباشا انت داخل تهديني ولا تنرفزني