لما بتشوف حال البلد...بتقول ايه لنفسك ؟؟(بعيدا عن السياسه)

[Karim_Mohy]

بعيدا عن السياسه وصراعاتها......

لما بتشوف حال البلد بتقول ايه لنفسك.....غير ربنا يعدي الايام علي خير والبلد حالها يتحسن

مين اكتئب وفكر يسيب البلد ويسافر....مين متفائل وعنده امل ان البلد حالها هايتعدب قريب......

بلاااش.....مين صاحب شغل خاص وشايف ان حاليا الوضع لا يسمح له انه يكمل......
مين لسه ماتجوزش ومقلق ياخد الخطوه دي وهو شايف حال البلد ومش عارف يسافر ولا يستني يمكن يتعدل حالها

مين لسه في الكليه وبيتعلم وخايف علي مستقبله وبيفكر في حياه كريمه ليه ولاهله

مين متجوز وعنده عيال وبيفكر في مستقبلهم وانه نفسه يعيشوا حياه كريمه في مجتمع يحترم الاخر



دي مجموعه مواقف لكذا شخص فينا.....بتقول ايه لنفسك....مين متفائل ...مين متشائم ومين مش عارف يفكر.........تلاقي نفسك بتقول هل السفر حل مؤقت علي ما الحال يتحسن....تلاقي نفسك في دايره مفرغه من التفكير.....وتدعي ربنا ان البلد تكون احسن من الاول

ياريت نتشارك بالافكار
تحياتي للجميع

[محمد عز]

بقول ياريت الثورة ما كانت قامت

البلد عيارها فلت ولا ديمقرايطية ولا يحزنون ينقعوا مع الشعب دلوقتى

البلد انهارت وعلشان توقفها تانى على رجليها ناس غلابة كتير اوى هتروح فى الرجلين

[dolly13]

باحس ان البلد بقت غريبة علينا او احنا اللى غريبين عليها ومفاصلها اتفككت
لكن دايما متفائلة وباقول باذن الله بكرة احلى من النهاردة
كتير اوى فكرنا نسافر ونسيبها لكن عمرنا ماقدرنا ناخد القرار ده فى اخر لحظات نرجع فى كلامنا ونقول والله ماحنا مسافرين
طبعا خايفين على ولادنا لدرجة الجنون لكن عندى امل ان التجربة القاسية تعلمنا حاجات كتير تغير مننا كمصريين للاحسن رغم ان الدرس كان صعب اوى لكن باذن الله يعدى الصعب

[Ahmed_selmy]

للاسف .....اللى الواحد كان منتظره او متوقعه بعد الثورة محصلش منه حاجه.
فعلا الواحد بدا يقول كنا فضلنا زى ما احنا واهى كانت ماشيه.
المشكله ان الناس دلوقتى محدش عارف احنا عايزين ايه ولا احنا رايحين فين .....وللاسف الشديد كل اللى فى السلطه او على الساحه السياسيه عموما كلهم عايزين حاجه واحده .....السلطه فقط
بصراحه انا مش شايف فيهم حد عايز فعلا مصلحه البلد .....كله صراع من اجل السلطه والكرسى .......وكل واحد عايز ياخد السلطه علشان يطبق فكره او علشان ميتحطش تحت فكر حد تانى .
انا مش شايف حد فعلا قدر يجمع الناس كلها وراه تحت رايه واحده .....وهى حب البلد ومصلحة البلد.

[Mr.Lawyer]

بقول ياريت الثورة ما كانت قامت

البلد عيارها فلت ولا ديمقرايطية ولا يحزنون ينقعوا مع الشعب دلوقتى

البلد انهارت وعلشان توقفها تانى على رجليها ناس غلابة كتير اوى هتروح فى الرجلين

للاسف .....اللى الواحد كان منتظره او متوقعه بعد الثورة محصلش منه حاجه.
فعلا الواحد بدا يقول كنا فضلنا زى ما احنا واهى كانت ماشيه.
المشكله ان الناس دلوقتى محدش عارف احنا عايزين ايه ولا احنا رايحين فين .....وللاسف الشديد كل اللى فى السلطه او على الساحه السياسيه عموما كلهم عايزين حاجه واحده .....السلطه فقط
بصراحه انا مش شايف فيهم حد عايز فعلا مصلحه البلد .....كله صراع من اجل السلطه والكرسى .......وكل واحد عايز ياخد السلطه علشان يطبق فكره او علشان ميتحطش تحت فكر حد تانى .
انا مش شايف حد فعلا قدر يجمع الناس كلها وراه تحت رايه واحده .....وهى حب البلد ومصلحة البلد.

+111111111111111

للأسف لم يفكر احد فى مصلحه مصر وشعبها من البسطاء والطبقه المتوسطه التى اختفت ، انا من اولى الناس اللى نزلت الثوره واولى الناس برضه اللى انسحبت من الميدان بعد تحول هدف الثوره من تصليح المفسدات فى البلد الى هدم المؤسسات وكل طائفه تريد اسقاط النظام من اجل ان تصل هى الى الكرسى فقط ، وحتى الان وبعد ظهور الكثيرون على حقيقتهم وجشعهم سواء السلطه او المؤيدون او المعارضون فالجميع لا يريدون الا الكرسى فقط وقريبا سيثور المجتمع عليها اذا استمر الوضع على نفس المنوال ، فهناك اناس من الطبقه المتوسطه اصبحوا فقراء وهناك فقراء يموتون جوعا كل يوم وهؤلاء كل يوم يمر عليهم على هذا الحال سيجعلهم يرفضون المجتمع بكل ما فيه ويثورون عليه وهذا محتمل قريب ، ولكن كل ما اتمناه ان يتم اصلاح عقول المؤيدون والمعارضون ويركزوا على البلد وشعبها كويس ويتحدوا من اجل مصلحتها العليا فالصراع ليس فى مصلحه احد بل ضد كيان الدوله اساسا ، ومع انى مش شايف اى بادره امل فى اصلاح الحال ف مصر ولكننى اصر على عدم السفر للخارج لان مصر الان فى امس الحاجه لابناءها من الشباب وان شاء الله هترجع زى الاول واحسن

[bobbozo4b]

رائ الخاص بعيد عن مقولة "اللى جاى بكره احلى"
الحلم اللى كلنا كنا بنحلمه بعد الثورة
بقول اننا كلنا كنا حزب واحد بيلعن مبارك والظروف وكنا عايشن بنجرى وراء اكل العيش بس
وكنا عايشين فوق وش الفته ومافيش حد فاهم حاجة "بس البلد كانت وقفه محلك سر"
اما الان بقينا مليون حزب و طائفه وكله بيلعن ويخون التانى وبيستغل الظروف عشان يكسب من تانى
وعايشين فى قلب الفته ومافيش حد فاهم حاجة " البلد دلوقتى بترجع لوراء"

[Y a r i s]

انا طول عمري كنت ضد مبارك وكان لساني هو الي جايبني ورى ...
بس لمن قامت الثورة بيني وبينكم كنت رافضها وكنت ضددها مش لسبب ... ولكن لخوف من داخلي ان الزبااااااااااااالة هتطلع والافاعي والعقارب هتوخرج من جحورها تطالب بحقوقوها ... مكنش نفسي الثورة تستمر كفاية ان الولاد ادروا يضربوا حسني قلم. علموه الادب ... وينسحبوا بقه ... بس لقيتهم بيقولوا مش هنمشي هو يمشي .

واول ماشفت كارفور المعادي بيتسرق. قلت ااااااااااه ابتدينا ابتدينا ابتدينا ... بس طول مافيه بكره ربنا يعوض علينا ... ويعوض الله يعوض الله يعوض الله ههههه وهوبا. الي عملوه في المهندسين وتكسير الاسواق الحرة وسرقتها ... ده حتى مكن الايتي ام بقينا نشوف شاشات مخرومة ولاد المتخلفة كاسرين الشاشه فاكرين ان الفلوس محطووطة وراها :)

انا عن نفسي مش متفائل ... مش لسبب بس لان الشعب اتعود واتربى على الهمجية على الفوضى على العشوائيه في كل شيء .... شعب عايش على الفهلوة وشغل الحلق حوووش ... شعب بتاعت مصالح ... وممكن يبيعك في لحظة علشان خاطر جنية ... فطبيعة شعب زي كده غرقانين في الفوضى ومغموسين في الانانية والسبهللة لايمكن تيجي تقولهم يالله يا حبيبي انتا وهو. في ثورة وكل واحد حررر ... اعمل الي انتا عاوزوا !!!

متزعلوش مني بس بالقمع والديكتاتورية بنينا الامجاد وسابقنا الامم ... وبالدلع وبالطبطبه كل محافظة عاوزة تعلن استقللها حالياً :) وتحياتي

[mohammedabdallh]

انا رائى اننا كنا بنتسرق بس عايشين فى امان وبنلاقى حاجات كتير حلوه
اما دلوقتى برده بنتسرق ومش لاقين اى شى ولا اى حاجه
وقال ايه بكره احلى

[S O P H O S]

بحس انها كانت بلد نصها ضايع وشعبنا هيموت علشان ترجع لينا
ولما حصل ثورة طارت الطورطه كلها ومبقاش لينا فيها اي قطعة
لنا حق المشاهدة فقط ..

[dolly13]

ايه ياجماعة التشاؤم ده كله
اكيد احنا فى فترة انعدام وزن ده صحيح واكيد البلد اتخطفت من اهلها ده صحيح
واكيد فيه ايام جاية اسوا من اللى احنا فيه بكتير على فكرة
لكن بكرة اللى اقصده بتاع ولادنا
بكرة المؤمن بالعلم والتحضر بعد الفوضى والدروشة وزمن البهاليل اللى احنا فيه دلوقتى
انا صحيح مش عارفة الموضوع هاياخد كام سنة
لكن اوعى حد فيكو ينكر اننا شعب قوى جدا وهانعدى المرحلة دى وكل من تسبب فى اذيتنا هاينال مايستحقه تماما واتمنى ان يكون بالقانون وليس عن طريق جلسات عرفية وخلافه
لا تفقدوا الامل بالسرعة دى
اعتبروا اننا بنحارب عشان بلدنا تبقى احسن لاولادنا صحيح احنا مش عارفين بنحارب مين بالظبط لكن يوم بعد يوم الرؤية بتنكشف وهانعرف طريقنا لاننا مش ناقصين مخ ولا ارادة
يبقى اكيد بتوفيق ربنا هانكون احسن
كام سنة دربكة ولخبطة واحباط معلش يعدوا هوا ونبنى نفسنا بعدها ونبقى افضل من اى وقت عشناه قبل كدة
اعتذر عن الاطالة لكن الاحباط ده وحش اوى
تحياتى

[amdd]

ايه ياجماعة التشاؤم ده كله
اكيد احنا فى فترة انعدام وزن ده صحيح واكيد البلد اتخطفت من اهلها ده صحيح
واكيد فيه ايام جاية اسوا من اللى احنا فيه بكتير على فكرة
لكن بكرة اللى اقصده بتاع ولادنا
بكرة المؤمن بالعلم والتحضر بعد الفوضى والدروشة وزمن البهاليل اللى احنا فيه دلوقتى
انا صحيح مش عارفة الموضوع هاياخد كام سنة
لكن اوعى حد فيكو ينكر اننا شعب قوى جدا وهانعدى المرحلة دى وكل من تسبب فى اذيتنا هاينال مايستحقه تماما واتمنى ان يكون بالقانون وليس عن طريق جلسات عرفية وخلافه
لا تفقدوا الامل بالسرعة دى
اعتبروا اننا بنحارب عشان بلدنا تبقى احسن لاولادنا صحيح احنا مش عارفين بنحارب مين بالظبط لكن يوم بعد يوم الرؤية بتنكشف وهانعرف طريقنا لاننا مش ناقصين مخ ولا ارادة
يبقى اكيد بتوفيق ربنا هانكون احسن
كام سنة دربكة ولخبطة واحباط معلش يعدوا هوا ونبنى نفسنا بعدها ونبقى افضل من اى وقت عشناه قبل كدة
اعتذر عن الاطالة لكن الاحباط ده وحش اوى
تحياتى

المشكلة يافندم اننا اعتبرنا نفسنا اعداء لبعض وبقينا بنحارب بعض والله الناس فى الدول التانية بقت بتضحك علينا
انا نفسى الاقى مشكلة ولو صغيرة بتتناقش على الفضائيات عند الدول دى مفيش غيرنا احنا اللى مبنحبش بعض وبنشكك فى بعض وبنموت ونخون بعض للاسف
انا مش ضد الاعلام لكن نفسى كل القنوات الحواريه دى تتبث على تردد ارضى ومتطلعش الفضا بدل ماحنا ناشرين غسيلنا كده بره قدام اللى يسوا وميسواش
انقسمنا مؤيدين ومعارضين وخصوماتنا بقت بتزيد وبتولع اكتر
مع ان قبل كده كنا عايشين مع بعض من غير اختلافات
صدقونى قريب الناس هتبتدى تفكر تروح لاخصائيين او دكاتره نفسيين للعلاج النفسى والاكتئاب والاحباط ...انا نفسى بفكر اعمل كده
لما بشوف حال البلد ...بقول ياريتنى ماتجوزت ولا خلفت على الاقل كنت هبقى بطولى فى اى داهيه
لكن البلد دى فيها ناس كتير طيبه وربنا اكيد هيكرمنا ان شاء الله

[Y a r i s]

طيب تصدقوا وتأمنوا بالله

يواد قول لا إله الا الله انتا وهوا ... تصدقوا ان في حاجة غريبة لاحظتها تايد لكلام اخويا amdd من ساعت ماقامت الثورة والدنيا مدربكة وابص الاقيلك ناس بتتجوز حتى في جمعة الغضب ذات نفسها ... ولمن سئلت واطقست لقيت كمية تسهيلات تسهيلات للشباب يعني مش ناقص غير يقولولوا هات دبلتين ويالله خوش جوا نقيلك عروسة وشيل بالبركة ويالله ... ده حتى الاهالي الي كانو قاعدين بيتعنطزوا. ولا لا لا عاوزين زابط ولا لا لا عاوزين طيار. ولا دكتور ونقبل بالصيدلي هههههه النهردة لو جالهم حتى كومسري. بس بيكسب كويس وعندو شقه بيوفقوا عليه ... تقريباً الاسر المصرية بقيت خايفه على بناتها جداً وبقوا حاسين ان الزمان ملهوش أمااان

وكل واحد عاوز يجوز بنتوا قبل ما يصاب بطلق خرطوشي ولا حاجة نهههههه وتحياتي

[AhMeD MeTwAlY]

الحمد لله بقيت حاسس اني عايش غريب بس ومستني اليوم القريب الي استلم التأشيره علي جواز السفر واحجز الطياره واخلع

[dolly13]

المشكلة يافندم اننا اعتبرنا نفسنا اعداء لبعض وبقينا بنحارب بعض والله الناس فى الدول التانية بقت بتضحك علينا
انا نفسى الاقى مشكلة ولو صغيرة بتتناقش على الفضائيات عند الدول دى مفيش غيرنا احنا اللى مبنحبش بعض وبنشكك فى بعض وبنموت ونخون بعض للاسف
انا مش ضد الاعلام لكن نفسى كل القنوات الحواريه دى تتبث على تردد ارضى ومتطلعش الفضا بدل ماحنا ناشرين غسيلنا كده بره قدام اللى يسوا وميسواش
انقسمنا مؤيدين ومعارضين وخصوماتنا بقت بتزيد وبتولع اكتر
مع ان قبل كده كنا عايشين مع بعض من غير اختلافات
صدقونى قريب الناس هتبتدى تفكر تروح لاخصائيين او دكاتره نفسيين للعلاج النفسى والاكتئاب والاحباط ...انا نفسى بفكر اعمل كده
لما بشوف حال البلد ...بقول ياريتنى ماتجوزت ولا خلفت على الاقل كنت هبقى بطولى فى اى داهيه
لكن البلد دى فيها ناس كتير طيبه وربنا اكيد هيكرمنا ان شاء الله

لا مش لدرجة العداء يعنى
كل الحكاية ان كلنا اعصابنا تعبت ومش عارفين بكرة فيه ايه
ومش معترضة ان الثورة طلعت اسوا مافينا لكن دى فترة وهاتعدى وهانرجع ناس طبيعيين تانى
يعنى ممكن نعتبر نفسنا فى فترة مرض شديد وتليه النقاهة باذن الله ونرجع لطبيعتنا تانى
لكن اكيد ده مش هايحصل غير بوجود اجهزة دولة تطبق القوانين لان مهما كان الشعب طالما لا يطبق عليه القانون يصبح زى ماحنا شايفين كدة
حكاية البرامج الحوارية والكلام ده كله غير مؤثر غير على نفسياتنا بس لانهم بيورونا السواد اللى فى المشهد بزيادة اوى لكن ده اكل عيشهم وبعدين بصراحة هم مش بيجيبو حاجة من برة
حاليا فعلا الصورة قاتمة لكن هم عندهم قدرة على اضافة بهارات للخلطة
تحلية بضاعة يعنى لكن ده مش معناه اننا نستسلم للاحباط
لاااااااااااااااازم نبقى اقويا ونعدى الفترة القاتمة دى بمنتهى التماسك والمستقبل باذن الله هايبقى احلى

[Karim_Mohy]

باحس ان البلد بقت غريبة علينا او احنا اللى غريبين عليها ومفاصلها اتفككت
لكن دايما متفائلة وباقول باذن الله بكرة احلى من النهاردة
كتير اوى فكرنا نسافر ونسيبها لكن عمرنا ماقدرنا ناخد القرار ده فى اخر لحظات نرجع فى كلامنا ونقول والله ماحنا مسافرين
طبعا خايفين على ولادنا لدرجة الجنون لكن عندى امل ان التجربة القاسية تعلمنا حاجات كتير تغير مننا كمصريين للاحسن رغم ان الدرس كان صعب اوى لكن باذن الله يعدى الصعب

يا ريت تغير فينا للاحسن مش للاسوأ

للاسف .....اللى الواحد كان منتظره او متوقعه بعد الثورة محصلش منه حاجه.
فعلا الواحد بدا يقول كنا فضلنا زى ما احنا واهى كانت ماشيه.
المشكله ان الناس دلوقتى محدش عارف احنا عايزين ايه ولا احنا رايحين فين .....وللاسف الشديد كل اللى فى السلطه او على الساحه السياسيه عموما كلهم عايزين حاجه واحده .....السلطه فقط
بصراحه انا مش شايف فيهم حد عايز فعلا مصلحه البلد .....كله صراع من اجل السلطه والكرسى .......وكل واحد عايز ياخد السلطه علشان يطبق فكره او علشان ميتحطش تحت فكر حد تانى .
انا مش شايف حد فعلا قدر يجمع الناس كلها وراه تحت رايه واحده .....وهى حب البلد ومصلحة البلد.

كله بيدور علي مصلحته...لو كان فيه حد يجمع الناس دي كلها باختلاف ارائها ماكانش ده الحال مع انه صعب تلاقي الشخص ده...بس تقول ايه...ربك يحسن الحال

+111111111111111

للأسف لم يفكر احد فى مصلحه مصر وشعبها من البسطاء والطبقه المتوسطه التى اختفت ، انا من اولى الناس اللى نزلت الثوره واولى الناس برضه اللى انسحبت من الميدان بعد تحول هدف الثوره من تصليح المفسدات فى البلد الى هدم المؤسسات وكل طائفه تريد اسقاط النظام من اجل ان تصل هى الى الكرسى فقط ، وحتى الان وبعد ظهور الكثيرون على حقيقتهم وجشعهم سواء السلطه او المؤيدون او المعارضون فالجميع لا يريدون الا الكرسى فقط وقريبا سيثور المجتمع عليها اذا استمر الوضع على نفس المنوال ، فهناك اناس من الطبقه المتوسطه اصبحوا فقراء وهناك فقراء يموتون جوعا كل يوم وهؤلاء كل يوم يمر عليهم على هذا الحال سيجعلهم يرفضون المجتمع بكل ما فيه ويثورون عليه وهذا محتمل قريب ، ولكن كل ما اتمناه ان يتم اصلاح عقول المؤيدون والمعارضون ويركزوا على البلد وشعبها كويس ويتحدوا من اجل مصلحتها العليا فالصراع ليس فى مصلحه احد بل ضد كيان الدوله اساسا ، ومع انى مش شايف اى بادره امل فى اصلاح الحال ف مصر ولكننى اصر على عدم السفر للخارج لان مصر الان فى امس الحاجه لابناءها من الشباب وان شاء الله هترجع زى الاول واحسن

ياريت ترجع للاحسن فعلا وكله بيدور هلي مصلحته للاسف

رائ الخاص بعيد عن مقولة "اللى جاى بكره احلى"
الحلم اللى كلنا كنا بنحلمه بعد الثورة
بقول اننا كلنا كنا حزب واحد بيلعن مبارك والظروف وكنا عايشن بنجرى وراء اكل العيش بس
وكنا عايشين فوق وش الفته ومافيش حد فاهم حاجة "بس البلد كانت وقفه محلك سر"
اما الان بقينا مليون حزب و طائفه وكله بيلعن ويخون التانى وبيستغل الظروف عشان يكسب من تانى
وعايشين فى قلب الفته ومافيش حد فاهم حاجة " البلد دلوقتى بترجع لوراء"

لو كل واحد اتقي ربنا في كل حاجه بيعملها هاتلاقي الحال اختلف بس تقول ايه بأه

انا طول عمري كنت ضد مبارك وكان لساني هو الي جايبني ورى ...
بس لمن قامت الثورة بيني وبينكم كنت رافضها وكنت ضددها مش لسبب ... ولكن لخوف من داخلي ان الزبااااااااااااالة هتطلع والافاعي والعقارب هتوخرج من جحورها تطالب بحقوقوها ... مكنش نفسي الثورة تستمر كفاية ان الولاد ادروا يضربوا حسني قلم. علموه الادب ... وينسحبوا بقه ... بس لقيتهم بيقولوا مش هنمشي هو يمشي .

واول ماشفت كارفور المعادي بيتسرق. قلت ااااااااااه ابتدينا ابتدينا ابتدينا ... بس طول مافيه بكره ربنا يعوض علينا ... ويعوض الله يعوض الله يعوض الله ههههه وهوبا. الي عملوه في المهندسين وتكسير الاسواق الحرة وسرقتها ... ده حتى مكن الايتي ام بقينا نشوف شاشات مخرومة ولاد المتخلفة كاسرين الشاشه فاكرين ان الفلوس محطووطة وراها :)

انا عن نفسي مش متفائل ... مش لسبب بس لان الشعب اتعود واتربى على الهمجية على الفوضى على العشوائيه في كل شيء .... شعب عايش على الفهلوة وشغل الحلق حوووش ... شعب بتاعت مصالح ... وممكن يبيعك في لحظة علشان خاطر جنية ... فطبيعة شعب زي كده غرقانين في الفوضى ومغموسين في الانانية والسبهلله لايمكن تيجي تقولهم يالله يا حبيبي انتا وهو. في ثورة وكل واحد حررر ... اعمل الي انتا عاوزوا !!!

متزعلوش مني بس بالقمع والديكتاتورية بنينا الامجاد وسابقنا الامم ... وبالدلع وبالطبطبه كل محافظة عاوزة تعلن استقللها حالياً :) وتحياتي

مانزعلش منك خالص..ده رايك يحترم...وعندك حق بس للاسف من الاخر كله بيركب الثوره عشان مصلحته.......ومن بعد الثوره ظهر اللي انت شايفه حاليا بس ده مش ذنب الثوره ولا مشكلة البلد...دي مشكلة الناس او سميها مشكلة اخلاق ليها مسميات كتير اوي ادت الي شكل البلد بالمنظر ده ...كان نفسنا البلد تبقي احسن من الاول وبندعي ربنا ...
وتحياتي ليك

انا رائى اننا كنا بنتسرق بس عايشين فى امان وبنلاقى حاجات كتير حلوه
اما دلوقتى برده بنتسرق ومش لاقين اى شى ولا اى حاجه
وقال ايه بكره احلى

بعيدا عن الدخول في سيايه والجو ده...اكيد معاك حق بس انت اكيد بتدور علي حياه كريمه من غير ما حد يسرقك واك تعيش في امان ..يعني الواحد نفسه في حاجات بسيطه...نفسك تعيش في بلد تحترم بعض....يلااااا ربنا يعدل الحال

بحس انها كانت بلد نصها ضايع وشعبنا هيموت علشان ترجع لينا
ولما حصل ثورة طارت الطورطه كلها ومبقاش لينا فيها اي قطعة
لنا حق المشاهدة فقط ..

فعلا كله نزل فرتك التورته والشعب يتفرج