صفحه live in canada على الفيس بوك نصابين ولا ايه ؟

[ahmed76]

صفحه live in canada على الفيس بوك نصابين ولا ايه يا جماعه
واحده ست اجنبيه اتصلت بيا و قعدت تسألنى شويه اسئله وتقولى كويس كويس برافوا انت مقبول
انت مقبول ..... مقبول ايه هو انا عملت حاجه
طيب ادينى الارقام اللى على الفيزا علشان اتأكد انها دوليه ولا لأ
قولتلها لأ يا حاجه مش هاديكى اى رقم ولا اى حاجه واتخانقنا وقفلنا السكه مع بعض
هو انا غلطان ولا اتصل بيها اصالحها ولا اعمل ايه ...هههههههه

[amdd]

اوعى تديها حاجه ولو عرفت تخبطها بالتليفون فى وشها اخبطه
هتندم لو اديتها الارقام

[mohamed_selim]

محدش من اى جهه محترمه هيطلب منك رقم الفيزا ولا باسورد اى حاجه

[ahmed76]

محدش من اى جهه محترمه هيطلب منك رقم الفيزا ولا باسورد اى حاجه

يا باشا ما اديتهاش حاجه ... وماطلبتش البسوورد ... بس الرقم اللى على الفيزا هاتعمل بيه ايه ؟

[amdd]

يا باشا ما اديتهاش حاجه ... وماطلبتش البسوورد ... بس الرقم اللى على الفيزا هاتعمل بيه ايه ؟

انت بتسأل الرقم هتعمل بيه ايه
بس هى عارفه هتعمل بيه ايه متشغلش بالك

[mohamed_selim]

بعد الرقم هتقولك محتاجين نأكد بيانات و هتسألك على تاريخ الانتهاء
و هى معاها الاسم ,,,, كده خلاص :)

[A_H_M_A_D]

يا باشا ماكل الشرا من على النت بيبقى بالارقام بس

[ahmed76]

يا باشا ماكل الشرا من على النت بيبقى بالارقام بس

انا بصراحه ماجربتش اشترى من النت ولا حتى بالفيزا ... انا بستخدمها للسحب فقط واول ما جابت سيره الموضوع ده انا قلبت على طول وقفلت معاها .
أكيد هى عارفه فعلا هاتعمل ايه.
بس بصراحه نصابين محترمين وتحسسك كده انك خلاص رايح كندا.
حسستنى ان كندا مستنيانى ....كنت عامل زى همام فى امستردام... جايلك يا كندا

[A_H_M_A_D]

كويس انك خدت بالك و قفلت معاها , فيه ناس تانيه طيبه زياده بتديهم الارقام و البيانات عادي , وساعات ناس بتتكلم على انهم من البنك و برضه بيطلبوا الارقام , طبعا كل ده نصب في نصب , مفيش حد ممكن يطلب منك رقم الفيزا ابدا , لازم انت تدخله بنفسك على موقع يكون مضمون ومتأمن , غير كده هتتسرق وش