عاوز انزل مصر زياره بس خايف!!!!!!!!!!!!

[hishamanilka]

السلام عليكم انا اخوكم مصري مقيم بالخارج عاوز انزل مصر زياره اشوف اخواتي وامي واهلي بس الصراحه خايف انزل بعد الاحداث اللي بتحصل في البلد والبلطجه والتثبيت اللي في كل مكان وبالنهار والانفلات الامني وعدم وجود شرطه الي اخره وحضرتكم عارفين اكتر مني وخايف يحصل لاولادي حاجه لو نزلنا فلو سحتم تنصحوني بايه مع العلم انا خوفي كله علي ولادي انما لو عليا انا الوحدي بعرف اتعامل الحمد لله منتظر ارائكم ولو حد عاوز حاجه من بره عنيا ليه

[BESO516]

نصيحه اخويه
اوعى تيجى
استنى شهر واحد كمان هتلاقى الشعب كله مهاجر

[zangry]

رأيي انزل لوحدك اسبوع او اتنين وارجع تانى

[shaddadfalcon1]

مش للدرجة دي
الدنيا الحمد لله ماشيه ومفيش مشاكل والقلق بيبقي في الأماكن اللي فيها شغل بس

[AlGazar2]

بص يا باشا القلق كله فى وسط البلد التحرير و قصر النيل و مش على طول كمان يعنى تبقى ساعات زى الفل و ساعات ما تتنزلش ابدا

و كل الى فى التلفزيون ده تهويل اعلامى رهيب

من يومين فى مقابله المنتدى عايز اقولك كل الى يعرف انى طالع اسكندريه ما تتطلعش فى مظاهرات و الدنيا واقفه و اضرابات و الطرق كلها واقفه و محسسنى انى هروح مش هعرف امشى على مسافه 50 كيلو كده قريب من اسكندريه

نزلت اسكندريه مع شنورى و ابو عمر بالظبط كده المظاهرات عددها من 20:30 واحد و ممشين المرور كمان و الزحمه مش قادر اقولك بصراحه هو تقريبا هناك لو مكروباص وقف يحمل يبقى هى دى الزحمه و الحياه كانت كويسه جدا الصبح و بالليل لغايه الساعه 2 بالليل راجعين على الكيلو 21 و مفيش اى حاجة غريبه

مش كل الى فى الاعلام صح و يتصدق يعنى قالك فى مظاهرات و اعتصامات فيبقى 20 واحد بيعتصموا مثلا و التهويل يخليهم 20 الف

[CaptaiN-AhmeD]

يعني هو حضرتك قلقان ع ولادك ومش قلقان على اهلك !

بص انا منصحكش تيجي لاسباب هتجيبلك اكتئاب مش اكتر العمر واحد والرب واحد

بس خلاص محدش بقى طايق مصر بالي فيها احتمال تلاقي باقي الاسره والشعب المصري مهاجرين كمان شويه كلهم

[Khaled Online]

باشا، اطمئن وانزل زيارة فقط
وبلاش تأجر عربية وانت هنا. خليك في التاكسيات
كل الموضوع إن وحضرتك هنا مش هتصدق إن الناس بقى حالها غير الحال
تيجي وتروح بالسلامة إن شاء الله

PS If you can, put me inside one of your bags on your way out
:)

[hnh_75]

بص يا اخي انا مسافر زيك وبنزل مصر انا واولادي وبنخرج نتمشي في كل مكان وفي اي وقت والدنيا امان مش بالشكل بتاع الاعلام وعلي فكرة ان بطلت اتفرج علي القنوات البتجيب ضغط وسكر وسكته قلبية وتخليك تحس انك لازم تجيب دبابة امام البيت وطيارة فوق السطح علشان لوحد هجم علي البيت الحق اهرب بيه مش هتحس ان الدنيا حلوة غير لما تنزل مصر مش هتحس انك عايش غير لما تنزل مصر والناس عايشه مع الرغم من الشكوه لكن عايشين والحمدلله مستمتع ومبسوط وعلي فكرة عايش في مدينة من المدن الجديدة كمان

[waelfarid]

حلو الكلام وكذلك بالفعل

[amrelsha3er]

فعلا الاعلام بيهول اووى الدنيا مش للدرجه دى انزل يااخى اكمن عل اهلك وان شا ءالله خير القلق فعلا فى وسط البلد فقط
حضرتك مقيم فين فى اوروبا؟

[khaabas]

نصيحه اخويه
اوعى تيجى
استنى شهر واحد كمان هتلاقى الشعب كله مهاجر

ههههههههههههههههههههههه :b4_039:

[ahmedhilmy]

يا اخي والدتك ربنا يديها و يدي امهاتنل جميعا الصحه و العمر موجوده و تتردد في الزياره توكل علي الله و انزل شفهم و اطمن عليهم و تاكد ان مش هيصيبنا اللي مكتوب لنا

[youssef_u]

الدنيا ماشيه و اماكن الشغب و المظاهرات معروفه يعني عادي يا باشا تعال غير جو :)

[محمد يوسف]

الأفضل تنزل لوحدك

[mahmoudselim]

والله العظيم عيب علي الاعلام الزفت بتاعنا دا لما يخوف المصريين اهل البلد من نزول بلدهم.
امال السياح والاجانب يعملوا اية وفي الاخر يقولك خايفيين علي البلد, ويطلع بتوع السياحة في مظاهرات ضد الحكومة. ربنا ياخد المزيعين اياهم واحد ورا التاني ويفرجنا فيهم يوم يكرهوا في حياتهم زي ماكرهوا الناس في بلدهم