mohamed ibizaعلي حقيقتة !!!!

[ERROR]

اولا السلام عليكم يا جماعه

انا محمد علي

وحبيت بس احكي حكاية ورد جميل للاخ محمد عادل (ابيزا)

بصراحة انا بعد ما جبت ال 98 كنت محتاج حبة قطع غيار وكنت دايخ عليها ومش عارف ادور فين

قولت اتصل بمحمد وجيبت رقمة من المنتدي

من غير ما احكي القصة

الراجل سمعني وقعد ينصحني كتيير جدا ووصفلي واحد معرفة بيجيب حاجات استيراد بطريقة واسعار كويسة جدا

ومش بس كدة محمد اتصل من موبايلة بالراجل وبيا كذا مرة وكان وسيط بينه وبيني من غيير اي مصلحة لية وحتي من غير ما نكون اصحاب

بصراحة انسان مهذب وخدوم جدا ومن احسن الشخصيات الخدومة الي ممكن تقابلها

الموضوع دا انا اسف لو ميخصش سيات بس بعد اذن المشرفين الراجل دا لازم اردلة جميلة

[Hassan Khalil]

محمد انسان خدوم و محترم .. بشهادة كل من تعامل معه ..او قرأ له موضوع او رد في المنتدي ... ربنا يجزيه خير ...
بس بصراحة .. اول ما قرأت عنوان الموضوع .. ( mohamed ibizaعلي حقيقتة !!!! ) ..قولت ..اوووبا ...فضيحة ..واحد حيبان علي حقيقته ..يا تري عمل ايه ..
و الحمد لله ظني طلع غلط ...

[Nile_Storm]

محمد ابيظا ده حبيبي :):):)
لا بجد انسان خدوم جدا

[Ahmed Taha]

ماهي حقيقتة حلوة

محمد انسان خدوم و محترم .. بشهادة كل من تعامل معه ..او قرأ له موضوع او رد في المنتدي ... ربنا يجزيه خير ...
بس بصراحة .. اول ما قرأت عنوان الموضوع .. ( mohamed ibizaعلي حقيقتة !!!! ) ..قولت ..اوووبا ...فضيحة ..واحد حيبان علي حقيقته ..يا تري عمل ايه ..
و الحمد لله ظني طلع غلط ...

ماهي حقيقتة طلعة زى الفل. و هو دة الغرض من المنتدى

[ERROR]

هو انسان محترم مع الجميع وابلغ دليل ردود الناس علي الموضوع في دقايق

[douha_wise]

يا راااااااجل بقى هو دة محمد ابيزا برضة
دا انت وقعت قلبى قلت مالة محمد دة من احب الناس و اكثرهم خدمة للاعضاء
عموما انا مش منتظر من محمد اقل من كدة دة من رجال السيات السوبر

[Ahmed Anwer]

محمد فعلا ممتاز و اخلاقه عالية

و خدوم و يستاهل كل خير

و حتي لو عرفته شخصيا هتحب تقعد معاه

ربنا يبارك فيه

العنوان بس غريب شوية بس حلو هيجيب مرور عالي للموضوع و تديله حقه

[mohamed_fatouh]

لا انا على محمد ابيزا هوة السبب انى ادبست و اشتريت ابيزا بعد ما كنت عاوز اشترى دايو و الصراحة.......................

انا موش عارف اشكرة ازاى لانة ورانى سيارة تمتلك فخامة الالمانى و سعر موش فى العالى

يا جماعة ما هوة زعيم العصابة الستاوية و اى زعيم لازم يشيل و لا اية.

ربنا يجعلة فى ميزان حسناتة .

[Chicco]

العنوان وقع قلبي ...انما التفاصيل سمعناها زيها كتير من ناس كتير ...ربنا يبارك فيك يا محمد باشا و يقدرك على خدمة الناس كده و يجعله في ميزان حسناتك إن شاء الله

[sherif_m72]

شكرا للاخ ERROR انه فكرنا اننا ندى الاخ محمد ابيزا حقه مع انه مش مستنى مننا حاجه غير الشكر الكبير الاحترام
انا برضه الاستاذ محمد ابيزا ساعدنى في مشكله تخص عربيه واحد صاحبى وكانت مديقاه اوى وهو اللى جابلى حلها وفى وقت سريع جدا
انا كمان بشكره جدا جدا وهو فعلا انسان خدوم
ودى سمه مهمه جدا هنا فى المنتدى ومفتكرش ان حد فينا لقاها فى اى منتدى تانى

[mohamed ibiza]

اولا السلام عليكم يا جماعه

انا محمد علي

وحبيت بس احكي حكاية ورد جميل للاخ محمد عادل (ابيزا)

بصراحة انا بعد ما جبت ال 98 كنت محتاج حبة قطع غيار وكنت دايخ عليها ومش عارف ادور فين

قولت اتصل بمحمد وجيبت رقمة من المنتدي

من غير ما احكي القصة

الراجل سمعني وقعد ينصحني كتيير جدا ووصفلي واحد معرفة بيجيب حاجات استيراد بطريقة واسعار كويسة جدا

ومش بس كدة محمد اتصل من موبايلة بالراجل وبيا كذا مرة وكان وسيط بينه وبيني من غيير اي مصلحة لية وحتي من غير ما نكون اصحاب

بصراحة انسان مهذب وخدوم جدا ومن احسن الشخصيات الخدومة الي ممكن تقابلها

الموضوع دا انا اسف لو ميخصش سيات بس بعد اذن المشرفين الراجل دا لازم اردلة جميلة

ياااااااااااااااه يا راجل ريحت قلبي ده انا هجنن في واحد رخم شاللي بطارية الموبايل و الشريحة و عمل حوارات كده و نمرتك ضاعت من الموبايل فمش عارف اتصل بيك اطمن علي الحاجة وصلت ولا لا و اخبارها ايه

ايه الكلام الكبير و الجميل ده يا مان ربنا يخليك الف شكر للكلام الحلو ده انا عملت حاجة يا راجل ده هما 3 4 مكالمات المهم الحاجة تكون وصلت و تكون اشتغلت طمني علي الاخبار بقي:):):) و يا رب تكون الحاجة وصلت و مشكلتك اتحلت :)

[mohamed ibiza]

محمد انسان خدوم و محترم .. بشهادة كل من تعامل معه ..او قرأ له موضوع او رد في المنتدي ... ربنا يجزيه خير ...
بس بصراحة .. اول ما قرأت عنوان الموضوع .. ( mohamed ibizaعلي حقيقتة !!!! ) ..قولت ..اوووبا ...فضيحة ..واحد حيبان علي حقيقته ..يا تري عمل ايه ..
و الحمد لله ظني طلع غلط ...

هههههههه:D:D:D:D انا افتكرت برضه اني عملت حاجة غلط :D:D
الف شكر ليك يا باشا:) علي شهادتك في حقي

[mohamed ibiza]

محمد ابيظا ده حبيبي :):):)
لا بجد انسان خدوم جدا

ابيظا ابيظا برضه يا سيرنا قصدي قيرنا قصدي اورما هههههههههههههههههه:D:D:D حبيب هارتي محمد باشا فيرنا واحشني والله كنت لسه علي بالي:)

[mohamed ibiza]

احمد طه باشا الف شكر للكلام الجميل:)

douha_wise انا بقيت سوبر سياتاوي الله يخليك يا باشا ده بس من ذوقك ادينا بنتعلم و اهم حاجة حب الناس شكلي كده هدخل الجنة:):)

ahmed_anwer باشا كنت بتسخني انت في موضوع كده في المقارنات كنت فاهم غلط في الاول بس تداركت الموقف ههههههه:D:D الف شكر ليك يا باشا علي الكلام الجميل ده انت برضه راجل مهذب جدا جدا بس متنساش المفتاح في الجين 2 تاني مش كل مرة هبقي موجود بقي :):):)

mohamed_fatouh الابيزاوي الكبير ايه رأيك في التدبيسه بتاعتي:):) اي خدعة يا باشا:D:D ربنا يباركلك فيها و يديك خيرها و يا رب يا رب يا رب تجيب ابيزا 2009 1600 سي سي :)

chicco باشا الراجل ده انا مش عارف اردله جمايله ازاي انت بتدعيلي كتير اوي اليومين دول شكلي كده هنجح بسبب دعواتك :):) ربنا يرجعك لبلدك بالسلامة بس يا رب متسيبهاش بسرعة لما ترجع :):)

sherif_m72 الف شكر لكلامك الجميل يا باشا يا رب ما تحصل مشاكل تاني و اي حاجة صاحبك يحتاجها انا ايميلي موجود و موضوع تساؤلات سياتاوية حط فيه اي سؤال تحبه تعرفه اجابته و ربنا يقدرني و اجاوب بأذن الله

الف شكر ليكوا يا شباب ربنا يكرمكوا علي الكلام الجميل ده مش عارف اقولكم ايه بصراحة بس ربنا يقدرني بأذن الله اساعد اي حد و اديله من المعلومات اللي ربنا اداهاني:):)

[okmijn]

معروف محمد انة عشرة علي عشرة
وهو حبيبني في ماركة سيات عموما

ويارب يكتر من مشاركاتة



((((((ربنا يهدي ياباشا))))