محتويات قائمة الفرش!!!!

[a_samy]

ممكن نتكلم عن محتويات قائمة العفش اللى بتتكتب قبل الزواج واللى بسببها بتبوظ جوازات كتير أعاذنا الله واياكم.
ياريت كل واحد يقولنا تجربته وايه البيانات الأساسيه اللى المفروض تتكتب فى القايمه؟

[sammor_28]

بص حضرتك عن تجارب مع اخواتي واصدقائي

كل حاجه انت بتجبها والعروسه بتجبها بتتكتب في القائمه ماهدا بعد الأشياء المعرضه للاستعمال الكثير والكسر وقيمتها بسيطه زي الكوبايات والأطباق العاديه يعني زي كده

في ناس ماكتبتش الحاجات دي وغرفه الأطفال مثلا

وفي ناس من اصدقائي ماكتبوش الذهب في القائمه وناس تانيه طلب منها انها تكتبه وكتبوه ناس تانيه حصل مشكله ومارضيوش يكتبوه وبعدين كتبوه والموضوع مشي عادي وناس رفضت الكتابه تماما والموضوع فشل بسببها

واللي بيرفض انو يكتبه على اساس ان دي حاجه هي لابساها ولو لاقدر الله حصل انها زعلت وسابت البيت وحصل المشاكل طبعا هيكون في ايديها وساعتها لو الموضوع تفاقم بيكون صعب انك تثبت ان الذهب معاها

والله واعلم
ده اللي قدامي وربنا يكرمنا جميعا ويهديلنا بنات الحلال اللي يصونونا ونصونهم بما يرضي الله

وفي الأخر اللي شاااااااااااااااااااااري في حاجات كتييييييير بيتم ممكن يتنازل عنها قصاد انو شايف راجل هيحافظله بنته وراجل شايف ان البنت اللي هيتزوجها هي دي فتاه احلامه وكذذلك اهلها

[Mostafa.Mahran]

تجربتى فى حوار القايمة ان معندناش حد فى العيلة بيكتبها

وبصراحة حوار القايمة ده حوار فاشل و قلة قيمة

[mohamed_selim]

لو هتكتبها اوعى تكتب الدهب ... و لو هتضطر تكتبه اوعى تكتبه بالوزن اكتب مشغولات ذهبيه بقيمة كزا

[a_samy]

والله انا شايف ان كل ده كلام فاضى ولا له أى لازمه ومش القايمه اللى هتخليه الرجاله يحافظوا على زوجاتهم او يعاملوها كويس،والراجل اللى عاوز يزهق مراته حيخليها تتنازل عن كل حاجه تخصها عن تخلص منه.
المفروض العائلات بتختار راجل تقة يحافظ على بناتهم مش واحد يكتبلهم ورقه مليانه خشب وحاجات مستهلكه.

[Hossam_hassan4]

تجربتى فى حوار القايمة ان معندناش حد فى العيلة بيكتبها

وبصراحة حوار القايمة ده حوار فاشل و قلة قيمة

بالظبط والله انا بستغرب من الحاجات دي يعني انت استامنته علي بنتك و تكتبه قايمه علشان مش ضامن شويه فلوس

[أبو_يوسف]

القايمة مش حاجة تربط الزوج بزوجته ولا علشان يحافظ عليها..
كل الفكرة انه علشان راجل المفروض لما يتزوج يمنح زوجته مهر مادي تنفقه على نفسها كما تشاء او تدخره .. وبالاضافة للمهر عليه ان يجهز شقة الزوجية.. اللي يعمل كدا محدش يقدر يقوله اكتب قايمة..
انما اللي بيحصل ان الزوج بدل مايدفع مهر بيجيب بمقداره عفش واجهزة في الشقة .. يعني اللي بيجيبه دا جايبه من حق زوجته..
بالتالي بيتكتب بيه قائمة بالاضافة للأشياء اللي هي جابتها..
ضمان حق لها مش ارغام للزوج على حسن العشرة ولا عدم الطلاق..

غير ان النفوس بتبقى غير النفوس في حالات الطلاق..

[sha2e]

القايمة مش حاجة تربط الزوج بزوجته ولا علشان يحافظ عليها..
كل الفكرة انه علشان راجل المفروض لما يتزوج يمنح زوجته مهر مادي تنفقه على نفسها كما تشاء او تدخره .. وبالاضافة للمهر عليه ان يجهز شقة الزوجية.. اللي يعمل كدا محدش يقدر يقوله اكتب قايمة..
انما اللي بيحصل ان الزوج بدل مايدفع مهر بيجيب بمقداره عفش واجهزة في الشقة .. يعني اللي بيجيبه دا جايبه من حق زوجته..
بالتالي بيتكتب بيه قائمة بالاضافة للأشياء اللي هي جابتها..
ضمان حق لها مش ارغام للزوج على حسن العشرة ولا عدم الطلاق..

غير ان النفوس بتبقى غير النفوس في حالات الطلاق..

كلام حضرتك صحيح محدش يقدر يقول عليه غلط
بس المفروض ان الزوج يكتب قيمة كل الى دفعه فى الجهاز أو الشبكه فى عقد الزواج كمهر (وبالتالي يبقى كده هو اثبت انه دافع أكتر من نص قيمة القائمة تقريبا)
لكن للاسف الكل بيستسهل ويكتب المهر قيمة قليله عشان نسبة المأذون
ولو لاقدر الله حصل خلاف يبقى هو ملوش غير قيمة المهر " الكام جنيه " الموجودين فى عقد الزواج
وعليه القائمة او قيمتها بالكامل

[أحمد كمال]

هو انا مأجر عربية غشان امضي وصل امانة


تفكير متخلف و الله


اوعى تمضي قايمة

دي وصل امانة عليك و حبل في رقبتك اخره في ايديهم


و اوعى تكتب الدهب ......... هو اصلا معاك؟ ممكن يضيع منها !!!! ممكن تمشي من البيت و هي لابساه او في شنطتها و البس بقى عشان خارجين


صديق ليا خير حماه (اما حماه صمم عالدهب) :

1- ما نكتبوش و خليه عند حضرتك في بيتك و تيجي من غيره و اما ربنا يفتحها عليا ابقى اجيب لها دهب غيره

2- مصمم تكتبه اديهولي انا اشيله عشان انا مادام مضيت عليه يبقى انا ماضي انه معايا يبقى خليه معايا


نتانة و الله و قلة ادب

[Hossam_hassan4]

كلام حضرتك صحيح محدش يقدر يقول عليه غلط
بس المفروض ان الزوج يكتب قيمة كل الى دفعه فى الجهاز أو الشبكه فى عقد الزواج كمهر (وبالتالي يبقى كده هو اثبت انه دافع أكتر من نص قيمة القائمة تقريبا)
لكن للاسف الكل بيستسهل ويكتب المهر قيمة قليله عشان نسبة المأذون
ولو لاقدر الله حصل خلاف يبقى هو ملوش غير قيمة المهر " الكام جنيه " الموجودين فى عقد الزواج
وعليه القائمة او قيمتها بالكامل

الكلام ده كله يخلص بكلمه ! انت مسلمه بنتك المفروض

و بعدين ما هي ممكن تصرف منه علي نفسها و كل حاجه و يخليها تكرهه عشيتها و تتمني ياخد الفلوس علشان يمشي الموضوع مش مستاهل ورق و امضاء علشان تضمن لو مش واثق في اللي قدامك كامل الثقه ماينفعش تجوزه بنتك اكيد