ازمه الصحيان بدرى

[RIDER 2050]

السلام عليكم ورحمه الله وبركاته
هو الواحد ممكن يعمل ايه عشان يقوم بدرى ومينمش تانى
الموضوع ده بصراحه مسببلى ازمه :d
مع العلم انا بدرس ف السنه النهائيه وبفوت محاضرات وسكاشن طبعا
الواحد خايف بعد ما يتخرج يفضل مش ملتزم بردو
هل ف حلول للمشكله دى ؟!!!

[Ghosts]

أيوة ....
أنا عندى نفس المشكلة دى ....
أحب أطمنك .. المشكلة دى ملهااااااااش حل لأن النوم سلطان ....

[youssef_u]

نفس المشكلة هنا :)

[AlGazar2]

من واحد مكانش بينام ابدا طول فتره الدراسه
حل الموضوع ده فى النوم بدرى و الصحيان بدرى لغايه ما تظبط الساعه البيلوجيه بتاعه الجسم

من الاخر تطبيقه يوم و تنام على 8 كده هتصحى تانى يوم على 6 و تفوق على 7 مثلا او 8 و تنام الساعه 9 او 10 لغايه ما تتعود على الموضوع ده

[MIVEC.A92]

انا اكتشفت اني لو نمت 6 الفجر و صحيت 8 و نص الصبح بكون صاحي فايق اكتر من لو نمت 1 عشان اصحي 8

[matrix_it]

نفس المشكلة ! الساعة البيولوجية عندى مش بتتزبط !

[matrix_it]

لو عندك جيش هتظبط يومك ههههههه

[ابوحبيبة2010]

النوم بدرى تصحى تمام وتصلى الفجر وبعد كده تروح الكلية مستريح

[amrelsaqqa]

الوقت ده من السنة كدة تقريبا
انا بعانى من الموضوع ده حاليا رغم انى بصحى كل يوم بانتظام عشان اروح شغلى وغالبا بنام قبل 12 طول ايام الاسبوع وبالكتير اوى 1:00

تقريبا موضوع تغيير الفصول هو السبب في ان الموضوع يبقى صعب في الفترة دى ، خصوصا لما تلاقى نفسك بتنام كتير وبانتظام وبرضه بتصحى كل يوم بصعوبة

موضوع بقى ان يومك اصلا مقلوب ، دى قصة تانية خالص

[RIDER 2050]

أيوة ....
أنا عندى نفس المشكلة دى ....
أحب أطمنك .. المشكلة دى ملهااااااااش حل لأن النوم سلطان ....

نفس المشكلة هنا :)

نفس المشكلة ! الساعة البيولوجية عندى مش بتتزبط !

لو عندك جيش هتظبط يومك ههههههه

ههههههههههههههههه


انا كنت فاكر بعد ما هكتب الموضوع هلاقى الناس بتقول ايه الهيافه دى
هوا الموضوع كبير اوى كده !!!!!

[RIDER 2050]

من واحد مكانش بينام ابدا طول فتره الدراسه
حل الموضوع ده فى النوم بدرى و الصحيان بدرى لغايه ما تظبط الساعه البيلوجيه بتاعه الجسم
من الاخر تطبيقه يوم و تنام على 8 كده هتصحى تانى يوم على 6 و تفوق على 7 مثلا او 8 و تنام الساعه 9 او 10 لغايه ما تتعود على الموضوع ده

كل ما اقرر انلا لازم انام بدرى تلقائيا كده الاقينى بنام 2 3
ممكن اجى ع نفسى وانام بدرى انما اصحى بدرى بقى هنا تكمن المشكله
المشكله بردو ان الكسل بيبقى داخل ف الموضوع

انا اكتشفت اني لو نمت 6 الفجر و صحيت 8 و نص الصبح بكون صاحي فايق اكتر من لو نمت 1 عشان اصحي 8

بس ده مش حل بردو يا mivec حتى لو صحيت فايق هتلاقى نفسك مش متظبط طول اليوم ومسقط

النوم بدرى تصحى تمام وتصلى الفجر وبعد كده تروح الكلية مستريح

ايون مهو نفس الكلام اللى بقوله لنفسى
بس انا بطبيعه الحال وده حال ناس كيتر بردو ان معظم الحاجات اللى بتعمل بتبقى ليليه
الشعب المصرى بيحب السهر

[waelfarid]

امال تعمل ايه لو نظام شغلك وحياتك ورديات shifts ومسئول بجد انت لسة عالبر
الواحد في ايده النعمة ومش حاسس بيها انك تنام بالليل نعمة كبييييييييييييييييرة اكل العيش يحكم
وكل ميسر لما خلق له

[S O P H O S]

تعود
لو فضلت 10 ايام تصحي بدري وقبل معادك بساعة مثلا
الجسم هياخد علي الوضع وهتبقي بتصحي بدري عادي
لازم بس تستحمل مدة صغيرة فالاول ..

[m_elkhishin]

كانت جدتي - الله يرحمها - دايما تقولي:
مكتوب على ورق الخيار، من سهر بالليل نام بالنهار

[RIDER 2050]

الوقت ده من السنة كدة تقريبا
انا بعانى من الموضوع ده حاليا رغم انى بصحى كل يوم بانتظام عشان اروح شغلى وغالبا بنام قبل 12 طول ايام الاسبوع وبالكتير اوى 1:00

تقريبا موضوع تغيير الفصول هو السبب في ان الموضوع يبقى صعب في الفترة دى ، خصوصا لما تلاقى نفسك بتنام كتير وبانتظام وبرضه بتصحى كل يوم بصعوبة
موضوع بقى ان يومك اصلا مقلوب ، دى قصة تانية خالص

لا انا عندى الفصول كلها كده
لسه كمان الصيف داخل والحر والسهر هيشتغل

امال تعمل ايه لو نظام شغلك وحياتك ورديات shifts ومسئول بجد انت لسة عالبر
الواحد في ايده النعمة ومش حاسس بيها انك تنام بالليل نعمة كبييييييييييييييييرة اكل العيش يحكم
وكل ميسر لما خلق له

ربنا يقدرك يا استاذ وائل المسئوليه ليها احكامها بردو
بس الوااحد عايز يبقى منتظم عشان الموضوع مياثرش عليه فيما بعد دى تبقى المشكله الاكبر

تعود
لو فضلت 10 ايام تصحي بدري وقبل معادك بساعة مثلا
الجسم هياخد علي الوضع وهتبقي بتصحي بدري عادي
لازم بس تستحمل مدة صغيرة فالاول ..

انا مواعيدى اساسا متغيره ممكن يوم عندى الصبح يوم بعد الضهر ده غير ايام الاجازات
وع فكرة ف ناس بتنام متاخر وبتصحى ف معادها بدون ادنى مشكله
عادة سيئه جدا موضوع السهر وعدم الصحيان الصبح ده