خسيت بدون حرملن ولا جوع

[hany63]

مساء الخير
بفالي ٣ اسابيع ماشي على نظام بسيط جدا واي حد يقدر عليه بسهوله و خسيت حوالي ٨ كيلو و البقيه تاتي
مع العلم اني باكل عادي نوعا ما
نخش في المفيد

الفطار
كابتشينو كراميل او فانيليا
الساعه ٩:٣٠ تفاحه و دي هتسد نفسك و بتحرق دهون
الساعه ١١:٣٠ نصف رغيف جبنه جوده او شيدر على لانشون فراخ او لحوم

الغذاء
تديها طبق سلطه عائلي و ده مهم جدا و شكر خاص لصاحب موضوع السلطه يا منى و تمضغه جيدا
و بعد ما تكون تلتين بطنك تقريبا اتملت بالسلطه تبتدي تاكل نص الكميه المعتاده من الرز او المكرونه و ياسلام لو خضار مطبوخ و قلل كمية اللحمه و حط على الرز او المكرونه ٣ معالق سلطه تاني
و اتحداك لو عرفت تكمل و هتقوم شبعان على الاخر

العشاء
سلطة فواكه عباره عن تفاحه مقطعه و كنتالوب على كام حبة فراوله و عليهم زبادي منزوع الدسم و ملعقة عسل
و في البدايه ممكن كمان ربع رغيف جبنه و بعد ما تخس شويه و تحس ان الموضوع بقى ببطء شيل الربع رغيف بتاع العشاء هتنزل تاني بسهوله

و ممكن بعد شهر نقسم و جبة الغدا على مرتين بحيث يبقى النشويات مع الخضار المطبوخ الاول و بعديها بتلات ساعات البروتينات و كل مره نديها سلطه

و بكده ما نكونش رمينا الكروت كلها مره واحده عشان الجسم بعد ما بيخس في الاول بيضرب فرامل نقوم مغيرين و هكذا
يعني بنضحك عليه كاننا بنبتدي من اول و جديد

طبعا بالنسبه لي رجعت البس القمصان اللي كنت راميها و الحزام بيخش في فتحه زياده و ده بالنسبه لي ٥٠ في الميه من المطلوب و الموضوع انعكس في الرياضه بقت الحركه اسرع و مفيش النهجان من اقل مجهود

مع تمنياتي لكم بالصحه و النجاح

[Ghosts]

النظام دة جميل جدآ بس مينفعش تمشى علية طول حياتك ....
للأسف النظام الغذائى لازم يتغير كل أسبوع وإلا هتطخن ....

[abokoko]

مساء الخير
بفالي ٣ اسابيع ماشي على نظام بسيط جدا واي حد يقدر عليه بسهوله و خسيت حوالي ٨ كيلو و البقيه تاتي
مع العلم اني باكل عادي نوعا ما
نخش في المفيد

الفطار
كابتشينو كراميل او فانيليا
الساعه ٩:٣٠ تفاحه و دي هتسد نفسك و بتحرق دهون
الساعه ١١:٣٠ نصف رغيف جبنه جوده او شيدر على لانشون فراخ او لحوم

الغذاء
تديها طبق سلطه عائلي و ده مهم جدا و شكر خاص لصاحب موضوع السلطه يا منى و تمضغه جيدا
و بعد ما تكون تلتين بطنك تقريبا اتملت بالسلطه تبتدي تاكل نص الكميه المعتاده من الرز او المكرونه و ياسلام لو خضار مطبوخ و قلل كمية اللحمه و حط على الرز او المكرونه ٣ معالق سلطه تاني
و اتحداك لو عرفت تكمل و هتقوم شبعان على الاخر

العشاء
سلطة فواكه عباره عن تفاحه مقطعه و كنتالوب على كام حبة فراوله و عليهم زبادي منزوع الدسم و ملعقة عسل
و في البدايه ممكن كمان ربع رغيف جبنه و بعد ما تخس شويه و تحس ان الموضوع بقى ببطء شيل الربع رغيف بتاع العشاء هتنزل تاني بسهوله

و ممكن بعد شهر نقسم و جبة الغدا على مرتين بحيث يبقى النشويات مع الخضار المطبوخ الاول و بعديها بتلات ساعات البروتينات و كل مره نديها سلطه

و بكده ما نكونش رمينا الكروت كلها مره واحده عشان الجسم بعد ما بيخس في الاول بيضرب فرامل نقوم مغيرين و هكذا
يعني بنضحك عليه كاننا بنبتدي من اول و جديد

طبعا بالنسبه لي رجعت البس القمصان اللي كنت راميها و الحزام بيخش في فتحه زياده و ده بالنسبه لي ٥٠ في الميه من المطلوب و الموضوع انعكس في الرياضه بقت الحركه اسرع و مفيش النهجان من اقل مجهود

مع تمنياتي لكم بالصحه و النجاح

- ربنا يوسعها على الجميع من فضله ووببركته وحلاله -

دى وصفه سهله
بس - هو فى منها للغلابه
ههههههههههههههههههههههههههههه

[hany63]

النظام دة جميل جدآ بس مينفعش تمشى علية طول حياتك ....
للأسف النظام الغذائى لازم يتغير كل أسبوع وإلا هتطخن ....

الكلام ده في الكميائي و لا انصح بيه عن تجربه لسببين انه بيحرم الجسم نهائي من النشويات و الدهون و ده بياثر على الصحه العامه
و عند كسره و لو باقل حاجه الجسم بيرجع اتخن من الاول
و بالنسبه للنظام ده حضرتك انا مجربه من سنتين و خسيت عليه ٢٥ كيلو في خمس اشهر و ده مش رجيم بالمعنى اللي حضرتك عارفه ده يعتبر تغيير لنمط الاكل يعني life style
بمعنى ركزنا على الحاجات اللي بتحرق الدهون زي التفاح و الزبادي
و قللنا الغدا و كملنا بالسلطه
و خففنا العشا

[hany63]

- ربنا يوسعها على الجميع من فضله ووببركته وحلاله -

دى وصفه سهله
بس - هو فى منها للغلابه
ههههههههههههههههههههههههههههه

طبعا ياباشا فيه منه للغلابه
هنستبدل اللحوم بالاستاكوزا و السيمون فيميه و الجمبري الجامبو

[hany63]

- ربنا يوسعها على الجميع من فضله ووببركته وحلاله -

دى وصفه سهله
بس - هو فى منها للغلابه
ههههههههههههههههههههههههههههه

بذمتك يا ابو كوكو في غلبان بكرش؟
ده الكرش ده دليل على العز
ما علينا عشان خاطرك
ممكن جوافه بدل التفاح و اي بقوليات بدل اللحوم او الفراخ

[Ghosts]

الكلام ده في الكميائي و لا انصح بيه عن تجربه لسببين انه بيحرم الجسم نهائي من النشويات و الدهون و ده بياثر على الصحه العامه
و عند كسره و لو باقل حاجه الجسم بيرجع اتخن من الاول
و بالنسبه للنظام ده حضرتك انا مجربه من سنتين و خسيت عليه ٢٥ كيلو في خمس اشهر و ده مش رجيم بالمعنى اللي حضرتك عارفه ده يعتبر تغيير لنمط الاكل يعني life style
بمعنى ركزنا على الحاجات اللي بتحرق الدهون زي التفاح و الزبادي
و قللنا الغدا و كملنا بالسلطه
و خففنا العشا

يا هانى أنا جربت أمشى على نظام زى اللى أنت كاتبة دة وطخنت فى خلال 3 شهور حوالى 10 كيلو ....
من الأخر اللى بيعمل ريجيم مينفعش يبطلة وإلا هيطخن ....
و مينفعش يمشى على نظام واحد بس ....
الكلام دة عن تجربة مريرة ....

[د.محمود صلاح]

تمام انا ماشي زيك تقريبا سلطة وغدا خفيف وعشا خفيف جدا وخسيت حوالي 10 كيلو في شهرين لأني خايف من العودة لزيادة الوزن تاني لو اطلقت نفسي للأكل .. كل همي اني ابني نظام اتعود عليه مش اني اخس بسرعة

[hany63]

يا هانى أنا جربت أمشى على نظام زى اللى أنت كاتبة دة وطخنت فى خلال 3 شهور حوالى 10 كيلو ....
من الأخر اللى بيعمل ريجيم مينفعش يبطلة وإلا هيطخن ....
و مينفعش يمشى على نظام واحد بس ....
الكلام دة عن تجربة مريرة ....

ياباشا اقرا الموضوع كويس و انت تعرف اني غيرت النظام تلات مرات
و معلش افهم ازاي اكل نص الكميه و اتخن
و اي حد اول ما يبطل رجيم لازم يتخن لو رجع يعك تاني و ده طبيعي
النظام ده بين البينين بمعنى ان الواحد ينفع يخس عليه من غير ما يجوع و الجسم بعد ما يخسر الزيادات هيثبت و تفضل مكمل و المفروض ما تعكش عشان انت من الاول مش محروم اتمنى تكون وصلت
وبعدين انا معملتش الموضوع الا لما جربته على نفسي عشان الاعضاء تستفيد و كل واحد حر

[abokoko]

بذمتك يا ابو كوكو في غلبان بكرش؟
ده الكرش ده دليل على العز
ما علينا عشان خاطرك
ممكن جوافه بدل التفاح و اي بقوليات بدل اللحوم او الفراخ

العرف - الكرش دليل منحنى العز -
لكن اه فى غلابه بكرش
عموما
انا كنت بهزر
ولعلمك انا بعانى من الكرش وعاملى ازمه
قبل الزواج كان الكرش بيظهر فى الشتا
ويختفى فى الصيف مع السباحة فى البحر
دلوقتى بوفى وجود الاولاد
بقي الكسل احلى من العسل
والكرش فى ازدياد يوم ورا يوم

[S O P H O S]

نظام رائع ومتزن
ربنا يوفقك فيه للاخر وتوصل لهدفـك ..

[Land_Cruiser]

ألف مبروك علي فقدان الوزن. علي فكره من الحاجات اللي بتساعد علي فقدان الوزن حاجات بسيطه زي شرب المياه و عدم الأكل متأخر و تقليل السكر تدريجيا في المشروبات او الاستعانه بدلا منه بالسكر الدايت و المشي ان أمكن و لو فتره قصيره و النوم بدري

[SYD]

شكرا لنقل التجربة

نظام سهل فعلا

[aboamr]

انا زيك تقريبا عملت نظام معين فى الاكل تقليل النشويات مع الاكثار من السلطه والفواكه ووجبة فراخ او لحوم او سمك مع المشى والحركه والحمدلله نزلت حوالى 8 كيلو ولبست حاجات اتركنت من سنين والواحد رجع خفيف الحركه والحمدلله

[mastr_n]

انا اخر مازهقت روحت لدكتور تخسيس مش علشان انزل وزنى بس لاااااااا دة موضوع سهل

انا روحتلة علشان التثبيت بعد الرجيم وربنا يسهل الحال وأقدر اخفى كرشى هههههههههههه خلية يغور
وطبعا الرشاقة حلوة مافيش كلام وربنا يوفقك ان شاء اللة