المشاركة الأصلية كتبت بواسطة alexaway
مشاهدة المشاركة
علي فكره انا من النوعيه التانيه
ولذلك بتعب جدا في التعامل مع الناس
لاني عارف ان واحد كل شويه في قضيه شكل مش هيفرق معاه حاجه لكن زرار قميصي انا لو اتقطع هتبقي اهانه كبيره بالنسبالي
…
انا مش طالب كتير
كل اللي طالبه اني اعيش بكرامتي
…اقلك علي مثال
ركنت العربيه قدام دار الافتاء في ش الازهر وبعد ما خلصت ومروح لقيت واحد جاي يجري عليا
بقوله خير بيقوللي خمسه جنيه تمن. ركنه
بطلت العربيه ونزلتله ودخلت فيه شمال لقيته عمال يشوحلي بايده
قلتله هناديلك حد من الشرطه قالي لفظ قذر فيه سباب لكل الشرطه من اكبر واحد لاصغر واحد …
جبت الشرطه وطلعت العربيه والامين عمل نفسه بيزعقله شويه وخلاص
زي ما يكون بيقسم معاهم اخر اليوم
…
وكل يوم علي كده
وواحد تاني اديته 2 جنيه مس عاجبينه ويقوللي يا خمسه جنيه يا لأ
دا غير مضايقات الطريق والزحام وكل يوم واحد خابطلك العربيه واللي ينزل يقلك انت اللي غلطان واللي ينزل يعيط
…
دا غير حادثة اطلاق نار عليا من شهرين
وغير وغير وغير …
انا نفسي اعيش حياه هادئه آمنه كريمه
نفسي لما اكون رايح مشوار ما افضلش شايل همه من قبلها
نفسي الناس تحب بعضها
نفسي لما حد يبقي سايق و يهدي علشان راجل كبير يعدي اللي وراه يحترمه مش يعديه ويكسر عليه ويشتمه
نفسي في اخلاق
اخلاااااااااااااااااااااق
الدين المعامله
ليس منّا من لم يرحم صغيرنا ويوقّر كبيرنا
وإنما الامم الاخلاق ما بقيت
فان هم ذهبت اخلاقهم ذهبوا
احنا ذهبنا خلاص

![10 1 104v[1]](https://www.nilemotors.net/Nile/core/images/smilies/10_1_104v[1].gif)


Comment