تى إى داتا وعدم إحترام عملائها

[Dr Ahmed]

هنا مصر

حركة قرعة قامت بها الشركة المصرية لنقل البيانات (تى إى داتا) الأيام الماضية وهى إلغاء إعدادات الراوترز لكل عملائها ووضع كلمة سر وإسم مستخدم لكل خط من عندهم وعدم القدرة على استخدام الراوتر والدخول للنت بدون كلمة السر واسم المستخدم ...

مش هنسأل إيه السبب لأننا مش هنعرف
لكن تطبيق القرار كان فى غاية الإسفاف
فجأة وبدون مقدمات تجد النت قطعت ولا تدرى ما السبب ، وإذا علمت فعليك الاتصال بالموزع - الذى لن يرد عليك - أو الانتقال إليه بالراوتر والعطلة لساعات ، أو الاتصال بما يسمى بخدمة العملاء فى شركتهم الغراء لترد عليك رسالة مسجلة تضللك أكثر مما تدلك ، أو تتصل برقم آخر يضعك على الانتظار أكثر من نصف ساعة حتى تعاود الاتصال فيضعك نصف ساعة أخرى حتى تزهق وتمشى ، أو تجد أرقامهم مشغولة وتاخدها من قصيرها...

موقع تى إى داتا شيك جدا لكن خدماته صفر .. الشكاوى لا يتم بحثها ولا الرد عليها إطلاقا ، لا يمكن تحميل أى شئ من موقعهم ، معلوماتهم عن العملاء ناقصة لدرجة خطيرة (مصممين إنى مش مشترك عندهم رغم إنى بادفع بانتظام من 3 سنوات تقريبا ولحد دلوقت)

مكانش ممكن تنبيه العملاء قبل هذه الحركة العنترية؟
مكانش ممكن تنفيذها على دفعات؟
مكانش ممكن إخطار العملاء تليفونيا باسم المستخدم وكلمة السر؟
مكانش ممكن الحصول على إيميلات العملاء ومراسلتهم؟؟

تى إى داتا مثال سئ لشركة من المفترض أن تكون مثال مشرف

[goodwave]

طيب حضرتك عندك الموقع ممكن تكتب شكوى محترمة وتهزأهم فيها وتطالب بالتوضيح او التعويض عن الخسائر المادية او الأدبية إللي لحقت بيك طول فترة إنقطاع الخدمة وكمان تهدد بإلغاء إشتراكك معاهم .... بس تبعت الإيميل لكل وأي واحد في الشركة وأكيد حيردوا .... الكلام في التليفون بيروح بس الكتابة لأ.

أنا مشترك في لينك دوت نت بقالي اكتر من 3 سنين والخدمة كويسة بصراحة بس بيقابلني بعض الصعوبات في التحصيل او عند غنقطاع الخدمة وإللي بيكون بصراحة راجع لمافيا التليفونات وعمال السنترال إللي شغالين بلطجة على خلق ربنا .... كنت الأول بتصل وأزعق بس دلوقتي عرفت كام إيميل بتوع المركز الرئيسي في القاهرة .... الخدمة تتقطع أتصل بخدمة العملاء وأمشي في الطريق السليم بس لو مفيش إستجابة .... أكتب إيميل معتبر وأبعته للمركز الرئيسي والله مفيش ساعة الدنيا تتقلب راسا على عقب والخدمة ترجع فورا .... بس ده يدلك إن في متابعة وفي كبير "إللي مالهوش كبير مينفعش تتعامل معاه" بمعنى لو إن تي داتا اسدين ي المركز إللي بتتعامل معاه وكمان فاسدين في المركز الرئيسي يبقى مالهومش كبير وبلاش تتعامل معاهم أحسن.

أخيرا ... شكرا على التحذير من التعامل مع هذة الشركة

[R A N A]

بصراحة انا اتعاملت مع الشركة دي من كام شهر كده ووصلت تبعهم ولاقيتهم كويسين في خدمتهم والنت نادرا لما بيفصل هما فعلا عندهم مشكلة في موضوع خدمة العملاء انهم بيردوا متأخر وبيلطعوك علي السماعة فترة كبيرة بس لما بيردوا بيفيدوني بصراحة.
معلش ممكن توضح بس القرار اللي عملوه ده خاص بمين بالضبط تقصد يعني بالناس اللي مركبة خط DSL ومشترك معاهم ناس تانية في العمارة ولا مين.
اصلي مركبة DSL بس خط لوحدي وعندي مودم خاص بيا من عندهم ومش مشتركة مع حد من الجيران.
ولما بروح ادفع الفاتورة بدفعا وانا واقفة من غير اي تأخير ومعاملتهم كويسة لحد الأن معانا.
واحب اوضح برده اني لما جيت اقدم عندهم في الاول اصلا قالولي قدامك فترة اسبوعين تقريبا والخدمة تدخلك وفعلا بعد ماشتركت بيومين جالي واحد من الشركة وسلمني المودم وبعدها بإسبوعين او اقل الخدمة اشتغلت عندي وكله تمام بس هما في حتة وقعت منهم انهم مبلغونيش يوم مالخدمة دخلت الا لما انا اتصلت بيهم وكل شهر يبعتولي على الموبايل رسالة يبلغوني بمعاد الدفع بس بقالي شهرين مستلمتش منهم رسايل وبصراحة مش عارفة العيب من عندهم ولا من موبايلي لإنه احيانا بيهيس
عموما ياريت تقولنا يادكتور تفصايل اكتر عن تجربتك معاهم لإني سايفة انهم افضل من شركة تانية مركبين تبعهم في الشركة عندي والخدمة عندهم سيئة جدا وممطالين جدا جدا

[Akram]

اتفق معك على أن طريقة التطبيق لا تتناسب مع شركة المفروض انها من اهم شركات النت في مصر ,
اتفق معك انه لا توجد خدمات جيدة بالموقع ,

لكن لو اردت ان تذهب لمركز الخدمة و كان فيه ازدحام , يبقى طبيعي ان وقت انهاء المعاملة الخاصة بك هيكون اطول ,

لا اتفق معك بالنسبة للخدمة المقدمة عن طريق الهاتف و ده لأنه حدث معي مرتين ,
و في كل مرة أنتظر على الخط ربع ساعة حتى يرد على أحد المتخصصين ,
ثم يتم إعادة تهيئة الراوتر في حدود نصف ساعة أو أقل ,
و بصراحة وجدت الموظفين يتعاملوا معي بكل هدوء و تروي.

[Nile_Storm]

هو للامانه يادكتور جاتلي منهم رساله من يومين باليوزر الجديد و الباص
يمكن حصل لخبطه و متبعتتش لحضرتك

[Dr Ahmed]

طيب حضرتك عندك الموقع ممكن تكتب شكوى محترمة وتهزأهم فيها وتطالب بالتوضيح او التعويض عن الخسائر المادية او الأدبية إللي لحقت بيك طول فترة إنقطاع الخدمة وكمان تهدد بإلغاء إشتراكك معاهم .... بس تبعت الإيميل لكل وأي واحد في الشركة وأكيد حيردوا

حصل يا فندم وقلت لهم فى آخر الرسالة (مرحبا لينك)
ولا الهوا
ودن من طين وودن من عجين

معلش ممكن توضح بس القرار اللي عملوه ده خاص بمين بالضبط تقصد يعني بالناس اللي مركبة خط Dsl ومشترك معاهم ناس تانية في العمارة ولا مين.
اصلي مركبة Dsl بس خط لوحدي وعندي مودم خاص بيا من عندهم ومش مشتركة مع حد من الجيران.

القرار دا خاص بالكل وهيوصل للكل لو لسه موصلش
جايز فى القاهرة الموضوع مختلف شوية لكن فى الأقاليم تعالوا شوفوا الزحام على الموزع عامل إزاى
وجايز أنا عرفت أتصرف بعد يومين علشان بافهم شوية فى الكمبيوتر وإعداد الراوتر ، طب واللى مايعرفش زمانه لحد دلوقت فاكر الخط قاطع لأسباب أخرى
وحتى لما خدت كلمة السر واسم المستحدم مقالوليش أدخلهم فىن فى إعدادات الراوتر وسابونى أجرب
وعلى فكرة أنا برضه خطى خاص مش من عند سايبر ولا غيره

هو للامانه يادكتور جاتلي منهم رساله من يومين باليوزر الجديد و الباص
يمكن حصل لخبطه و متبعتتش لحضرتك

حظووووووووووووظ
بس انت الوحيد يا بوحميد اللى سمعت أن رسالة وصلته
ومن حيث اللخبطة دى وقعة كبيرة مش لخبطة وبس

[Nile_Storm]

حظووووووووووووظ
بس انت الوحيد يا بوحميد اللى سمعت أن رسالة وصلته
ومن حيث اللخبطة دى وقعة كبيرة مش لخبطة وبس

كل الموضوع اني اشتكيت اكتر من مره ان رساله تجديد الاشتراك مش بتيجي فطلبو مني رقم التليفون و من ساعتها داوشني رسايل :)
يمكن ده السبب لو علي كده يبقي مقدور عليها

[maak333]

السلام عليكم جميعا
انا مختلف معاك يا دكتور احمد انا مشترك مع TEData من اكثر من سنة والحمدلله الخدمة مقطعتشي مني والموضوع مش حظ هو انا بس عشان متابع الويب سايت بتاعهم فعرفت بالموضوع ده قبل حتي هما ما يبعتو الرسالة وبعدين انا فهمت من حضرتك انك تبع موزع فالشركة نفسها في حالة زي دي ملهاش اي مسؤلية عن اي عميل تبع موزع لان الموزع يعتبر هو الشركة في الحالة دي وهو المسؤل انوا يبلغ العميل باي تغير في الخدمة مش الشركة وبعدين انا عاوز اقول لحضرتك انك عميل من 400000 عميل فاكيد هيكون في بعض العملة حظهم وحش بس في الاخر الخدمة ممتازة
وشكرا .....
أبو مريم

[MotorX]

هنا مصر

حركة قرعة قامت بها الشركة المصرية لنقل البيانات (تى إى داتا) الأيام الماضية وهى إلغاء إعدادات الراوترز لكل عملائها ووضع كلمة سر وإسم مستخدم لكل خط من عندهم وعدم القدرة على استخدام الراوتر والدخول للنت بدون كلمة السر واسم المستخدم ...

مش هنسأل إيه السبب لأننا مش هنعرف
لكن تطبيق القرار كان فى غاية الإسفاف
فجأة وبدون مقدمات تجد النت قطعت ولا تدرى ما السبب ، وإذا علمت فعليك الاتصال بالموزع - الذى لن يرد عليك - أو الانتقال إليه بالراوتر والعطلة لساعات ، أو الاتصال بما يسمى بخدمة العملاء فى شركتهم الغراء لترد عليك رسالة مسجلة تضللك أكثر مما تدلك ، أو تتصل برقم آخر يضعك على الانتظار أكثر من نصف ساعة حتى تعاود الاتصال فيضعك نصف ساعة أخرى حتى تزهق وتمشى ، أو تجد أرقامهم مشغولة وتاخدها من قصيرها...

موقع تى إى داتا شيك جدا لكن خدماته صفر .. الشكاوى لا يتم بحثها ولا الرد عليها إطلاقا ، لا يمكن تحميل أى شئ من موقعهم ، معلوماتهم عن العملاء ناقصة لدرجة خطيرة (مصممين إنى مش مشترك عندهم رغم إنى بادفع بانتظام من 3 سنوات تقريبا ولحد دلوقت)

مكانش ممكن تنبيه العملاء قبل هذه الحركة العنترية؟
مكانش ممكن تنفيذها على دفعات؟
مكانش ممكن إخطار العملاء تليفونيا باسم المستخدم وكلمة السر؟
مكانش ممكن الحصول على إيميلات العملاء ومراسلتهم؟؟

تى إى داتا مثال سئ لشركة من المفترض أن تكون مثال مشرف

الموضوع ده بقاله اكتر من 6 شهور وبيتم بالتدريج على حسب المنطقة وموقع الشركة ممكن تنزل منه برنامج لإعادة ضبط الراوتر بتاعك من الرابط ده http://config.tedata.net/ حسب الخطوات الموضحة على الموقع.

تحياتي

[Dr Ahmed]

الموضوع ده بقاله اكتر من 6 شهور وبيتم بالتدريج على حسب المنطقة وموقع الشركة ممكن تنزل منه برنامج لإعادة ضبط الراوتر بتاعك من الرابط ده http://config.tedata.net/ حسب الخطوات الموضحة على الموقع.

تحياتي

شكرا ليك
والرابط دا بالذات اللى جربته وفشلت فى تحميل أى شئ منه
والموضوع لو من 6 شهور يبقى ليه بيتم بنظام الغارات الجوية على منطقة منطقة بدون إنذار؟
وطبعا أشكرك على مشاركتك

[tamohsen]

حد جرب ال Dsl الجديد بتاع فودافون؟

[aliabutaleb]

اصلي مركبة DSL بس خط لوحدي وعندي مودم خاص بيا من عندهم ومش مشتركة مع حد من الجيران.
ولما بروح ادفع الفاتورة بدفعا وانا واقفة من غير اي تأخير ومعاملتهم كويسة لحد الأن معانا.
واحب اوضح برده اني لما جيت اقدم عندهم في الاول اصلا قالولي قدامك فترة اسبوعين تقريبا والخدمة تدخلك وفعلا بعد ماشتركت بيومين جالي واحد من الشركة وسلمني المودم وبعدها بإسبوعين او اقل الخدمة اشتغلت عندي وكله تمام بس هما في حتة وقعت منهم انهم مبلغونيش يوم مالخدمة دخلت الا لما انا اتصلت بيهم وكل شهر يبعتولي على الموبايل رسالة يبلغوني بمعاد الدفع بس بقالي شهرين مستلمتش منهم رسايل وبصراحة مش عارفة العيب من عندهم ولا من موبايلي لإنه احيانا بيهيس
ا

انا بالظبط زي بيردي
مشترك في خط لوحدي ومفيش أي تغيير ولا في الباسورد ولا في اعدادات المودم
وفعلاً محصلش أي مشكلة معاهم من ساعة ما اشتركت على فكرة
بالعكس الخدمة ممتازة جداً
اما عن الدفع فانا لقيت إن الاشتراك في خدمة الدفع بالكريديت كارد ممتازة جداً
بتروح مرة واحدة تملا طلب الدفع بالكريديت وكل شهر بيخصموا من الرصيد تلقائياً
كفاية ان الخدمة دي بتوفر على الواحد مشوار وطوابير وتضييع وقت ملهوش لازمة
وبالرغم من كدة الرسالة القصيرة على الموبايل ثابتة في معادها كل شهر عمرها ما اتأخرت معايا

[دموع الثلج]

وانا كمان تى داتا ومحصلش عندى اى تغير فى الباسورد ولا اليوزر

هما كخدمه افضل شركه لكن كخدمه عملاء اسواء شركه من شركات الا نترنت

انا دائما مشاكلى معاهم بتكون اخطاء موظفين التى داتا فى السنترال يعملوا اب ديت للسيستم فى السنترال يروحوا موصلين النت وفاصلين حراره التليفون
طبعا لا يشتغل عندى نت ولا تليفون اروح اشتكى السنترال على العطل
يروح موظفين السنترال موصلين الحراره وفاصلين كل الخدمات اللى على الخط ماهو مش شغلهم يوصلوا نت
وانا بئه اقعد وراهم واحد يفصل وواحد يشغل عاملين ذى القط والفار بس فى الاخر بكلم بتوع خدمه العملاء وبفتح فيهم على الرابع لحد ما يخلصوا المشكله

[Dr Ahmed]

اللى لسه ماغيروش الباس وورد وإسم المستخدم جايز يعرفوا اللى أقصده لما ييجى عليهم الدور ويلاقوا النت فصل فجأة بدون أى مقدمات ولسبب مجهول ولاقوا نفسهم لوحدهم تماما بدون خدمة عملاء ولا حل ، وأكيد هى مناطق مناطق لكن أكيد بنها مكانتش أول مرحلة !!

[mahamedaraby]

اى حد يقبلوا مشاكل مع اى شركه للخدمات المحمول او التليفون الاراضى او شركات النت يتصل بالرقم ده 155 وهما هيساعدوك جامد عن تجربه