عسكرى الصراف الألى

[hossam_elwani]

على فكرة دول ناس غلابة جدا ومرتباتهم لا تكفى شىء

اسلوبهم سيىء بصراحة ولكن يجب ان نتكافل

{لِلْفُقَرَاء الَّذِينَ أُحصِرُواْ فِي سَبِيلِ اللّهِ لاَ يَسْتَطِيعُونَ ضَرْباً فِي الأَرْضِ يَحْسَبُهُمُ الْجَاهِلُ أَغْنِيَاء مِنَ التَّعَفُّفِ
تَعْرِفُهُم بِسِيمَاهُمْ لاَ يَسْأَلُونَ النَّاسَ إِلْحَافاً وَمَا تُنفِقُواْ مِنْ خَيْرٍ فَإِنَّ اللّهَ بِهِ عَلِيمٌ }

[S O P H O S]

شئ مستفز فعلا
وحاول متخليش حد يشوف الفلوس

[Hondawy_2008]

بلد نصها شحاتين و بلطجية وحرامية و نصابين و اسمها أم الدنيا ههههههههههههه

أوعى تدي حد حاجة يا ريس ده شعب معامل اللزوجة فيه =1 يعني 100%

[paul_walker]

العيشه بقت صعبه جداا ولسه كمان وللاسف للاسف ......... الاوضاع بتنذر عن ثورة جياع :s

[a_nbm]

لقيته بيقول لى ببجاحة يعنى ساحب كل الفلوس دى ومستخسر فينا كوباية الشاى ؟

؟؟؟؟؟؟؟؟؟؟؟؟!!!!!!!!!!!!!!!!!!!!!!

[3mr Farrag]

اللي يتعامل بالبجاحه ديه مادتديلوش فلوس
لأنها بتقلب بعاده و بيبقي كانه حقه و ممكن يعمل مصيبه لو مادتلوش فلوس
ذي فئه السايس
كان زمان نديلوا بمزاجنا و محدش بيفتح بقه
دلوقتي بقي يبلطج و ممن يتخانق لو مادتدلوش فلوس او القلوس مش عجباه و بيسعر كمان الركنه !!!و ممكن يعمل حاجه في العربيه
وكأن شارع ابوه

الطريقه ديه ماتدلوش فلوس
العينه وحشه هيبقي عينه وحشه علطول
حتا لو ادتلوا فلوس...شويه هيقول في نفسه علي الاقل
ده ساحب فلوس كتير جاي عليا و يديني 5 جنيه بس
تديلوا 10 جنيه هيقول نفس الكلام

شوف مكن مافيهوش حد...اسحب من اون ثا رن او اي مكان ينفع معاك تاني
محدش يقولي غلابه...الغلبان لو عايز اديله يبقي من غير ما يقول و من غير بجاحه و يبص علي فلوس الناس او اللي في ايده و كمان بيقولها في وشي ببجاحه مهما هتديلوا مش هيشبع ...لأنه معندوش عزه نفس من اساسه

الموضوع مش غني ولا فقير...قد ما هي ثقافه معفنه بدأت بالشاي يا بيه و الساسيس اللي فاكر نفسه صاحب الشارع و ان ده حقه

[dedi]

[size=4][color=black]وفعلا انت لما تشجعه على مد ايده للناس بحجة انه غلبان حايبق سهل عليه يمدها وياخد مبالغ أكبر للتساهل فى شغله أو الرشوة...

دة شغل استهبال و استغلال مرفوض تماما سيبك منة و نفض و طبعا كل شوية يطمع فى اكتر و اكتر دة ممكن يقول عاوز 10% من المبلغ المسحوب لو هاادفع ادفع براحتى بدون استهبال و عين فارغة
كان فى واحد معة عربية كارو و كان يجلرى وراء كل واحد بكل برود و تلامة و تلاحة يترجاة بانة لا مؤاخذة حمارة مات و موش لاقى ياكل عيلتة المكونة من 7 افراد عيش حاف فتحن علية و تعطية الذى فية النصيب و بعد ان ياخذ منك اخر المساء يذهب يسكر بيهم و يقول جبنا الحمار على قفا الحمير
طبعا لما تعطى و احد ذى دة بتشجعة على السكر و النصب

[abo_anas]

اعمل من بنها (مع كامل حبي واحترامي لأهل بنها حبايبي)

أهى دى اللى نفسى افهمها اشمعنى بنها كل ماحد يلمح عن الطناش يقول عامل من بنها ليه؟؟
وليه مابيقولش مثلا عامل من طنطا ، عامل من زفتى. ارجوا التوضيح لانى بجد مااعرفش السبب

[canner]

الواحد كان بيدى عادى و مافيش مشاكل المشكلة انهم كتروا كتييير جدا الايام دى مش بتكلم على العساكر بس لا بتكلم على الشحاتين كمان يعنى انت اول ما تطلع من البيت لحد ما ترجع له تانى شوف بيعدى عليك كام واحد من كل الانواع كبار و صغيرين و ستات كبار و رجاله بصحتهم و ذوى احتياجات خاصة و ساعات بقول لنفسى اديهم الاقى الفكة اللى معايا خلصت و لسه فيه ماخدش برضه مرات كتيرة ببقى قاعد تعلى قهوة و الاقى واحد ورا التانى كأنهم فى طابور و فيه منهم اللى مش ح يسيبك الا لما تديله المشكلة لما بتحصل الحاجات دى بتخلينى مضايق حتى لو انا جوايا ناوى اديهم

[lanos2004]

الحل تديله على قفاه وتجرى اول ما يقرب منك
او تصرخ وتقول حرااااااااااااااااااامى

[D . a .\ AYMAN]

الواحد بجد بيتأزم نفسياً جداً بسبب الفئة دي من الناس.. سواء كان مثال العسكري ده أو أي حد بيتسول أو بيستعطف الناس عشان الفلوس خصوصاً الناس الكبيرة في السن..
مببقاش عارف قدامهم أعمل أيه!!.. هو أكيد الأسلوب اللي بيتبعه ده غلط.. بس برجع أفكر و أقول لنفسي أن ربنا هو اللي مديني نعمة أني أكون في وضع مادي أفضل منه فليه أنا أكون بخيل مع حد أقل مني حظاً في الحياة.. و بفكر تفكير تاني من ناحية قيمة الفلوس بالنسبالي و بالنسباله.. يعني أنا بستهلك فلوس كتير في حاجات يمكن تكون تافهة أو كمالية لكن هو ممكن يكون محتاجها عشان ياكل أو يجيب علاج...
يعني أفكار كتير بتيجي في دماغي لما بشوف حد كده لدرجة أني ممكن أفضل لفترة زعلان من نفسي..
همممـ..مش عارف!!

أو حتى تكمل تفكيرك وتقول ياترى هاياخد الفلوس يشتري بيها مخدرات ولا يسكر بيها ... ولا هايبب بيها إيه

عموما أنا خدتها قاعدة إني مش بدي أي مخلوق يكلب مني حاجة بقلة أدب ... وبالذات فئة السياس اللى بيقفوا في الشارع لو وقفوا على ودانهم ... دول مليونيرات أساسا من اللى بياخدوه ...

مصارف الفلوس لازم الواحد يتعب شوية ويدور عليها عشان يعرف إن الفلوس رايحه لمن يستحق ويحتاج ... وده من مقاصد الشريعة ... البحث ومعرفة عائلة فقيرة تحتاج للصرف على تعليم أطفالها أو توفير الطعام لهم ... والواحد لو مش لاقي ياريت يهتم بالجمعيات الخيرية زي مصر الخير ورسالة ... الناس دي فعلا بيتعبوا وبيروحوا لحد الناس لغاية عندهم

نص الشعب بقى بيشحت .. عشان الموضوع بقى عبارة عن مصدر دخل بدون تعب وبيجيب فلوس كتير ... وكتير جدا كمان ... الناس دي بتتمسك بمئات الألوف حصيلة الشحاتة فقط ... وفي الآخر بيعشوا معفنين ولبسهم معفن وحارمين نفسهم من كل حاجة ويموتوا زي ما عاشوا ... والحكومة تورث فلوسهم اللى بتتلاقى معاهم


وكلامي مش معناه إني ما أديش لحد أنا شعرت بتعاطف معه في الشارع ... ولكن لا يمكن اعتبارها قاعدة ...

العساكر بقى وضعهم مختلف ... لأننا كلنا عارفين إنهم مرتباتهم قليلة جدا لاتكفي احتياجاتهم ... ولكن دعونا ننظر إلى أنهم يصلهم مأكلهم ومشربهم وملبسهم ... عبارة عن تعيين واجب على جهة عملهم ... ولا يحق لهم طلب المزيد سواء بإسلوب مهذب أو بإسلوب قليل التهذيب ....

ولكني خروجا من هذه النقطة عند قيامي بإعطاء أحد العساكر مما جعلني الله مستخلفا فيه ... فإني أحاول أن يكون عبارة عن شيء عيني أكثر منه أموالا ... وبالذات الطعام ... فإطعام الطعام من أكثر الصدقات المستحبة

[nicegypt]

نفس الحوار بيحصل ف كارفور لكن بشكل مختلف
تروح تركب عربيتك من الباركينج تلاقي واحد او اتنين نطو لك ونظام هات عنك الشنط يا باشا واساعدك
طب اقفلك شنطة العربية .. الخ الخ
هيصعب عليك حال مين ولا مين ؟؟

[shaddadfalcon1]

انا كنت بسحب من عند موول زهران في سموحه وكان في حارس عندها غتت مووووووووووووت وكل مره يقولي صباح الخير والكلام ده زي مايكون بيشحت وفي النص الاقيه بيقولي عليك بقي الشاي وكنت بديه جنيه ولا حاجه لحد ماكرهني في المكنه كلها وبقت اسحب من مكان تاني ابعد بس مفيش حد عنده

نفس الحوار في لقاهره في زاكر حسين الاقيه يبصلي ويضحك وصباح الخير وايوه ياباشا وعايز يركني كانه سايس وبرده بصدر الوش الخشب

[3mr Farrag]

نفس الحوار بيحصل ف كارفور لكن بشكل مختلف
تروح تركب عربيتك من الباركينج تلاقي واحد او اتنين نطو لك ونظام هات عنك الشنط يا باشا واساعدك
طب اقفلك شنطة العربية .. الخ الخ
هيصعب عليك حال مين ولا مين ؟؟

الشغل الضيق ده في المطار
مره كنت بجيب ناس و لقيت واحد راح ناطت وراح شايل الشنط بعد مازقينا عربيه الشنط و شلنا معظم الشنط في العربيه
وانا اتفقعت من الحركه و كنت عايز امشي و مادلوش حاجه وادتلوا علشان نخلص
بس علشان الناس اللي معايا تعبانين و مش طالبه اقفش مع حد وهما لسه يادوب نازلين علي المحروسه و بيستوعبوا العفانه اللي احنا عايشين فيها

[shaddadfalcon1]

الشغل الضيق ده في المطار
مره كنت بجيب ناس و لقيت واحد راح ناطت وراح شايل الشنط بعد مازقينا عربيه الشنط و شلنا معظم الشنط في العربيه
وانا اتفقعت من الحركه و كنت عايز امشي و مادلوش حاجه وادتلوا علشان نخلص
بس علشان الناس اللي معايا تعبانين و مش طالبه اقفش مع حد وهما لسه يادوب نازلين علي المحروسه و بيستوعبوا العفانه اللي احنا عايشين فيها

بتوع المطار دوول بجد نفخ وخصوصا مطار برج العرب

عايز يشيل الشنط بالعافيه تقوله لا يقولك كل سنه وانت طيب ويفضل ماشي وراك لحد العربيه ومش بيسيبك غير لما ياخد فلوس