زهقت من ضغط الشغل وعايز اسافر بره مصر يومين

[pharohtemo]

تركيا لو مع نفسك 7 ليالى : 2300 طيران + 400 فيزا + 3000 فندق بالفطار = يعنى 5700 جنيه
لو مع شركة سياحة ممكن تبقى من 4000 إلى 5000 بس فنادق و مواعيد محددة طبقا للشركة و ده أنا مش بفضله علشان أحب أسافر على راحتى فى الفندق اللى يعجبنى .
الأسعار دى تقديرية لأنها بتتغير حسب الموسم .. يعنى الفندق فى يناير رخيص جداً و السيزون مضروب بس فى الصيف الأسعار تقريبا الضعف !!! بس برضه فى رحلات رخيصة باكدج شارتر
أعمل حساب العشاء و لو ممكن كمان الغدا و الشوبنج (حتى لو قلت مش حتعمل شوبنج برضه حتعمل )

[nona_yaris]

روح اي مكان رايق في مصر شرم او الغرقة او مارينا او السخنة او اسوان
الاقصر واسوان بنايل كروز تحفة ومش غالية وح تشوف اماكن جديدة ورائعة
وبلاش تلفزيون وانترنت واقفل تليفونك
ح تلاقي الاعصابك ارتاحت جدا

[Dr.A.Nabil]

ممكن نقول لحد 5 الاف جنيه شاملين كل حاجه

دول لا مؤاخذه يادوب يودوك شارم الشيخ
تركيا مش هاتقل عن 7 الاف جنيه شامل التذاكر والاقامه والفسح والاكل
خصوصا انك مش هاتلاقي طيران شارتر دلوقتي وهاضطر تسافر على مصر الطيران او الخطوط التركيه وكده الاسعار هاتزيد اكثر