استفسار عن افضل تكييف

[DrClick]

سلام عليكم
طبعا الصيف داخل وبفكر باذن الله اننا اشتري تكييف 1.5 حصان وواحد اخر 3 حصان للرسيبشن واخدهم خبطه واحده كده وربنا يعينا :)
انا ساكن فى مايو يعنى حر زى مابيقول الكتاب
سؤالى للاخوه الافاضل
اي الانواع افضل ...انا كنت سمعت عن lg وسامسونج وشارب انهم افضل 3 انواع بس اتمنى اللى مجرب يقوللى ايهم افضل ولماذا
وطبعا انا يهمنى انه يكون تكييف بتاع شغل وقوه تبريد عاليه وطبعا مع شويه البلازما والاوبشن الجديد ده يبقي تمام اوى
وهل فعلا البلازما بتقعد سنه واحده بس والا دى اشاعه !!

[amdd]

فى اكتر من موضوع عن التكييفات اعمل بحث عنها وانا برضه هدور معاك

[heldin_67]

Lg عن تجربه

[amdd]

خد بالك الكهربا غليت ويمكن تغلا كمان الفترة الجايه واستهلاك تكييفين هيبقى عالى

[DrClick]

شكرا استاذ heldin_67 على ردك ..بس هل فعلا LG احسن من سامسونج مثلا على اساس ان الاتنين الكباس بتاعهم كوري 100% ؟؟
انا بالفعل بصيت فى مواضيع التكييف اللى قدرت الاقيها فى المنتدى هنا اخى الكريم amdd ولكن انت عارف انها معظمها مواضيع قديمه وكل شويه الموديلات بتتغير وبالتالى الجهاز نفسه بيفرق عن التانى
وبالنسبه لغلو الاسعار ...فكل حاجه بقت نار هى جت على الكهربا يعنى :(

[heldin_67]

أنا اشتريت الصيف الماضي 3 تكييفات lg مره واحده الصراحه علي درجه حراره 25 الحجره تلج و علي فكره هو فيه بلازما كلاستلر و مروحه و زعانف ذهبيه و ساخن و باردز
أهم من ذلك ضمان شامل علي الجهاز كله و ليس الكمبرسور فقط
موضوع الكهرباء انا بحاول أشغل التكييف ال 3 ح لوحده و اشغل الاثنين ال 1.5 ح مع بعض ليس في نفس الوقت حتي لا استهلك كهرباء كتير
علي فكره كمبرسور lg يعمل في درجه حراره حتي 55 (ده شيء مهم جدا")
و ربنا يوفقك

[DrClick]

شكرا اخى الكريم heldin_67 لمعلوماتك القيمه ... الغريب ان محدش اتكلم عن سامسونج اوشارب !!!

[AhmedHandal]

انا ايضا بمر بنفس التجربه والكل بيشكر جدا فى شارب العربي و ال جى ..وهنا يكمن السؤال
ايهما تختار علما بان
- شارب بقي صينى بالكامل
- ضمان 5 سنين على الجهاز بالكامل
- دعم فنى ممتاز
ومن ناحيه تانيه
- ال جى جهاز كوري والكمبريسور كوري 100%
- الكومبريسور بيستحمل لحد 55 درجه وبيشتغل على فولت اقل من شارب
- اشيك فى الشكل من شارب
- دعم فنى يقال انه موازى لشارب
ارجو الافاده من الاخوه الافاضل .
-

[ahmed]

متابع

[M.Elgergawy]

انا كنت في حيرتك كده من اسبوعين ودورت ولفيت وبحثت وفي الاخر اخترت كاريير
شركة معروفة من زمان ودعم قوي
وعلى فكرة كنت ناوي على lg لكن المزع غلى عليا السعر في يومين 800 ج على الجهازين وطبعا استحرمت وجبت كاريير
ال 1.5 بارد ساخن بلازما 3200 ج
ال 3 بارد ساخن بلازما 5500 ج
والاسعار الاسبوع الماضي
وضمان 5 سنين على الكومبريسور وسنة على الفانة

[magdy_dvd]

بصراحة بعد LG artcool لا تقولى شارب ولا سامسونج بس ياخسارة معدش ينزل منة الان نظرا لسعرة 1.5 يعمل 4950 جنية لانة مستورد بالكامل كورى تقفيل تركى و كل ما ساءل موزع علية يقولك كان عندة و خلص اما اسعار lg الجيت كول =3600 النيورلازما =3900 و في بعض الشركات 4150 سعر الاسبوع القادم
كارير =3350
يورك =3300
شارب 3850

[DrClick]

فعلا ارت كول سمعت انه احلى جهاز فى السوق والنيو بلازما (الموديل اللى اقل منه ) برده جميل جدا لان الحصان منه بيدى 10 متر وال btu 12500 مش 12000 .زى الباقيين وبصراحه لما لفيت كتير محدش اتكلم على النيو بلازما كلمه وحشه ونويت باذن الله اننا اجيب الاتنين نيوبلازما .والف شكر لكل من ساهم فى ابداء الراى او النصيحه .

[Ahmed_selmy]

الاهم من نوع الجهاز هى الكهربا ......فين الكهربا اللى حتشغل بيها الاجهزة .....الكهربا بتقطع من دلوقتى واحنا حتى مشغلناش مراوح مش تكييفات.