موقف فى المرور

[wahba87]

السلام عليكم

عايز أحكيلكوا على موقف حصل معى فى المرور , انا كنت عملت نقل ملكية و ادونى تصريح 3 شهور لغاية لما الملف ييجى

رحت بعد 3 شهور , و الموظفة قالتلى ملفك جه , مبروك يا عم , انت محظوظ , الملفات دائما بتتأخر

الله أعلم مش عايز أظلمها بس شكلها كانت عايزة حاجة , بس انا واخد قرار انى مش هدفع اى مليم بشكل غير قانونى , انا رديت عليها بشياكة و شكرا و كده

المهم بعديها بشوية قالتلى على فكرة ملفك مجاش , انا افتكرته جه بس طلع مجاش !! , هنعملك تصريح 3 شهور تانى , و قد كان .. , الحمد لله على كل شئ وارد يكون عندها حق , و وارد تكون بتلمح انها عايزة حاجة , الله أعلم

[ahmedhilmy]

انت كنت وصلت لغايه الرشيف و خليت اي عسكري يبصلك عليه علشان تقطع الشك باليقين

[S O P H O S]

اشك بصراحة انه جه فعلا وان الكلام اتغير
والله اعلم