اصدق انهي معمل تحليل

[AHAHاHOAA]

السلام عليك انا من فتره حوالي كام يوم ذهبت لاطمئن علي نفسي وعملت تحليل في معمل المختبر
وقالولي ان النتايج بتبقا تاني يوم واندهشت لما عرفت ان العينات دي بتتجمع من كل فرع وتسافر القاهره علشان تتحلل طب وايه الي يضمن انه التحليل ده يوصل سليم ؟ المهم بما انهم اغلي معمل في مصر تقريبا عملت hcv ab وكان ب 100 جنيه وبعدها بومين خدت التحيلي ومكتوب فيه hcv ab 3rd generation :weak positive
ومكتوب كومنت اني اعمل riba/rna/pcr
دول تقريبا يعملوا فوق ال 1000 جنيه او اكتر
روحت معمل تاني بس الدكتور هوا الي بيسحب العينه وبيعمل التحليل بنفسه كان
negative
قولت يمكن اجهزته قديمه روحت لمعمل وزاره الصحه وطلبت استخراج شهاده صحيه الي هيا بتكون للسفر وانا شوفت الاجهزه الي عندهم كانت حديثه ومكنش فيه حد بيحلل فيرس يوميها غيري
والنتيجه
hcv ab negative
hbs negative
hiv negative
دلواتي انا مش عارف اصدق مين معمل وزاره الصحه ولا المختبر ولا مين مع العلم ان في التلات حالات كان عندي التهاب اللوز وانفلونزا بس مش عارف دي بتاثر علي التحاليل ولا لا والمشكله اني انا من النوع الموسوس جدا يارت المساعده وشكرا

[Egyzizo]

صدق نتيجة معامل وزارة الصحة
انت كده براءة وانسى الموضوع.

[أبو صلاح]

معامل وزارة الصحة
مفيهاش تهريج

[ahmedhilmy]

معامل وزاره الصحه اكيد ده تقريبا المعمل الوحيد المعتمد

[yaserbasha2000]

كمان الاصابه بفيروس الانفلوانزا بيأثر علي نتيجه تحليل الاجسام المضاده و ده تقريبا اللي حضرتك عملته

[Medicalist]

يا عم انسى المختبر اصلا نتايجهم فيها مشاكل و فذلكه
بس عايز استغلك هو الواحد ممكن يطلع الشهاده دى حتى لو هو مش مسافر ويخليها معاه لوقت اما يسافر وليها صلاحيه ولا لا ؟

[bobbozo4b]

يا عم انسى المختبر اصلا نتايجهم فيها مشاكل و فذلكه
بس عايز استغلك هو الواحد ممكن يطلع الشهاده دى حتى لو هو مش مسافر ويخليها معاه لوقت اما يسافر وليها صلاحيه ولا لا ؟

++++111111 وبتتكلف كام؟؟

[Imhotep]

طب حد جرب النيل للاشعة و التحاليل؟ اصل انا برضه متعود على التعامل مع المختبر اللى كان لغاية كام سنة بيتقال عليه كويس. . . و ياترى ايه احسن معمل فى النتايج المظبوطة حاليا. . . النيل شكله جديد و مقراته جديدة و نضيفه و المعدات حديثة بس مش عارف دقة نتايجهم فى التحاليل

[AHAHاHOAA]

السلام عليكم شكرا علي الردود
حضرتك ممكن تعمل تحليل فيرس واحد بس لو تحب سي تقريبا ب 25 جنيه بس انا قولت اعمل التلات فيروسات واخلص فهما قالولي انت عاوزها علشان السفر وادوني شهاده كدا مكتوب فيها ثلاث فيروسات ومختومه وقالوي يبقا تعالي تاني يوم تكمل الاجراءات بس انا طنشت لاني مش مسافر وتكلفه التحليل 76جنيه صلاحيه تقريبا 3 شهور وعلي فكره لو لا قدر الله فيه عندهم شك في وجود اجسام مضاده بيطلوا اعاده التحليل من غير فلوس بس انا الحمد لله من اول مره كان نيجتف
بس مش عارف ليه المختبر ده شككني في نفسي

[M.Elgergawy]

المختبر فاشل عن تجربة في نتايجه ونفس اللى حصل معاك بالظبط قالولي weak positive
وكنت بتبرع بالدم لإبني لعملية قلب مفتوح وعملت تحاليل فيروسات وطلعت negative

[AHAHاHOAA]

المختبر فاشل عن تجربة في نتايجه ونفس اللى حصل معاك بالظبط قالولي weak positive
وكنت بتبرع بالدم لإبني لعملية قلب مفتوح وعملت تحاليل فيروسات وطلعت negative

ربنا يخليك لابنك ويعافيه ويحميه من كل سوء اللهم امين

[casperinoo]

لو معاك فلوس اعمل pcr وريح دماغك

[AHAHاHOAA]

مش عارف والله ياغالي بس حاسس انهم عملوا فيها كدا علشان يخلوني اعمل التحليل الغالي

[aboomar22]

بما انى اعمل فى نفس المجال لكن فى مكان منافس للمختبر احب اوضح حاجة المختبر صرح كبير مفيش كلام لكن بتغلب علية الطابع التجارى اما بالنسبة لنتيجة حضرتك hcv ab معروف ان الاختبار ده بنبحث عن الاجسام المضادة للفيروس سى وبيكون عندنا حدود طبيعية لقراءة الجهاز (Normal Range ) فمثلا لو قراءة الجهاز من 1 -4 بيبقى الحالة negative ولو اكبر من 7 بتبقى postive المشكلة بقى لما القراءة بتكون بين 4 -7 بعض المعامل بتقول عليها weak positive وبعضها بيسميها Bord on line وغالبا الحالة دى بيكون اما تعرض للبهارسيا او تعرض لفيروس اجسامة المضادة قريبة من الاجسام المضادة لفيروس c او انه بالفعل تعرض لفيروس c لكن لم يصاب به الاجسام المناعية لدية استطاعت التغلب عليه فيكون توصية المعمل اما الاعادة بعد اسبوعين او ال pcr ودائما الحالات دى بتطلع negative انما المعامل المركزية بتشتغل بتكنيك تانى انها بتاخد العينات بتدخلها الاجهزة تستبعد الايجابى منها ثم تجمع كل 10 عينات negative وبتعمل عليه pcr test واحد للتاكد من كاختبار تاكيدى ان هذه المجموعة لايوجد بينها حالة ايجابية

[Imhotep]

بما انى اعمل فى نفس المجال لكن فى مكان منافس للمختبر احب اوضح حاجة المختبر صرح كبير مفيش كلام لكن بتغلب علية الطابع التجارى اما بالنسبة لنتيجة حضرتك hcv ab معروف ان الاختبار ده بنبحث عن الاجسام المضادة للفيروس سى وبيكون عندنا حدود طبيعية لقراءة الجهاز (normal range ) فمثلا لو قراءة الجهاز من 1 -4 بيبقى الحالة negative ولو اكبر من 7 بتبقى postive المشكلة بقى لما القراءة بتكون بين 4 -7 بعض المعامل بتقول عليها weak positive وبعضها بيسميها bord on line وغالبا الحالة دى بيكون اما تعرض للبهارسيا او تعرض لفيروس اجسامة المضادة قريبة من الاجسام المضادة لفيروس c او انه بالفعل تعرض لفيروس c لكن لم يصاب به الاجسام المناعية لدية استطاعت التغلب عليه فيكون توصية المعمل اما الاعادة بعد اسبوعين او ال pcr ودائما الحالات دى بتطلع negative انما المعامل المركزية بتشتغل بتكنيك تانى انها بتاخد العينات بتدخلها الاجهزة تستبعد الايجابى منها ثم تجمع كل 10 عينات negative وبتعمل عليه pcr test واحد للتاكد من كاختبار تاكيدى ان هذه المجموعة لايوجد بينها حالة ايجابية

طب بما انك بتشتغل فى نفس المجال. . . ايه رأيك فى النيل للاشعة و التحاليل من ناخية دقة النتايج؟