الحسد - اولع فيه و لا اعمل ايه

[Survival]

السلام عليكم

عندى مشكلة صعبة بجد
فى واحد قريب منى علاقات عائلية و كمان ساكن قريب منى المشكلة انه عينه حلوة شويتين . و كل ما يركب معايا العربية لازم يحصلها حاجة. هو انسان كويس جدا لكن فيه الموضوع دا و المشكلة انه مش واخد باله .
العربية بتبقى مع اخويا و انا مسافر زى الفل و اول ما ارجع انا الحوارات تشتغل لدرجة انى هبيع العربية عشان اخلص
انا دلوقتى بفكر لو بعت و جبت عربية اعلى اعمل انا ايه بقى فى الحوار دا.

انا بطلت اغسل العربية و انظفها مع ان عندى 3 انواع بوليش و كمبوند و مكنة التلميع.
ايه الحل؟؟؟

[pro_samir]

أولا الأذكار

ثانيا اتكلم عن المواضيع دي معاه بشكل عام كل ما تيجي السيره .. بس بشكل يلفت نظره انك بتتكلم بجد

و كل ما يتكلم علي العربيه أو أي حاجه عاجباه عموما قولة بتهريج قول ما شاء الله

لو قال ماشي .. لو علق قولة ان الواحد ممكن يحسد حتي نفسه من غير ما يقصد وكده وان من السنة ان الواحد يقول ما شاء الله علي أي حاجه تعجبة

[lanos2004]

الحسد والعين دة اسواء شىء فى الوجود

[S O P H O S]

ربنا يحفظنا جميعا ويهدي نفوس الناس

[mastr_n]

مش عارف اقولك أية بجد كأنك بتحكى حالى بالظبط

حاجة بجد وحشة اللهم احفظنا من كل سوء جميعا

الشيخ الشعراوى اللة يرحمة لما فسر الحسد قال ان الأنسان لازم يستعيز باللة لأن مايقدرش على منع الحسد غير ربنا سبحانة وتعالى

وبرجع واقول الحمد للة انها بتيجى فى العربية المهم عيالى وصحتى

بجد على رأيك الواحد بقى يخاف يغسل العربية
مش عارف الناس بستكتر النعمة ولا أية

[maka]

اقراء اذكار الصباح و المساء بتركيز و تيقن بان الله سيحميك

وركز على المعوذتين و اذكار مثل :

« بِسْمِ اللَّهِ الذي لاَ يَضُرُّ مَعَ اسْمِهِ شَىْءٌ في الأَرْضِ وَلاَ في السَّمَاءِ وَهُوَ السَّمِيعُ الْعَلِيمُ».

"أعوذ بكلمات الله التامات من شرّ ما خلق"

أَعُوذُ بِكَلِمَاتِ اللَّهِ التَّامَّةِ مِنْ كُلِّ شَيْطَانٍ وَهَامَّةٍ وَمِنْ كُلِّ عَيْن لامَّةٍ

3 مرات صباح و مساء

[mero100]

الحسد : هو أن يتمني إنسان زوال النعمه منك و أن تذهب إليه .
يعني واحد بيستكتر النعمه عليك .
و ممكن إنسان غني و مش محتاج و يحسد إنسان علي نعمه معينه أو خير جاله .
لأنه بإختصار بيحسد و يحقد و بيستكتر عليك الخير اللي جالك .

في وجهه نظري الوقايه من الحسد بقراءه " قل هو الله أحد " و المعوذتين .
حتي إسمهم شارح معناهم .. المعوذتين .
و في النهايه كل واحد يحس إن شخص بيحسده .. يبعد عنه فورا .
لأن العين فلقت الحجر . و هذا المثل حقيقه لأن له قصه تتعلق بالحسن و الحسين . (رضي الله عنهم ).

[AHMED MOHSEN]

الحسد والعين دة اسواء شىء فى الوجود

اه والله الواحد مش عارف يعمل ايه
حسبنا الله ونعم الوكيل

[Survival]

انا بفكر الزق استيكر بالمعوذتين على العربية زى التاكسي من بره و كمان من جوه على التبلوه.
على فكرة مش انا بس اللى بقول كده على الشخص دا اللى خلانى اخد بالى اصلا هى مراته.

الحل زى ما الاخوة هنا اتفضلوا و قالو ان القرآن عموما و المعوذتين خصوصا بتحمي من العين و الاذكار مهمة جدا جدا.
فى صديق ليا قالى ارش على العربية مية بملح مقروء عليها المعوذتين و مش عارف صحة الموضوع دا ايه؟

كمان فى حل ظريف هات استيكر كاربون و حطه على العربية بصورة اى كلام و بعد شوية هيقدم و شكله هيبقى مش حلو و يخزى العين - الميزة فيه ان ممكن تشيله بسهوله و ممكن ترجع تركبه تانى.
او ممكن اعلق فردة لامؤاخذة شبشب زى العربيات التاكسي زمان.
طبعا انا عمال افكر فى حاجات غريبة عشان فعلا انا جايب اخرى من الحوار ده. و بقول لنفسي لما جيب عربية جديدة بقى هعمل ايه.

[Ghosts]

الحسد والعين دة اسواء شىء فى الوجود

+1 ....

[أحمد كمال]

او ممكن اعلق فردة لامؤاخذة شبشب زى العربيات التاكسي زمان.

لو بنية انك تخلي شكل العربية وحش ماشي

بس لو فاكره هيبعد الحسد ........ "من علق تميمة فقد أشرك"

[Land_Cruiser]

اقرأ المعوذتين يا فندم و شغّل قرآن في العربيه باستمرار و حط في دماغك ان اي حاجه تحصلك ربنا مقدر لك ذلك و ما أصابك ما كان ليخطئك و ما أخطأك ما كان ليصيبك و مفيش حد يقدر يعملك حاجه إلا باذن الله فالاولي ان تسأله ان يكفيك شر كل مخلوق و توكل علي الله و ربنا يشفي اللي بيحسدك لان الحسد مرض ربنا يعافينا منه و ابعد عن رش الملح و فرده الشبشب و الكلام ده لان دي بدع

[AhMeD MeTwAlY]

طيب انت الحمد لله
انا كنت هبق المرحوم بسبب موضوع زي دا والحمد لله ربنا ستر

[Survival]

لا بجد كدا كتير
الباشا نورنى النهارده و النتيجة العربية بتطقطق من اكتر من مكان فى وقت واحد.

الحمد لله انا متوكل على الله فى كل امورى و مؤمن بان المؤمن مصاب و لكن المشكلة الحقيقة مع الناس هى المقارنة بقصد او من غير قصد و لانى ربنا كرمنى وادانى كتير من فضله فاللى حواليا ممكن يكونوا حاسين ان دا كتير عليا.
انا الحمد لله تقريبا مشغل اذاعة القران الكريم طول الوقت.
على فكرة موضوع العربية بس اللى انا اتكلمت عليه لكن فى كتير جدا حاجات فوق الوصف حصلت لى و منها انى كنت على وشك انى اخسر شغلى و صحتى و عربيتى و شقتى بالترتيب فى اقل من شهر و بعدها خسرت حوالى 130 الف فى 3 شهور و دا اللى خلانى ادور على الاسباب و لاقيت ان المشكلة فى حاجتين ان اسرارى طلعت بره بيتى و ان العين بقت عليا بعد صدفة غبية عرفت ناس طبيعية شغلى و مميزاته لكن محدش عرف صعوباته و النتيجة بقيت تحت العين و من يومها و الدنيا عندى ماشية بكرم ربنا.
طبعا انا حاطط فى دماغى ان ممكن يكون تفكيرى دا كله غلط وان بعض الظن اثم - و مش ناوى اتغيير من حد لكن بفضفض معاكم لان اكيد فى كتير كانوا فى مكانى و ممكن يدلونى على الحل بدل ما .

[pro_samir]

لا بجد كدا كتير
الباشا نورنى النهارده و النتيجة العربية بتطقطق من اكتر من مكان فى وقت واحد.

الحمد لله انا متوكل على الله فى كل امورى و مؤمن بان المؤمن مصاب و لكن المشكلة الحقيقة مع الناس هى المقارنة بقصد او من غير قصد و لانى ربنا كرمنى وادانى كتير من فضله فاللى حواليا ممكن يكونوا حاسين ان دا كتير عليا.
انا الحمد لله تقريبا مشغل اذاعة القران الكريم طول الوقت.
على فكرة موضوع العربية بس اللى انا اتكلمت عليه لكن فى كتير جدا حاجات فوق الوصف حصلت لى و منها انى كنت على وشك انى اخسر شغلى و صحتى و عربيتى و شقتى بالترتيب فى اقل من شهر و بعدها خسرت حوالى 130 الف فى 3 شهور و دا اللى خلانى ادور على الاسباب و لاقيت ان المشكلة فى حاجتين ان اسرارى طلعت بره بيتى و ان العين بقت عليا بعد صدفة غبية عرفت ناس طبيعية شغلى و مميزاته لكن محدش عرف صعوباته و النتيجة بقيت تحت العين و من يومها و الدنيا عندى ماشية بكرم ربنا.
طبعا انا حاطط فى دماغى ان ممكن يكون تفكيرى دا كله غلط وان بعض الظن اثم - و مش ناوى اتغيير من حد لكن بفضفض معاكم لان اكيد فى كتير كانوا فى مكانى و ممكن يدلونى على الحل بدل ما .

ليه هو حضرتك بتشتغل ايه