غباء x غباء

[MOK3336]

مجلس الدولة كان منزل اعلان عن وظائف قولت لواحد صحبي عشان يقدم هو خريج 2008 وقولتله إن شاء الله خير و البلد بقت مش زى الأول و مفيش كوسة و الحجات دي
و لكن بعد ما قريت الإعلان أتأكدت فعلا إن البلد زى ما هي و مفيش اى حاجة أتغيرت بل بقت أسوء و علي رأى قطامش ( أمنت خلاص بالوحلا و ان بكرة مش أحلي )
الإعلان عايز خريجي 2012 فقط
يعني خلاص كل الخريجين ايلي قبل كده اشتغلوا فاضل بس خريجي 2012
مع ان اى اعلان المفروض يكون علي الأقل واخد خريجي 3-4 سنين قبل أخر دفعة متخرجة
و الظاهر والله أعلم واحد ابنه لسه متخرج و عايز يشغلة قال نعمل المسابقة دي عشان تبقي قانوني

[S O P H O S]

في ايه اتغير علشان الشغل والوسطة تتغير .!

[ahmedteam]

ممكن تقولى اى قطاع او مجال حصل فيه تغيير ( صحه تعليم مرور سولار خبز قمامه ) هوا ايه اللى اتغير ؟

ربنا يرحمنا برحمته

[AHMED12345678]

حضرتك غلطان تماما
الاعلان الى حضرتك بتتكلم علية دة هو اعلان سنوى بينزلة مجلس الدولة لشغل الوظائف القضائية به ابتداء بدرجة مندوب مساعد
وكل دفعه بيزل ليها اعلانها الخاص بها
يعنى دفعه 2009 مثلا بينزل اعلانها لخريجى دفعه 2009 وبعد الاختبارات والتحريات يتم قبول العدد المحدد من الدفعه
ثم ينزل اعلان لدفعه 2010
ثم لدفعه 2011
ثم لدفعه 2012
وهكذا
يعنى ببساطة لا ينزل اعلان الدفعة التالية إلا بعد أنتهاء إجراءات تعيين المقبولين بالوظائف القضائية بالمجلس من الدفعه السابقة
ولعلم حضرتك ايضا ان المقبولين يكونوا من الحاصلين على تقدير امتياز او جيد جدا فى الاغلب ولا يرقى الا بعد الحصول على الماجيستير فى القانون
فعلى سبيل المثال دفعه 2011 عين فيها 17 خريج بتقدير امتياز و125 بتقدير جيد جدا و15 بتقدير جيد....وانا كنت متابع هذة الدفعه لان بها احد اقاربى الذين تم قبولهم من دفعه 2011 وكان حاصلا على تقدير جيد جدا وترتيبة الخامس على دفعته........وصدق حضرتك او لا تصدق انه تم قبولة لتقديرة وبدون واسطة كما تم تعيين كل من الاول والثالث والرابع على دفعته اما الثانى على الدفعه لم يتم تعيينه لاسباب لا اعلمها
وحتى اكون صادقا فالحاصلين على تقدير جيد ممن تم تعيينهم بالدفعه هم من ابناء المستشارين بمجلس الدولة ولكن على الاقل لم يعين ابنائهم الا بعد تعيين الاوائل على كل دفعه بكليات الحقوق ...............يعنى احسن من اماكن تانية كتير فى مصر

[AHMED12345678]

وممكن تشأل صديقك خريج دفعه 2008 عن كلامى للتأكد من صحته
وياريت الا نرمى الناس بالباطل ونقوم بكتابة عناوين لمواضيع فيها اهانه وقذف دون التحرى