سؤال لمستخدى الايفون

[beshomilan]

اهلا اخوتى الاعزاء

انا ناوى اشترى ايفون 4 وهو الوحيد اللى تسمح بيه ميزانيتى حاليا

فعايز اعرف موضوع مسكة الموبايل اللى من الاجناب دى بتقطع الشبكة فعلا او بتأثر عليها ولا ايه
وخصوصا ان الموضوع ده انتشر اول ما الايفون 4 نزل وعمل مشاكل كتير
وكل ما ادور لى النت الاقى المشكله دى موجوده بكثره

فعايز اعرف المشكله دى اعرفها ازاى وانا بشترى

واعرف ازاى المفتوح رسمى من اللى معموله انلوك من اللى شغال بجيفى سيم من المقفول

معلش ساعدونى اصلى ميح خالص فى الايفون

[beshomilan]

مفيش حد معاه ايفون خالص؟؟

[youssef_u]

بص يا باشا مشكلة انك لما تغطي الاجناب فعلا الشبكة بتقل ممكن تنزل من خمس شرط لحد شرطه وحده و ممكن تروح خالص ، و بتحل انك تركبله اي نوع جراب ..

و مشكلة زرار الهوم بعد سنه ونص كده هتلاقيه بدأ يعلق شوية من كتر الاستخدام .

كل اللي موجود في مصر مفتوح رسمي من الشركة حكاية الانلوك دي كانت زمان دلوقتي كله مفتوح رسمي و عشان تضمن اشتريه من احد الموزعين الرسميين

تحياتي

[Land_Cruiser]

انصحك تفكر في السامسونج . ارخص و شاشه اكبر و موديلات كتير و عدد لانهائي من البرامج

[beshomilan]

بص يا باشا مشكلة انك لما تغطي الاجناب فعلا الشبكة بتقل ممكن تنزل من خمس شرط لحد شرطه وحده و ممكن تروح خالص ، و بتحل انك تركبله اي نوع جراب ..

و مشكلة زرار الهوم بعد سنه ونص كده هتلاقيه بدأ يعلق شوية من كتر الاستخدام .

كل اللي موجود في مصر مفتوح رسمي من الشركة حكاية الانلوك دي كانت زمان دلوقتي كله مفتوح رسمي و عشان تضمن اشتريه من احد الموزعين الرسميين

اها يعنى مازال موضوع الشبكة ده قائم
ولازم الجراب
ومعقول موبايل ب الافات زرار الهوم بتاعه بيعلق بعد سه ونص؟؟
وكميه الناس اللى مشترياه دى عارفه العيوب دى وبرضه بتشتريه؟؟
البلد حصلها ايه بس :)
انا لو هشتريه هشتريه مستعمل من السراج

انصحك تفكر في السامسونج . ارخص و شاشه اكبر و موديلات كتير و عدد لانهائي من البرامج

انا كان معايا s2 ونوت 1 قبل كده يعنى خبير فى الاندرويد
وكان نفسى اجرب الايفون لانه جديد ليا

بس كده انا هفكر تانى

[beshomilan]

هاه لااراء جديده؟؟

[youssef_u]

اصل حضرتك مشكلة الشبكة دي بتظهر لما تغطي كااامل اجنابه و مش لازم جراب يعني و كلنا بنتفادى المسكه دي و اتعودنا عليها و عادي جدا .... هو بقا زرار الهوم في ناس بتغيره و ناس بتنظفه و اختلفت الاراء فيه و طبعا كل الناس عارفين العيوب دي بس الايفون ايفون برده

[M!SHO]

بص هو الموضوع نسبي

انا واحد من الناس برتاح مع الأيفون أكتر وبحس ان ال ios أسهل كتيرعن الاندريود

ومؤخراً كان معايا 4s واتهبلت وبعته وقررت أتجه للأندريود من اول s1 ل note 2 مروراً بال s2 و s3

انا مش هعلق لأن الموضوع نسبى بس يمكن النوت اللى عجبنى شويه

المهم انى مرتحتش خالص وهرجع للأيفون تانى حتى لو كان 3gs :))

[Ahmed Selim]

انا كان معايا ايفون 4 و مكنتش ملاحظ مشكلة في موضوع الشبكة

[beshomilan]

اصل حضرتك مشكلة الشبكة دي بتظهر لما تغطي كااامل اجنابه و مش لازم جراب يعني و كلنا بنتفادى المسكه دي و اتعودنا عليها و عادي جدا .... هو بقا زرار الهوم في ناس بتغيره و ناس بتنظفه و اختلفت الاراء فيه و طبعا كل الناس عارفين العيوب دي بس الايفون ايفون برده

معتقدش ان فى مسكة اى موبايل بيتغطى كامل اجنابه يبقى كده حلينا المشكله دى
وانا متعجب ان اغلى موبايل فى العالم زرار الهوم فيه بيبوظ بعد مده او يعلق؟؟
ده النوكيا اللى ب 150 زرايره جباره ما شاء الله مقارنتا بيه

بص هو الموضوع نسبي

انا واحد من الناس برتاح مع الأيفون أكتر وبحس ان ال ios أسهل كتيرعن الاندريود

ومؤخراً كان معايا 4s واتهبلت وبعته وقررت أتجه للأندريود من اول s1 ل note 2 مروراً بال s2 و s3

انا مش هعلق لأن الموضوع نسبى بس يمكن النوت اللى عجبنى شويه

المهم انى مرتحتش خالص وهرجع للأيفون تانى حتى لو كان 3gs :))

يااااااااااه ده العكس تماما ده الاندرويد انا حاسه اسهل كتير
دانا سامع فى ال IOS مصطلحات كتير غريبه زى فريم وير وسيديا وجيلبريك وجيفى سيم وحاجات من دى كتير

انا كان معايا ايفون 4 و مكنتش ملاحظ مشكلة في موضوع الشبكة

رد مشجع جدا
انا ناوى انزل اشترى الاربع بأذن الله

محتاج تشجيع قوى :d

[youssef_u]

في امريكا بيغيروا الزرار في الضمان لكل العملاء و الشركة معترفه بالمشكله هو بيعلق بس في ناس كتير بتتعايش معاه و اختي واحده من الناس اللي متعايشه معاه

[Esam Mosaad]

انا معايا ومقيش اى شكوى من موضوع الشبكه

السامسونج مع احترامى لكل الناس مع ناس زميلى كتير فى الشغل بما كش شويه الاقى حد يقولى الجهاز هنج لما جيت اشغل لعبه او اى ابلكيشن
او لما بيتقل عليه شويه !!!

[youssef_u]

انا معايا ومقيش اى شكوى من موضوع الشبكه

السامسونج مع احترامى لكل الناس مع ناس زميلى كتير فى الشغل بما كش شويه الاقى حد يقولى الجهاز هنج لما جيت اشغل لعبه او اى ابلكيشن
او لما بيتقل عليه شويه !!!

الاندرويد عموما بيعلق و بيهنج و كراااش كتييير و كل ده مجرد انك تفتح لعبة >> انا معايا سوني و اندرويد و ده بيحصل معايا شخصيا و مع عدد كبير من اصحابي

[m_adeleid]

اتوكل علي الله يا فندم و هات الاي فون
حتتبسط بيه جدا و حتحس بفرق جدا عن الاندرويد
وموضوع الشبكه ده مش حتاخد بالك منه اصلا
انا اول مره اعرف انه عامل قلق لحد اصلا وانا معايا التليفون من سنتين
بس حاول تجيب حاله محترمه

[beshomilan]

في امريكا بيغيروا الزرار في الضمان لكل العملاء و الشركة معترفه بالمشكله هو بيعلق بس في ناس كتير بتتعايش معاه و اختي واحده من الناس اللي متعايشه معاه

ربنا يسهل ويكون اللى هجيبه كويس وهحاول ابص على موضوع الزرار ده

انا معايا ومقيش اى شكوى من موضوع الشبكه

السامسونج مع احترامى لكل الناس مع ناس زميلى كتير فى الشغل بما كش شويه الاقى حد يقولى الجهاز هنج لما جيت اشغل لعبه او اى ابلكيشن
او لما بيتقل عليه شويه !!!

الاندرويد عموما بيعلق و بيهنج و كراااش كتييير و كل ده مجرد انك تفتح لعبة >> انا معايا سوني و اندرويد و ده بيحصل معايا شخصيا و مع عدد كبير من اصحابي

يااااااااه ان كان معايا الجالكسى s2 ومكانش بيهنج غير نادرا!!يمكن قصد حضراتكم على الحاجات الضعيفة اللى زى البوكت وال y وال ace والحاجات دى

اتوكل علي الله يا فندم و هات الاي فون
حتتبسط بيه جدا و حتحس بفرق جدا عن الاندرويد
وموضوع الشبكه ده مش حتاخد بالك منه اصلا
انا اول مره اعرف انه عامل قلق لحد اصلا وانا معايا التليفون من سنتين
بس حاول تجيب حاله محترمه

بأذن الله هجرب الاربع وربنا يسهل

بس محدش قاللى اعرف منه مفتوح رسمى او مفتوح على شبكة معينه او شغال بجيفى سيم؟؟
وعايز اعرف كمان لو 16 جيجا هيكون صافى المساحة الباقيه ليا استخدمها هتكون قد ايه؟؟

فى الاندرويد لو 16 جيجا ممكن الباقى ليا 14 جيجا مثلا بعد مساحة السيستم