اجراءات استخراج الباسبور

[hugan]

الاخوه الافاضل
ياريت اعرف بالنفصيل اجراءات استخراج الباسبور
والتكاليف
قديما كان عندي باسبور من اكتر من 15 سنه وانتهي
وكان لازم ختم النسر بضمان اثنين موظفين
الاجراءات اتغيرت ولا لسه علي قديمه

[dedi]

على حسب معلومتى و ما اتذكر
لو خريج لازم يكون الشهادة معتمدة من التعليم العالى و لو موش معتمدة شهادة الثانوية العامة تنفع و دةة للضمان على الجواز السفر

[Y a r i s]

هيا الاجرائات بقت اسهل دلوقتي عن زمان
يعني هات صورة البطاقة. +شهادة الميلاد + صورة من المؤهل الدراسي زائد الاصل للاطلاع عليها + مش فاكر ست صور ولا سبعة ولا اتنين صورة شخصية بخلفية بيضاء. اربعه في ستة + شهادة التجنيد بتاعتك وصورة منها وبس

التكلفة. على ما اتذكر. الجواز الجديد الصغير تقريباً ب ١٢٥ جنية فقط
المفروض انو بيخلصوه في يومين. بس نظراً للظروف المهببة انتا وحظك مرات بيخلص في اسبوع ومرات بياخود ١٥ يوم على حسب مجمع التحرير متحاصر ولا لأ :). مع اني لغايت دلوقتي معرفش ايه علاقت مجمع التحرير بالموضوع. :) وتحياتي وبالتوفيق

[hugan]

على حسب معلومتى و ما اتذكر
لو خريج لازم يكون الشهادة معتمدة من التعليم العالى و لو موش معتمدة شهادة الثانوية العامة تنفع و دةة للضمان على الجواز السفر

جزيل الشكر

هيا الاجرائات بقت اسهل دلوقتي عن زمان
يعني هات صورة البطاقة. +شهادة الميلاد + صورة من المؤهل الدراسي زائد الاصل للاطلاع عليها + مش فاكر ست صور ولا سبعة ولا اتنين صورة شخصية بخلفية بيضاء. اربعه في ستة + شهادة التجنيد بتاعتك وصورة منها وبس

التكلفة. على ما اتذكر. الجواز الجديد الصغير تقريباً ب ١٢٥ جنية فقط
المفروض انو بيخلصوه في يومين. بس نظراً للظروف المهببة انتا وحظك مرات بيخلص في اسبوع ومرات بياخود ١٥ يوم على حسب مجمع التحرير متحاصر ولا لأ :). مع اني لغايت دلوقتي معرفش ايه علاقت مجمع التحرير بالموضوع. :) وتحياتي وبالتوفيق

شكرا ياريس باشا
يعني مفيش ختم نسر علي الاستمارات

[Y a r i s]

لا ياباشا هيا الاستمارة بتملاها حتى وانتا واقف هناك. وصلى الله وبارك
سهله يعني الاجرائات. ... الصعوبة كلها. بقه انك تاخود التاشيرة او الفيزا. او حتى. عمل تصاريح العمل اما غير كده انشاء الله. سهل وموفق بإذن الله

[Ahmed_Adham]

اثبات المؤهل مش مطلوب لو مثبوت في الرقم القومي. شهاده الجيش مطلوبه وتكون ساريه والرقم القومي ومش فاكر كام صوره خلفيه بيضا والاستلام في معظم الاماكن بعد 3 أيام عمل.

[mr_safwt]

انا لسه مطلعة من اسبوعين
هتحتاج صورة البطاقة والاصل للاطلاع وصورة شهادة التجنيد وتاخد معاك الاصلية للاطلاع وتلاثه صور خلفية بيضاء و135 جنية واستمارة مجانية هتاخدها من هناك وتملاها وهم ها يمضوا عليها
والاستلام بعد اربع ايام

[أحمد كمال]

1- لو معاك جواز سابق حتى لو منتهي لازم تاخده معاك (أصل للاطلاع + صور ضوئية من صفحة 2 الى صفحة 9)

2- بطاقة رقم قومي سارية (أصل للاطلاع + صورة ضوئية)

3- عدد 3 صور فوتوغرافية بخلفية بيضاء مقاس 4 في 6

4- لو الموقف التجنيدي مختلف عن جواز السفر السابق (يعني كنت معفي مؤقت او مؤجل لك و تم تجديد الاعفاء او تم تحويله لاعفاء نهائي ..... او كنت تحت استدعاء الاحتياط و تم خروجك من الاحتياط الخ الخ) يلزم احضار اصل الموقف التجنيدي للاطلاع + صورة منه

لو لم يتغير (كنت معفي نهائي في الجواز السابق) لا يلزم احضاره

5- يتم اثبات المهنة بنفس مهنة بطاقة الرقم القومي


6- لا يتم شراء استمارات و ختمها و توقيعها كما سبق بل يتم الحصول عليها مجانا في مكتب الجوازات و ملئها و تسليمها هناك

7- الرسوم 135 جنيه و لا يوجد مستعجل ....... و التقديم في قسم الجوازات التابع له عنوان بطاقتك


بالنسبة للاخ ياريس ....... مطبعة الجوازات مكانها في مجمع التحرير لذلك كل ما البهوات بيقفلوا المجمع اصدار الجوازات بيتعطل لانك لو مقدم عالجواز من العباسية او مدينة نصر او حتى اسوان و الاقصر او حتى مقدم من سفارة مصرية بالخارج, لازم الطلب يروح يتنفذ في المجمع و الجواز يتطبع هناك و يرجع لمكان الطلب يتسلم

[hugan]

ربنا يخليكم
شكرا لكم جميعا