فلتذهب الكره الي الجحيم

[amir]

من غير تعصب قبلي احمق نهي عنه الاسلام اللي هو دينا
من غير تحيز اعمي و تفرقه بين الناس و الجيران بل افراد العيله الواحده
من غير وجع قلب و حرق اعصاب و خناقات في الشوارع و المقاهي و تلفيات في ممتلكات الناس
من غير كل ده احب اناقش معهاكو كارثه الكوره المصريه
و احب اوضح اني مش اهلاوي او زملكاوي و مبحبش الكوره اساسا ولا تشكل لي اي اهتمام اللهم سوي معرفه النتيجه.
لسه كنت قاعد علي كافيه مع الاصدقاء و كان التلفزيون شغال كعادته في بث المعلومات المضلله الكاذبه (قناه مصري بس علي الدش) المهم و في خلال لحظات صمت بينا ركزت مع صوت المذيع و كان بيتكلم في برنامج تالك شو تقريبا المهم واحد من المتصلين كان بيتكلم في ايه بقي؟
بسلامته شايف ان ال art دوله داخل دوله و ان الحكومه لازم تتدخل و ان الاهلي نادي عظيم( العظمه لله ) و من حق جمهوره يتفرج........
و هنا جن جنوني المزمن علي الموضوع ده
البيه شايف ان الاشتراك غالي و ان الشعب المصري بشقيه الزمالكاويه و الاهلويه من حقهم انهم يتفرجو
يا اخي روح شوفلك شغلانه تأكل بيها عيالك
منطق مريض و مذيع اكتر مرضا
لأن بنفس المنطق نطلب من الحكومه تستولي علي توكيل bmw لأن اسعار عربياتهم غاليه و احنا عايزينها و امثله اخري كتير
و حاجه كمان احب اقولها لجمهور الاهلي:
انا مش مفتي ولا شيخ بس مقوله الاهلي فوق الجميع اللي جهابذه الاهلي طلعو علينا بيها و كأنها الخلطه السريه دي اظنها حرام في رأيي الشخصي لأن الله العظيم هو فوق الجميع و بلاش التكبر يوصل للمدي ده
و بعدين اهلي ولا زمالك بلا نيله بجد لا ده ولا ده جابولنا كاس العالم هما بس شويه انتصارات هزيله قصاد بعض علي المستوي المحلي و فضايح قصاد العالم
و مرتبات و فلوس و هدايا و ناس مش لاقيه علاج مرميين في المستشفيات الحكوميه مستنيين فرج الله
بجد يا جماعه في حاجات غايه في الحزن و البؤس و اللي مش مصدق يدخل اي مستشفي حكومي عام و يتجول جوه شويه(ده اساسا لو طاق ريحه العرق و المرض) و بعد كل ده ييجو للاعبين و يدوهم فلوس و هدايا و ده يصرف مكافأه بالالاف و التاني معرفش يعمل ايه طب و الناس اللي مش لاقيه حق التذكره و تتسوله او تستعطف الاطباء و التمريض انهم يتغاضو عن قطع التذكره و علاجهم بالمجان (عارفين بكام التذكره دي؟؟؟؟؟؟؟؟ بجنيه واحد فقط لاغير و في مستشفيات بجنيه و ربع!!!!!!!!!!!!!)
في نفس الوقت اللي بسمع و الناس بتسمع ان المدرب معرفش مين بياخد مرتب معرفش كام في اليوم نظير تدريبه لفريق الكوره و بعدين كوره ايه اللي الناس مقتنعه انها رياضه بيمارسها الشعب كله؟
دول 11 لاعب و ملايين بيتفرجو من امام شاشات التلفاز و اقصي حاجه ممكن تحصل للمشاهد هي ازمه قلبيه نتيجه التعصب او سرطانات نتيجه التدخين الشره او عاهه مستديمه نتيجه خناقه بين مشجعي الطرفين
و في الاخر تيجي تحسبها بالعقل انت استفدت ايه؟؟؟؟؟
حد خبط علي باب بيتك و اداك الف جنيه لأنك اكتر واحد نطيت من كرسيك و صوتك جلجل لما فريقك جاب جون؟؟
بالذمه ده كلام او دي اخلاق رياضيه

بغض النظر عن انتمائك الكروي شارك برأيك

[wawoo]

و في الاخر تيجي تحسبها بالعقل انت استفدت ايه؟؟؟؟؟


[/COLOR][/SIZE]

مبريات الكرة كلها اثارة و تشويق , ومتعة فنية و انت بتتفرج كدة على االعيبة و هى بتلعب و تشوف الفن فى الاجوان , بالضبط زى ما بتتفرج على محمود عبد العزيز و هوة بيمثل او احمد زكى
فى متعة معينة فى عدم التوقع لماذا سيحدث . علماء النفس يقدرو يفيدونا فى دة بس المفجئات فى المباريات ليها اثار نفسة ايجابية و سلبية , و هى دى متعة كرة القدم و اى مبارة .
هى بتبقى خلطة كدة على بعضها مقدرش اقولك اية اللى بيحصل بالضبظ , بس تقدر تقول هو دة سحر كرة القدم , و سحر الملايين اللى بتدفع فيها .
طبعا بما ان حضرتك لم تتذوق هذا السحر بيقى كل الكلام اللى فات دة مش حيفيدك قوى , هى ازواق فى النهاية , يعنى انا مثلا بالنسبة لى السجائر مثلا فتلذهب اللى الجحيم , اية المتعة فى انك تتحول الى مدخنة , انما زى ما قلتلك هى ازواق فى النهاية و الناس فيما يعشقون مذاهب.

[amir]

الناس فيما يعشقون مذاهب.

فعلا صح كلامك

[MTAK]

تعليق اكتر من اننا اللى خليناهم كده
ليه لا يوجد لدينا ثقافة الاستغناء

على فكرة انا اهلاوى جدا و بحب اتفرج على كل الماتشات بس يا جدعاااااان مش للدرجة اللى يتحرق فيها دمك و ضغطك يعلى علشان مش هاتشوف الماتش ده او حتى الماتشات كلها .
و نرجع بعد كده نقول دى مش كورة و فين ده من ماتش برشلونه و ريال مدريد و الحاجات دى
انا عارف ان ده متنفس للناس و الى اخر الكلام بس صدقونى كل ده كلام استهلاكى نجحوا فى اقناعنا به
و الله المستعان
-----------------
منقول من مشاركة لى لها صلة بنفس الموضوع

[shady_elkady]

كورة اة و قرف اة اة التفاهة دة

[Islam_galal]

أنا باتفرج علي الكرة أحيانا
إنما اللي بيحصل الآن في المجال الكروي هو سياسة الإلهاء
و اهي الناس بتتلهي فعلا

[ams]

انا لا احب الكره ولا اكرهها
بس فى بلدنا العزيز هى جزء لا يتجزا من ثقافتنا
يعنى لو مكنتش على وعى و لو بسيط بالاحداث الكروية هتبقى جاى من عالم تانى و التواصل بينك وبين الناس هيقل
زى برضه ثقافة الشاى اللى على الصبح او النسكافيه حاجه مبحبهاش و لكنى بطلت ارفضها
على فكره انا كمان ما بحبش العربيات
ممكن اكون بحب الميكانيكية بتاعتها-قصدى كيفية العمل مش الصنيعيه- لكن هى بالنسبه لى اداة بتنقلنى من مكان لاخر و ممكن يبقى فيها بعض التسليه
لكن برضه هى جزء من ثقافتنا لازم الولاد يحبوا العربيات والمسدسات و الكوره والبنات تحب العرايس واللبس و التسوق و (العياط)

[amir]

انا لا احب الكره ولا اكرهها
بس فى بلدنا العزيز هى جزء لا يتجزا من ثقافتنا
يعنى لو مكنتش على وعى و لو بسيط بالاحداث الكروية هتبقى جاى من عالم تانى و التواصل بينك وبين الناس هيقل
زى برضه ثقافة الشاى اللى على الصبح او النسكافيه حاجه مبحبهاش و لكنى بطلت ارفضها
على فكره انا كمان ما بحبش العربيات
ممكن اكون بحب الميكانيكية بتاعتها-قصدى كيفية العمل مش الصنيعيه- لكن هى بالنسبه لى اداة بتنقلنى من مكان لاخر و ممكن يبقى فيها بعض التسليه
لكن برضه هى جزء من ثقافتنا لازم الولاد يحبوا العربيات والمسدسات و الكوره والبنات تحب العرايس واللبس و التسوق و (العياط)

ايه الفلسفه القويه دي

[MoToRiZeR]

الكرة في بلدنا و الله مأساة

الواحد ممكن يتهاون في حقه و يبقي واخد علي قفاه من طوب الأرض و مش لاقي ياكل و عياله هيموتوا من الجوع بس لا يمكن يفوت ماتش الأهلي و الزمالك !

و منتخبنا يفوز بالكأس .. و المانشيتات و البرامج تطلع تعلن بفخر .. أن كرة القدم هي المتعة الوحيدة للإنسان المصري .. و كأنها حاجة تدعو للفخر !! انا شايف إنها حاجة تخلينا نتكسف و نتنيل علي خيبتنا !!

و بعديها ندي مكافأت بالملايين .. و اللاعبين يعيشوا ملوك .. و احنا عندنا قري حتي الان لم تدخلها المياه الصالحة للشرب

و ساعة الماتشات تلاقي الناس كلها عالقهوة الكبار قبل الصغيرين .. بجد شئ محزن

[iBiZa]

الاهلي فوق الجميع

انا فعلا الجملة دية بتحرق دمى.

و بعدين اهلي ولا زمالك بلا نيله

انا ماليش اوى فى الكرة بصراحة بس لما بشوف ماتش من الماتشات الاوروبى بحزن و اقول امال اهلى اية و زمالك اية دحنا كدة بالنسبالهم ما جبناش كرة شراب.

و بعدين ملاحظة فى اللعيب المصرى ان نفسة قصير جدا {من السجاير و الشيشة و سهر حتى الفجر مع ال.....} يعنى ماتش مصرى كان بيقولك متوسط جرى اللعيبة 7 او 8 كيلو بينما فى الاوروبى تلاقيهم بيتكلموا فى 14 و 16 كيلو.

[hazem_khidr]

و انا معاك
مافيش حاجه محتاجه للتعصب
اللي يغيظك الناس تقعد تشجع و يتحرق دمها و في الاخر مافيش عائد مادي او معنوي بيدخلهم .
هما يشجعوا و الفريق يكسب و ياخد فلوس و بس علي كده !!!!!!!!!

[M_HaFeZ]

للمره المليون حد جرب يتفرج على اى دورى اوروبى ولسه بيتفرج على الحاجه اللى اسمها كوره فى مصر ..!!!!
بجد مش ممكن مدى ارتباط الناس بكوره مالهاش الى لازمه
لاعيبه مالهاش كلمه ومبدأها الفلوس .. كوره عقيمه متخلفه

[Goodle]

للمره المليون حد جرب يتفرج على اى دورى اوروبى ولسه بيتفرج على الحاجه اللى اسمها كوره فى مصر ..!!!!

عاجباني اوي الجملة دي :)