لا تغضب

[nona_yaris]

من ركـــــــل القطـــــــة ؟

وقبل أن تجيب على السؤال .. اسمع القصة كاملة

كان يعمل سكرتيرًا لمدير سيئ الأخلاق .. لا يطبق مهارة واحدة من مهارات التعامل مع الناس

كان هذا المدير يراكم الأعمال على نفسه .. ويحملها ما لا تطيق..
صاح بسكرتيره يومًا .. فدخل ووقف بين يديه .. قال:تفضل؟

صرخ به: اتصلت بهاتفك ولم ترد
قال: كنت في المكتب المجاور .. آسف

قال: بضجر: كل مرة آسف .. آسف .. خذ هذه الأوراق .. ناولها لرئيس قسم الصيانة وعد بسرعة

مضى السكرتير متضجرًا .. وألقاها على مكتب رئيس قسم الصيانة .. وقال: لا تؤخرها علينا

تضايق الرجل من أسلوب السكرتير وقال: طيب ضعها بأسلوب مناسب..
قال: مناسب.. غير مناسب .. المهم خلصها بسرعة

تشاتما حتى ارتفعت أصواتهما .. ومضى السكرتير إلى مكتبه

بعد ساعتين أقبل أحد الموظفين الصغار في الصيانة إلى رئيسه وقال: سأذهب لأخذ أولادي من المدرسة وأعود

صرخ الرئيس: وأنت كل يوم تخرج
قال: هذا حالي من عشر سنوات .. أول مرة تعترض عليّ
قال: أنت لا يصلح معك إلا العين الحمراء .. ارجع مكتبك

مضى المسكين على مكتبه متحيرًا من هذا الأسلوب.. وصار يجري الإتصالات يبحث عمن يوصل أولاده من المدرسة إلى البيت ..حتى طال وقوفهم في الشمس .. وتولى أحد المدرسين إيصالهم

عاد هذا الموظف إلى بيته غاضبًا
فأقبل إليه ولده الصغير معه لعبة .. وقال: بابا.. هذه أعطانيها المدرس لأنني.... !!ا

صاح به الأب : اذهب لأمك.. ودفعه بيده

مضى الطفل باكيًا يمشي إلى أمه فأقبلت قطته الجميلة تتمسح برجله كالعادة .. فركلها الطفل برجله فاصطدمت بالجدار

والسؤال من ركل القطة؟
.
.
.
والآن هل عرفت الإجابة؟؟؟

م ن ق و ل ة

[ahmedhossam86]

محمد مرسي العياط.. هههه.. هو سبب البلاوي اللي احنا فيها دي..

اه والله، اه والله، اه والله

[nona_yaris]

محمد مرسي العياط.. هههه.. هو سبب البلاوي اللي احنا فيها دي..

اه والله، اه والله، اه والله

والله فكرة
ممكن بردو يكون مرسي هو الي شاط القطه

عموما طالما اقسمت بالله فأنت مسئول عن قسمك

[ahmedhossam86]

واحد بسبب سياسته الشعب كله كفران.. غلاء، انقطاع ماء و كهرباء، انهيار للعملة.. حضرتك عارفة ان كيلو الطماطم في اسوان وصل ل 12 جنيه.. في انواع خضروات و فاكهة مش متواجدة في الاقصر.. حضرتك عارفة ان الدولار النهاردة في السوق السوداء بتسعة جنيه؟ اعتقد اي مواطن بيحسبن في سره علي الحكومة و رئيسها

[nona_yaris]

الدولار ب 7.95 مش ب 9
ومش اي مواطن بيحسبن
انت بتحسبن عليهم لكن انا بادعيلهم ربنا يعينهم على خير البلد
( لو كان لي دعوة واحدة لأدخرتها للحاكم لأن في صلاحه صلاح للامة وفي فساده فساد للامة ) دي مقولة لاحد الأئمة مش فاكرة اسمه

[S O P H O S]

بلاش الاجتماعي يتجه ناحية احوال الشارع المصري
الا لو انا فهمت الموضوع غلط ..

[nona_yaris]

بلاش الاجتماعي يتجه ناحية احوال الشارع المصري
الا لو انا فهمت الموضوع غلط ..

القصة الرمزية دي منقولة من الفيسبوك وواضح ان اللي كاتبها مش مصري
يعني مش بترمز لأي طرف سياسي
الاستاذ احمد هو اللي اقحم مرسي في القطة
انا اصلا مش باتكلم في السياسة وباحاول احتفظ برأيي لنفس قدر ما اقدر

[ahmedhossam86]

الدولار ب 7.95 مش ب 9

لأ بتسعة حضرتك.. اتفضلي من جرنان الحكومة

حمدي عبد العظيم : الدولار في السوق السوداء وصل إلي 9 جنيهات - بوابة الشباب

[S O P H O S]

بالتأكيد انا مش بتدخل فالنقاش
ولكن الموضوع بيتحول وكأنه فاحوال الشارع المصري
وكده هيفقد الغرض منه فأعتقادي ..

[Imhotep]

القصص اللى زى دى بيبقى الهدف منها انها تشرح تسلسل من الاحداث كل حدث فيه يترتب على الاخر و بالتالى اذا اختلف المسبب الاصلى للتفاعل المتسلسل ده من الاحداث ممكن النتيجة النهائية تختلف تماما فى النهاية..... و بكده تبقى اتضحت لكل واحد نتيجة افعاله عشان يتحمل مسئولية تصرفاته..... و لو تتبعنا تسلسل الاحداث فى القصة هنلاقى ان المدير الكبير هو المسئول عن ركل القطة..... لانه هو اول واحد اساء معاملة مرؤوسيه المباشرين فأستمرت السلسة الى ان انتهت للولد الذى اساء فى النهاية معاملة الحيوان المسكين الذى لا ذنب له فى سلسلة الاساءة للمعاملة التى تعرض لها كل من سبقوه.....

[abdoumahros]

مع كل احترامي

الدولار ب 7.95 مش ب 9
ومش اي مواطن بيحسبن
انت بتحسبن عليهم لكن انا بادعيلهم ربنا يعينهم على خير البلد
( لو كان لي دعوة واحدة لأدخرتها للحاكم لأن في صلاحه صلاح للامة وفي فساده فساد للامة ) دي مقولة لاحد الأئمة مش فاكرة اسمه

رئيس الجمهوريه هوا المسئول عن كل الاحداث لانه لايحترم القانون ويكيل بمكيالين واحد للشعب والاخر لجماعته
واحنا قدام احتمالين مالهومش تالت الاول انه وحكومته وجماعته المتسببين في الاوضاع الكارثيه اللي مصر فيها والاحتمال التاني انه موش قادر يسيطر علي البلد ( بالقانون ) والموضوع اكبر من امكانياته واعتقد كلا الاحتمالين يؤدوا لنفس النتيجه انه لايصلح لقياده دوله زي مصر
اما الدولار موش موجود اصلا لا في البنوك ولا السوق السودا والمصانع بتتوقف علشان موش عارفين يستوردوا خامات ولا قطع غيار وبالمعدل ده 3-4 شهور وخلاص
اللي موش مصدق ينزل المناطق الصناعيه العاشر- اكتوبر- السادات ويتاكد بنفسه
واخيرا احترامي لك شخصيا ولرايك بس بجد لو الدعوات تنفع معاه كنت اعتكفت في الجامع شهر وادعيله

[mo3tazanas]

من ركـــــــل القطـــــــة ؟

وقبل أن تجيب على السؤال .. اسمع القصة كاملة

كان يعمل سكرتيرًا لمدير سيئ الأخلاق .. لا يطبق مهارة واحدة من مهارات التعامل مع الناس

كان هذا المدير يراكم الأعمال على نفسه .. ويحملها ما لا تطيق..
صاح بسكرتيره يومًا .. فدخل ووقف بين يديه .. قال:تفضل؟

صرخ به: اتصلت بهاتفك ولم ترد
قال: كنت في المكتب المجاور .. آسف

قال: بضجر: كل مرة آسف .. آسف .. خذ هذه الأوراق .. ناولها لرئيس قسم الصيانة وعد بسرعة

مضى السكرتير متضجرًا .. وألقاها على مكتب رئيس قسم الصيانة .. وقال: لا تؤخرها علينا

تضايق الرجل من أسلوب السكرتير وقال: طيب ضعها بأسلوب مناسب..
قال: مناسب.. غير مناسب .. المهم خلصها بسرعة

تشاتما حتى ارتفعت أصواتهما .. ومضى السكرتير إلى مكتبه

بعد ساعتين أقبل أحد الموظفين الصغار في الصيانة إلى رئيسه وقال: سأذهب لأخذ أولادي من المدرسة وأعود

صرخ الرئيس: وأنت كل يوم تخرج
قال: هذا حالي من عشر سنوات .. أول مرة تعترض عليّ
قال: أنت لا يصلح معك إلا العين الحمراء .. ارجع مكتبك

مضى المسكين على مكتبه متحيرًا من هذا الأسلوب.. وصار يجري الإتصالات يبحث عمن يوصل أولاده من المدرسة إلى البيت ..حتى طال وقوفهم في الشمس .. وتولى أحد المدرسين إيصالهم

عاد هذا الموظف إلى بيته غاضبًا
فأقبل إليه ولده الصغير معه لعبة .. وقال: بابا.. هذه أعطانيها المدرس لأنني.... !!ا

صاح به الأب : اذهب لأمك.. ودفعه بيده

مضى الطفل باكيًا يمشي إلى أمه فأقبلت قطته الجميلة تتمسح برجله كالعادة .. فركلها الطفل برجله فاصطدمت بالجدار

والسؤال من ركل القطة؟
.
.
.
والآن هل عرفت الإجابة؟؟؟

م ن ق و ل ة

الفلول ...!!!!!
مش دى الشماعةاللى احنا بنرمى عليها

[yousef1978]

تحياتي لصاحبة الموضوع الرائع



أنا خلاص بأفكر أغير الجنسية بتاعتي لأي جنسية تاني في العالم - حتى ولو اضطريت أبدلها بالجنسية الألمانية أو البريطانية والسلام



90 % من المصريين و85 % من العرب بصفة عامة ما يعرفوش يعيشوا من غير عصبية وقرفنه وأي واحد عيالة ضاربينه بالليل زي ما بيقولوا ييجي يتكلم بنرفزة وضيق وقلة ذوق معانا بالصبح


ده غير طولة البال اللي ما نعرفش عنها حاجة



المصري الوحيد اللي بأشوفه يزعق في العمال بسبب وبدون سبب وسواء من صلاحياته أو الموضوع مش تبعه

المصري الوحيد اللي لما يكون زعلان من العربية ولا الجزمة ضيقة عليه يقلب وشه مش في وش الجزمة ولكن في وش كل واحد بيتعامل معاه ماعدا المديرين يدخل عليهم وشه يتفرد ويمثل دور البطولة


تدخل أي ماركت تقلب براحتك في الهدوم يمين وشمال وتفتح الأكياس اللي على هواك والموظف بيراقبك من بعيييييييد علشان لو إحتاجته ما تندهش عليه تلاقيه جاييلك هوا

لو البياع مصري تعرف علطول إنك أول ما تمسك في قطعة ملابس مجرد تبص عليها تلاقيه لزقلك ويقولك لحظة لو سمحت خليني أفتحهالك حضرتك عاوز مقاس كام - وبعد خمس دقايق تلاقيه زهق ووشه قلب وخلقه ضاق وإما تشتري أو تمشي بسرعة او تجد ما لا يحمد عقباه


يا عااااااااااااااالم يا هو إحنا ما نقدرش نعيش من غير عصبية ونقابل بعض بوش سمح وطلق




الله - انتوا هتخلوني أتنرفز ع الصبح ولا إيه ههههههههههههههه




.

[Khaled Seif]

( لو كان لي دعوة واحدة لأدخرتها للحاكم لأن في صلاحه صلاح للامة وفي فساده فساد للامة ) دي مقولة لاحد الأئمة مش فاكرة اسمه

بسم الله والحمد لله والصلاة والسلام على رسول الله

الأخت الفاضلة جزاكم الله خيرا على نقل القصة المعبرة وعلى مشاركات حضرتك المتزنة - بسم الله ما

شاء الله لا قوة إلا بالله - في ردود حضرتك على الزملاء

وبالنسبة لقائل هذه العبارة هو الفضيل بن عياض رحمه الله - والله أعلم

[mado83]

الدولار ب 7.95 مش ب 9
ومش اي مواطن بيحسبن
انت بتحسبن عليهم لكن انا بادعيلهم ربنا يعينهم على خير البلد
( لو كان لي دعوة واحدة لأدخرتها للحاكم لأن في صلاحه صلاح للامة وفي فساده فساد للامة ) دي مقولة لاحد الأئمة مش فاكرة اسمه

حضرتك عارفه الدولار بكام فى البنك ومش موجود
6.83 وارتفع من كام من 5.83
النهضه اباده شعب