غريب في بلاد غريبة ! ... موضوع سياحي ترفيهي داخل مصر !

[CryptonX]

السلام عليكم !

كان نفسي ابدأ هذا الموضوع في ظروف افضل ... لكن واضح ان الظروف دي حتبقى "المعتاد" بتاعنا لاجل غير مسمى ..


انا للاسف معلموماتي عن محافظات مصر مثل معلوماتي عن ولايات اليابان !


مثلا بداعي العمل ... اول مرة ازور "سموحة" ... الي هي انا نفسي لا عارف هي حي ولا مدينة ولا ايه :) في منطقة جرين بلازا ... الواحد معتبر ان القاهرة دائما انضف و اشيك الخ الخ ..


اكتشفت اني غلطان !! قضيت 3 ايام في اسكندرية كاملين ... يوم في سموحة و يوم في سيدي كرير و يوم على الكورنيش امام المكتبة ! بصرف النظر عن الزحمة و السواقة "الغير اعتيادية" من اخواتنا صحاب ال 4 ارقام و 3 حروف :) (ساعات كنت بحس ان لما واحد بيشوف نمرتي من القاهرة بيتعمد يرخم عليا ...)


كانوا احلى 3 ايام عمل في حياتي :) طبعا كان في صحبة من الاصدقاء .. و سهرة شبه صباحية في قهوة فاروق ! و طبعا اكلة سمك في بلبع !! (اول مرة اشوفه او اسمع عنه) ...


حسدت الاسكندرانية و انا مروح والله :)


ياترى في ايه تاني في اسكندرية ... يتراح ... مع الصحبة او مع المدام !!


ومين عنده تجارب في محافظات اخرى شبيهة ؟؟؟


و سيبكم من الهم بقى شوية ...

[ياسر مصطفي]

موضوع جميل بصراحه انا بعشق اسكندريه وجوها واهل وبحرها . ومع ذالك رحت هناك مرة واحدة فقط في حياتي

كانت مقابلة للأصدقاء هناك بس في مشروع اني هروح شهر كامل مع صديق ليا نقضيه هناك

انا كنت عند المكتبة بصراحه حاجه جميله

انا مش هقدر افيدك لاكني متابع ومهتم مثلك

[mado83]

مرسى مطروح حاجه فوق الخيال ولكن ماتروحش بعربيتك علشان المشوار مرهق جد هتبقى عاوز يومين ترتاح من السواقه

[shaddadfalcon1]

قضي كمان اسبوعين وانت تكره نفسك من الزحمه واحنا لسه كمان موصلناش الصيف

[أبو صلاح]

بلطيم

واستمتع

[ahmedteam]

مرسى مطروح سحر و بحر نظيف و جمال طبيعى سبحان الله

[S O P H O S]

اسكندرية جميلة وخصوصا فالشتاء
وعن تجربة سنين بروح فالشتاء اكتر من الصيف

[mostafa mahmod]

بلبع ؟؟؟
اين هذا البلبع قولى ارجوك
انا لما بروح اسكندريه السمك ياما من حوده جوندل او الاكتع
يا ريت بقى تقولى فين بلبع ده علشان نجرب
اما بمناسبه اليكس و كده فبجد هى عروس البحر المتوسط - بس متروحهاش فى الصيف :p -

[MohssenRashed]

بلبع ؟؟؟
اين هذا البلبع قولى ارجوك
انا لما بروح اسكندريه السمك ياما من حوده جوندل او الاكتع
يا ريت بقى تقولى فين بلبع ده علشان نجرب
اما بمناسبه اليكس و كده فبجد هى عروس البحر المتوسط - بس متروحهاش فى الصيف :p -

بلبع في الداون تاون قدام كارفور مدخل الاسكندرية

[ABO MALEK]

بلبع ؟؟؟
اين هذا البلبع قولى ارجوك
انا لما بروح اسكندريه السمك ياما من حوده جوندل او الاكتع
يا ريت بقى تقولى فين بلبع ده علشان نجرب
اما بمناسبه اليكس و كده فبجد هى عروس البحر المتوسط - بس متروحهاش فى الصيف :p -

بلبع فى سيدى بشر _ملك حفنى بحرى السكة الحديد بجوار حى المنتزة.
أهلا بكم فى إسكندرية

[reda elgohary]

قضيت سنين ف أليكس ،،هى أجمل بكثير ف الشتاء ،،بس مطروح ممتازة ومعظم أهل الاسكندرية بيروحو مطروح ،،ولو معاك عربية وحابب تتفرج عالجمال روح الفيوم ،،ولو ف الشتاء روح الواحات ناسها زي الصحابة وعهد الآتقياء ،،ربنا يبارك ف كل المسلمين.

[hossam_elwani]

اسكندريه جميله مفيش كلام بس كانت اجمل من 5 او 6 سننين كان لسه فيه تجديد وصيانه لكل حاجه دلوقتى عليه العوض وعلى الرغم من ان حسن البرنس قايم بنشاط وجهود كبيره فى اسكندريه ولكن اهمال قبل الثوره وخصوصا كمان بعد الثوره خلى الى بيعمله مايظهرش بسهوله للناس

وكله كوم والزخمه كوم بقت لا تطاق

اه فين زمان اسكندريه وفضا اسكندريه

[youssef_u]

آآآآآه بلبع احسن سمك و مشاوي !! واطلع ع كارفور اتسوق بعديها خد مخالفة عالصحراوي :)

[alking_2006]

جرب تاكل فى قدورة بتاع السمك على الكورنيش قبل قلعة قايتباى بشوية
تحفففففففففة بجد احلى مطعم اكلت فيه سمك

[shaddadfalcon1]

للأٍسف بتوع الغاز منهم لله بهدلو كل الطرق