PayPal فتح فى مصر

[khaled_sabry]

اصدقائى الديفولبرز PayPal فتح فى مصر
انا بصراحه كنت متوقع ان الخبر ده يكسر الدنيا (على الاقل فى وسط مبرمجى المواقع ) لأن ده ببساطه حيتيح لأى مبرمج يعمل موقع و يتربح منه فى مصر
لأنه كان فى السابق لاتوجد وسيله مباشره لتفعيل e commerce الا عن طريق عمل e payment gateway اللى بيتيحها بعض البنوك
و طبعا بقى البنك مش حيوافق الا على الشركات فقط و لازم تجتاز عده شروط (منها انه يكون مر على انشاء الشركه 10 سنين ... الخ) - يعنى معنى كده ان اى حد شغال فري لانسر مايحولشى اصلا

طبعا بعد مافتح PayPal يبقى مش حتحتاج غير كارت فيزا او ماستر كارد و خلاص كده

بس الغريب ماحدش اتكلم نهائى على الخبر ده - انا فعلا دخلت الناهرده و سجلت عليه و اتكأدت ان الخبر حقيقى

[kar!m]

يا باشا احما اشتركنا النهاردة الحمد لله

شوف المشاركات الأخيرة في الموضوع ده

http://www.nilemotors.net/Nile/343352-a.html

[Dr_Mido]

دحنا عاملين حفله من ساعه مسمعنا انه هيفتح اساسا

[alexaway]

دا انت جاي متاخر يا استاذ خالد , دا انا سجلت من الساعة 7 الصبح النهاردة
وكتبت موضوع ومكنتش مصدق نفسي بصراحة وانا بسجل :)

http://www.nilemotors.net/Nile/346623-paypal.html

[amrelsaqqa]

بس للاسف الحلو ما يكملش ، الاستخدام للدفع فقط ( ارسال اموال، وليس استقبال اموال ) يعنى مش هنعرف نكسب من وراه ولا حاجة ..

يلا نص العمى ولا العمى كله وان شاء الله يفتح بشكل كامل قريب

انت شغال ويب ديفيلوبر php ولا asp.net

[khaled_sabry]

كل دى مواضع هنا و انا مش واخد بالى
1يبقى انا بقى اللى مش متابع - معلش للوقف احكام بقى
بس هل اكيد انه للدفع فقط ؟؟ اصلى يتهيألى انه مفتوح للدفع من زمان !!
انا لسه مسجل الناهرده و لسه حعمل Confirmللحساب بتاعى - بس ماشفتش حاجه بتدل انه للدفع فقط
بس سخيف اوى لو حيبقى للدفع فقط
انا asp.net على فكره

[amrelsaqqa]

لا يا باشا مش للدفع من زمان ولا حاجة
Egypt ما كانتش في الـ countries اصلا
ومكانش بيقبل اي فيزا مصرية

[smsmxxxxxx]

خبر جميل جدا يا باشمهندس خالد وان شاء الله يفتحوا نظام استقبال الاموال
في طرق تانية لتحصيل الاموال من عملاء بالخارج زى
عمل حساب في بنك فيصل وميزته ان مصاريف فتح الحساب قليلة وبيقبل جميع العملات والطريقة دى بتنفع لو عملاء بيثقوا فيك او انك بتسلم الشغل الاول

ولو بتبيع منتجات او برامج جاهزة يفضل 2co.com و paypal

ولو شغل برمجة وعملاء مش عارفهم وهما مش واثقين فيك يبقي تعاملكم مع طرف تالت مثل escrow.com
علشان تضمن حقك وهما يضمنوا حقهم

ولو بيع دومينات يبقي افضل حاجة sedo.com

[khaled_sabry]

خبر جميل جدا يا باشمهندس خالد وان شاء الله يفتحوا نظام استقبال الاموال
في طرق تانية لتحصيل الاموال من عملاء بالخارج زى
عمل حساب في بنك فيصل وميزته ان مصاريف فتح الحساب قليلة وبيقبل جميع العملات والطريقة دى بتنفع لو عملاء بيثقوا فيك او انك بتسلم الشغل الاول

ولو بتبيع منتجات او برامج جاهزة يفضل 2co.com و paypal

ولو شغل برمجة وعملاء مش عارفهم وهما مش واثقين فيك يبقي تعاملكم مع طرف تالت مثل escrow.com
علشان تضمن حقك وهما يضمنوا حقهم

ولو بيع دومينات يبقي افضل حاجة sedo.com

شكرا على الافاده الرائعه
انا ما اشتغلتش e commerce قبل كده
وجالى مره شغل و كانت عاوز Payment gateway و رحت فعلا لبنك مصر و الموضوع باظ طبعا بسبب البنك لأنه مش بيتعامل مع افراد و لازم شركه مسجله من مده اكتر من 10 سنين و شويه اشتراتاط كده كلاكيع فى الاخر
فشكرا انك جبتلى بدائل للموضوع

[شريف]

موضوع مفيد جدا