200 جنيه مكافأة لطالب بهندسة المنوفية يحطم نسبية آينشتاين

[RIDER 2050]

الحقيقه الواحد مش عارف يقول ايه بس انا هسيب الموضوع هو اللى يتكلم

حصل محمد عيسوى نصر الطالب، بالفرقة الأولى بكلية هندسة شبين الكوم بجامعة المنوفية، عن بحثه "الزمن المطلق والرؤية النسبية والجاذبية"، على جائزة المركز الأول فى مسابقة البحث العلمى، التى نظمتها جامعة المنوفية، وذلك فى حفل أقامته الكلية لتسليم الجوائز.

تناول البحث معارضة علمية صريحة لنظرية النسبية لآينشتاين، ويخالفها بنظرية جديدة، وتم عرضه على لجنة مختصة، وحاز على موافقة لجنة التقييم، وعدد من أعضاء هيئة التدريس بالجامعة، ومنهم "الدكتور قاسم السيد راضى، الأستاذ الدكتور حسام دنيا، الدكتورة ماجدة هانم"، حيث رءوا أن البحث سيكون له صدى علمى واسع، لأنه يناطح أهم النظريات العلمية فى العصر الحديث.

من جانبه، قال الطالب محمد عيسوى نصر، على موقع التواصل الاجتماعى "فيسبوك" إن التكريم جاء بعد رحلة معاناة طويلة ليرى النور، خاصة بعد إهمال الجامعة الشديد له، ولم يأت التكريم على الصورة التى توقعها، مشيراً إلى أن الجائزة "وهى عبارة عن مبلغ مائتى جنيه" لا يمكن أن تكون تكريم لبحث علمى فى بلد يتلمس طريقه للتقدم والنهضة.

المصدر

http://www.youm7.com/News.asp?NewsID=1013953

[mohamed_selim]

ايوه يعنى انت مصدق ولا مش مقتنع ؟
عن نفسى الكلام ده هجص كبير .... لو اشتغلت فى البحث العلمى هتعذف ان مينفعش تقول الكلام اللى فوق ده من غير تجارب و ابحاث كتيره و كان الموضوع سمع فى مجلات علميه ليها تقلها .... غير كده يبقى بحث من نوعية الاخ اللى قطع رجلين البرغوت و لما قاله بخ منطش فكتب ان قطع رجلين البرغوت بيجيبله صمم !

[Eng_Mostafa_89]

مش كل واحد بيعمل حاجة ويتكرم عليها ويناقشها مع دكاترة يبقى هو صح
فى دكاترة كتير جدا فى مصر ومعيدين وصلوا للمرحلة دى بلحفظ واى حد ياكل عقلهم بكلمتين بيصدقوة
ابسط مافيها واحد صاحبي معاه ""برائة اختراع"" لمولد كهرباء من 2006 والمشروع مش مقنع تمام لانة بيضرب نظريات فزيائية كتير جدا ابسطها الطاقة لاتفنى ولا تستحدث من عدم

[youssef_u]

في مصر بيحاربوا الناجح لحد ما يفشل!

[Imhotep]

بيناطح النسبية اللى بقالها اكتر من 100 سنة صامدة و الاكتشافات الحديثة كل شوية بتأكد فرضياتها..... اللى اثبتت من بتاع 100 سنة ان الضوء ممكن ينحنى فى مساره...... جايز

[lanos2004]

حتى لو الكلام دة صحيح
كتير قوى 200 جنيه
هوة كفايه خمسه جنيه وباكو بسكوت

[ehabpopo]

البلد مش فاضية دلوقتى ... ولا بعد عشر سنين حد هايفضالة ... احنا ورانا اعتصامات ومظاهرات ووقف حال كتيييييييير فى البلد ومش فاضيين للمجتهدين الكويسين امثالة ... خلية يخلص الهندسة ويطلع على اى دولة محترمة مستقره بتقدر العلماء ... ولو هو صح ؟؟؟؟ اكيد هانسمع عنة وهايرجع البلد رافع راسة وهو من اكبر العلماء فى العالم ..... ماطلعش صح .. يبقى حلو قوى علية ال 20 جم .... وبس

[mr_vampire]

حتى لو الكلام دة صحيح
كتير قوى 200 جنيه
هوة كفايه خمسه جنيه وباكو بسكوت

وازازة كازوزا عشان يبلع

[RIDER 2050]

ايوه يعنى انت مصدق ولا مش مقتنع ؟
عن نفسى الكلام ده هجص كبير .... لو اشتغلت فى البحث العلمى هتعذف ان مينفعش تقول الكلام اللى فوق ده من غير تجارب و ابحاث كتيره و كان الموضوع سمع فى مجلات علميه ليها تقلها .... غير كده يبقى بحث من نوعية الاخ اللى قطع رجلين البرغوت و لما قاله بخ منطش فكتب ان قطع رجلين البرغوت بيجيبله صمم !

شوف يا استاذ محمد انا مش مقتنع بالكلام اللى ف الموضوع تماما بس وليه لا
وليه منعملش تجارب وابحاث ع الكلام ده ونشجع طالب بالعقليه دى حتى لو ابحاثه دى غلط يبقى انا استفدت بالعقليه دى
وبعدين حضرتك منتظر ان حاجة زى كده تظهر ف مجلات علميه كبيرة ازاى بدون اى مسانده من الجامعه والدوله

مش كل واحد بيعمل حاجة ويتكرم عليها ويناقشها مع دكاترة يبقى هو صح
فى دكاترة كتير جدا فى مصر ومعيدين وصلوا للمرحلة دى بلحفظ واى حد ياكل عقلهم بكلمتين بيصدقوة
ابسط مافيها واحد صاحبي معاه ""برائة اختراع"" لمولد كهرباء من 2006 والمشروع مش مقنع تمام لانة بيضرب نظريات فزيائية كتير جدا ابسطها الطاقة لاتفنى ولا تستحدث من عدم

متفق معاك تماما احنا اساسا فاشلين ف البحث العلمى
بس جايز يكون عنده فكرة جايز يكون جزء من كلامه صح انا دورى ايه انا ادعمه مش اديله 200 ج ومتشكرين يبنى متبقاش تتعب نفسك وتعمل كده تانى

[hussein]

((حصل محمد عيسوى نصر الطالب، بالفرقة الأولى بكلية هندسة شبين الكوم بجامعة المنوفية))
((من جانبه، قال الطالب محمد عيسوى نصر، على موقع التواصل الاجتماعى "فيسبوك" إن التكريم جاء بعد رحلة معاناة طويلة ليرى النور، خاصة بعد إهمال الجامعة الشديد له))
جملتين دونت ميكس

[RIDER 2050]

في مصر بيحاربوا الناجح لحد ما يفشل!

يا ريته ناجح كان عرف يصرف نفسه
انما ده لسه بيتلمس طريقه انا كده بقضى عليه

بيناطح النسبية اللى بقالها اكتر من 100 سنة صامدة و الاكتشافات الحديثة كل شوية بتأكد فرضياتها..... اللى اثبتت من بتاع 100 سنة ان الضوء ممكن ينحنى فى مساره...... جايز

يا باشا ايه المشكله ما فيلكس اثبت خطا نظريه الجذب بتاعه نيوتن
الحاجات دى مش ثوابت وقابله للتغير على مر الزمان

[RIDER 2050]

البلد مش فاضية دلوقتى ... ولا بعد عشر سنين حد هايفضالة ... احنا ورانا اعتصامات ومظاهرات ووقف حال كتيييييييير فى البلد ومش فاضيين للمجتهدين الكويسين امثالة ... خلية يخلص الهندسة ويطلع على اى دولة محترمة مستقره بتقدر العلماء ... ولو هو صح ؟؟؟؟ اكيد هانسمع عنة وهايرجع البلد رافع راسة وهو من اكبر العلماء فى العالم ..... ماطلعش صح .. يبقى حلو قوى علية ال 20 جم .... وبس

يا فندم حتى لو مطلعش صح مفيش حاجة بتيجى من اول مرة لازم نجرب ونفشل هو ده منطق البحث العلمى والتجارب
انما انا اقف جنبه واستفاد بالعقليه مش شرط ف المجال ده ممكن ف اى حاجة تانيه
احنا اساسا ف الضياع

[RIDER 2050]

حتى لو الكلام دة صحيح
كتير قوى 200 جنيه
هوة كفايه خمسه جنيه وباكو بسكوت

انا مش شايف انهم عملوا اكتر من كده

[besso]

يا جماعه لما يبقى ياخد براءه اختراع بالبحث ده نبقى نصدق لكن حتى لو الدكاتره قالوله ان البحث صح
انا اعرف ايه عن الدكاتره دول علشان اصدقهم ولا هما علماء يعنى ماهم من نفس المنظومه ونفس التعليم

ده عامل زى واحد طلع من فتره كبير اخترع محرك يمشى بالهواء وطلع فى التلفزيون على كذا برنامج وطلعت الفكره كلها ان دخل هواء فى الاسطوانات فى المحرك عادى جدا والفكره موجوده على اليو تيوب من زمان بل ومش مجديه كمان
اللى يغيزك بقى فرحه الناس والبرامج والمذيعين اللى المفروض مثقفين مصدقين ويقولو عقولنا كويسه وشبابن زى الفل

من غير حتى ما الراجل يا خد بيه براءه اختراع لا وايه كمان اتقال ان القوات المسلحه هاتتبنى الفكره وتساعده على تطبيقها

!!!!!!!!!!!!!!!!!!!!!!!!!!!!!!!!!!!!!

[Khaled Lanos]

دا الطبيعي في مصر لا جديد :(