فين اعلام اللطم والمندبة من الخبر ده وقبله اول تابلت مصري ؟؟؟

[mr_vampire]

مصر تنتهى من تصنيع أول قطار مترو أنفاق تم تشييده في الهيئة العربية للتصنيع بأيدى مصرية ومعدات مصرية وال...مقرر له العمل على الخط الثالث ( العباسية – العتبة ) وذلك في سابقة هى الأولى من نوعها.

وقد تم تصنيع وتنفيذ هذا القطار بمعدات مصرية تحت إشراف شركة “سيماف” التابعة للهيئة العربية للتصنيع, ,والقطار ذو جودة عالية ومكيف الهواء.
وقام وزير النقل المهندس حاتم عبد اللطيف بزيارة لمصنع إنتاج القطارات "سيماف"، التابع للهيئة العربية للتصنيع بالمنطقة الصناعية بحلوان لمتابعة إنتاج عربات قطارات مترو الأنفاق والسكك الحديدية ودراسة مشاركة الهيئة فى مشروع تطوير سكك حديد مصر التى تعانى من أزمات متكررة.
فيديو الهيئة العربية للتصنيع تصنع أول مترو مصري || ‫بالفيديو الهيئة العربية للتصنيع تصنع أول مترو مصري‬‎ - YouTube

[ياسر مصطفي]

الصورة الأولى للمولود الأول للتابلت في مصر ( اإنار )

سعره فى السوق 1300 و اسمه التجارى inar

انتاج مصنع بنها للالكترونيات

[aminibrahim]

أن شاء الله خير وربنا يبارك في كل بناء

[Dr.A.Nabil]

لا حياة لمن تنادي

[Imhotep]

مؤكد طبعا هتتجاب اخبار عنه و هيستضيفوا المسئولين عن التصنيع. . . و مننساش ان الاعلام عامل زى المراية. . . بيعكس اللى بيحصل و يمكن بيركز عليه اوى احيانا. . . لكنه فى النهاية لا يصنع الصورة الاصلية التى يعكسها. . . و طبعا هم عارفين كويس انهم لو ركزوا على السلبيات بس الناس اللى بتتفرج عليهم هتكتئب و تبطل تتفرج و بالنالى الاعلانات مصدر رزقهم الرئيسى هيتأثر. . . و ده طبيعى انه مش من مصلحتهم انه يحصل و الا اجورهم هم كمان هتتأثر. . . من الاخر الاعلام حجة ظريفة لطيفة . . . بس للبليد

[S O P H O S]

شكله جميل
اتمني ينجح فعلا ..

[sherif222]

وبعدين يتريقوا ويقولوا اننا بنقول عليهم اعلام مضلل ... منهم لله

[sherif222]

[QUOTE=ياسر مصطفي;3874920006][B] الصورة الأولى للمولود الأول للتابلت في مصر ( اإنار )

سعره فى السوق 1300 و اسمه التجارى inar

انتاج مصنع بنها للالكترونيات


والله الواحد يشجع منتج بلده ... تعرف حضرتك مواصفاته ايه وبيتباع فين ؟؟؟!!!

[Ahmed_selmy]

انا بردوا عايز اعرف بيتباع فين.

[nona_yaris]

ياريت نعرف مواصفاته بالتفصيل اكتر
لكن عموما دي خطوة جيدة

[Dr_Mido]

اسمه تجميع مصري مش تصنيع مصري

عيوبه من وحه نظري بالنسبه لمواصفاته وزنه ٧٥٠ جرام

موصفاته معقوله لسعره
معالج بقوة 1.6 جيجاهيرتز
شاشة 9.7 بوصة بدقة وضوح 720x 1024
ذاكرة وصول عشوائي ram 1 جيجا بايت
ذاكرة تخزين 8 جيجابايت ممكن زياداتها حتى 32 جيجابايت
نظام تشغيل «أندرويد 4.0»
كاميراتين أمامة وأخرى خلفية بقدرة 2 ميجابيكسل
دعم شبكات الاتصالات wi-fi
شبكات الجيل الثالث
يزن 750 جراما


هشتريهمن باب تشجيع الصناعه بس لازم لازم لازم وزنه يتعدل والمعالج يترفع و دقه الشاشه تعلي لو ناويين يفضلو في المنافسه

[Dr_Mido]

طلع في منه نسختين النسخة الأولى مجهزة بمعالج ثنائي Rockchip 3066, Dual-Core

والنسخه الثانيه بمعالج رباعي Quad, Mali-400 MP .

[MaZaGAngeE]

اشتريه منين ؟
مهما كانت عيوبه .......... لما الشركة تلاقي اقبال هيطوروا كتير

[Dr_Mido]

علي فكره كاول مره نجمع حاجه اساسا مواصافاته معقوله مش وحش

علي ما اظن لسه منزلش للبيع

[AhMeD EzZ]

طلع في منه نسختين النسخة الأولى مجهزة بمعالج ثنائي Rockchip 3066, Dual-Core

والنسخه الثانيه بمعالج رباعي Quad, Mali-400 MP .

هو مش Mali 400 دة GPU برضة و لا ايه ؟! :D