مين مضى ؟ ومين عايز يمضى

[micromoud]

انا كنت اسمع عن القايمه لكن متخيلتش انها هتبقى بالصيغة دى والواحد اهون عليه انه يمضى ورقة على انه مش هيأذى زوجته فى يوم مالايام على انه يكتب على نفسه اقرار أمانة بانه استلم شوية خشب الكلام يا جماعه فى مصر فقط



Uploaded with ImageShack.us

[Amr_tika88]

المشكلة للاسف بسبب الفقر والطمع بقينا شعب مادي وخليها تصدي وموديلها يعدي

[hossam_elwani]

اسوء حاجه هو الجواز فى مصر دبح وسلخ وفى الاخر تلوم نفسك الف مره

[Dr_Mido]

كاتب كتابي يوم السبت وممضتش،حاجه

[lanos2004]

امضى وبعد كدة لو معجبتكش كرهها فى حياتها تعملك خلع
انا مضيت على كل حاجه بالقيمه الفعليه
مع انى لما جوزت اخواتى البنات والله ما مضيت حد من اجوازهم ومبسوطين جدا فى جوازهم الحمد لله وربنا موسع عليهم
ولله الحمد
الكارثه قى مصر الواحد ممكن يعمل علاقه مع انثى مجانى---طبعا دة مثال-والعياذ بالله
ولما يجى يتجوز فى الحلا ل يتنتف ريشه ويمضى ويوقع وطلبات ما انزل الله بها من سلطان

[S O P H O S]

مش بفضل الحوار ده بصراحة
بس مدام الي قدامك طلب ومهتم بيه يبقي مبروك عليه الورقة دي ..

[Survival]

النموذج دا متارخ يعنى التاريخ مكتوب فيه و دى حاجة فى صالحك لان المنقولات دى بتعتبر تالفة بعد 4 سنوات و ممكن لو حد بيفهم فى القانون يقولنا رأيه فى الحوار دا.
الموضوع فعلا يقلق للطرفين لان الجواز كتير بيفشل لكن عموما مش القايمة اللى تبوظ جواز مع انها بتحصل كتير.

[mr_vampire]

الاب اللي عينه مليانة وعارف قيمة بنته ومش بيتاجر بيها مش هيتكلم اصلا في حوار القايمة ده.

اعرف ناس متجوزين بقالهم 5 سنين وممضوش ولا اتكلمو اصلا في حوار القايمة ده.

[mohamed_mohsen]

أنا مش عارف بصراحه حوار القايمة والقرف ده مين اللي بدعه؟ّ!

[Mostafa.Mahran]

موضوع القايمة ده قلة قيمة

[mero100]

بسم الله الرحمن الرحيم ( فاسئلوا اهل الذكر ان كنتم لا تعلمون ) صدق الله العظيم

مع كامل احترامي لأراء الاعضاء و لكن موضوع قائمه المنقولات الزوجيه ليس بدعه و لكنه حق للزوجه شرعه الله .

و اليكم رأي دار الافتاء المصريه في موضوع قائمه المنقولات الزوجيه - من موقع دار الافتاء المصريه .

علي الرابط ده : الفتاوى - حكم الشرع في قائمة العفش

[Ahmed A Rahman]

بصراحة ممضيش وانا اللي سألت عليها يوم الدخلة
واتقال لي احنا بنتنا اغلى من اي حاجه ومش احنا اللي نمضي حد على حاجه

"بس ابقى خلي بالك منها لاننا مديينك اغلى حاجه عندنا "

بصراحة في كل خناقة في الجواز بقالي 5 سنين من نفسي افتكر الكلمة دي
ياخي كنت مضيت على القايمة احسن :)

[Ahmed A Rahman]

واختي برضه عملنا معاها كده لما اتجوزت بعدي بشهور
معظم اصحابي ممضوش على القايمة كمان !!

بس برضه فيه كام واحد من اصحابي الجوازة اتفركشت على القايمة

[micromoud]

بسم الله الرحمن الرحيم ( فاسئلوا اهل الذكر ان كنتم لا تعلمون ) صدق الله العظيم

مع كامل احترامي لأراء الاعضاء و لكن موضوع قائمه المنقولات الزوجيه ليس بدعه و لكنه حق للزوجه شرعه الله .

و اليكم رأي دار الافتاء المصريه في موضوع قائمه المنقولات الزوجيه - من موقع دار الافتاء المصريه .

علي الرابط ده : الفتاوى - حكم الشرع في قائمة العفش

وهو مش حرام برضه ان الورقة دي بتستعمل اداة ضغط و ترهيب على الزوج من الزوجة و اهلها لو حصل طلاق او حتى خلاف تسجنه بيها ببلاغ تبديد كيدي سهل تظبيطه حتى لو معملش اي حاجة و الامثلة على دة كتير.

[أحمد كمال]

هو انا مأجر عجلة هاسيب البطاقة

و لا مأجر عربية هاسيب وصل امانة


و لا انا هاخد العفش عندي؟ هو مين اللي قاعد في البيت ليل نهار و انا يادوب باجي بالليل اكل و انام؟

ايه التخريف ده

امضى وبعد كدة لو معجبتكش كرهها فى حياتها تعملك خلع

القايمة وصل امانة مالوش اي علاقة بالعلاقة الزوجية و لا طريقة انتهاءها ....... طلاق عادي طلاق محكمة خلع ان شاء الله حتى الزوجة قتلت الزوج ....... القايمة دي وصل امانة

مش بفضل الحوار ده بصراحة
بس مدام الي قدامك طلب ومهتم بيه يبقي مبروك عليه الورقة دي ..

و لو اللي قدامي شايف بنته بيعة و شروة يبقى يلزمني ليه

و اربط حبل المشنقة على رقبتي بايدي و اناوله للي قدامي ليه؟

بصراحة ممضيش وانا اللي سألت عليها يوم الدخلة
واتقال لي احنا بنتنا اغلى من اي حاجه ومش احنا اللي نمضي حد على حاجه

"بس ابقى خلي بالك منها لاننا مديينك اغلى حاجه عندنا "

بصراحة في كل خناقة في الجواز بقالي 5 سنين من نفسي افتكر الكلمة دي
ياخي كنت مضيت على القايمة احسن :)

حماك اجبرك على احترام و صون بنته بكلمة ..... مش بورقة .......

واختي برضه عملنا معاها كده لما اتجوزت بعدي بشهور
معظم اصحابي ممضوش على القايمة كمان !!

بس برضه فيه كام واحد من اصحابي الجوازة اتفركشت على القايمة

احسن ما تتفركش بعد الجواز على قضية تبديد امانة