الإزالة هي الحل .... ولننادي نيرون !

[yousef1978]

السلام عليكم


يا جماعة أنا شايف إن الحل لأزمة المرور وحوادثه ولشكل مصر بصفة عامة هو إقتراح ظريف جدا


يتم إنشاء وزارة جديدة وليكن إسمها ( وزارة الأملاك )

الوزارة دي تشمل مهندسين وقضاة وقوات شرطة محترفة


ويكون فيها على الأقل ثلاثة هيئات


1- هيئة إثبات الملكية

ودي دورها مساعدة المواطنين في تسجيل كل قطعة أرض أو مبنى أو وحدة سكنية في مصر وإثبات ملاكهم

تخيلوا لو أخذوا ألف جنيه فقط لكل وحدة سكنية يتم تسجيلها واحنا عندنا ما يقرب من 30 مليون وحدة سكنية أو أكتر - يعني 30 مليار جنيه تدخل خزينة الدولة

ده غير تسجيل الأراضي والعمارات والفلل وخلافه




2- هيئة نزع الملكية

ودي تاخد الطلبات من الوزارات المختلفة بتجهيز منطقة أو مخطط معين - فتقوم هذه الهيئة بالتنسيق مع ملاك هذه المناطق وتجهز برنامج زمني لهم لإخلاء أماكنهم وإزالة ما عليها من منشآت وتسليمها للوزارة التي تقدمت بالطلب لها




3- هيئة التعويضات

ودي بيكون عندها لوائح صارمة وخبراء هندسيون وإقتصاديون ومحاسبون وقضاه ودورهم تحديد التعويض المناسب لمن تم نزع ملكية أملاكهم - سواء كان تعويض نقدي فقط أو أراضي مناظرة بالإضافة لمبالغ نقدية أو أن يكون لهم أولوية في إختيار وتملك المناطق الجديدة




وأن تتوقف الحكومة عن توزيع أراضي المدن الجديدة على المواطنين وتكتفي بتوزيعها كتعويض على من فقدوا أملاكهم ويتم عمل مزادات لباقي الأراضي علشان تدخل دخل للدولة وعلشان تحتفظ هذه الأراضي بقيمتها لأن الأراضي لو وزعت وخلاص الناس هتستلمها وتنيمها ولا تبني عليها عمدان وخلاص وما حدش هيسكن المناطق الجديدة إلا لو اتعمرت وازدحمت شوية بالسكان - فلازم الحكومة تدفع الناس دفعا للنزوج للمناطق العمرانية الجديدة





وعن طريق نزع الملكية نقدر نوسع الشوارع ونقدر نزيل عشوائيات كتيرة ونستيبدلها بمناطق راقية ومنسقة جيدا ونقدر نوفر مساحات فاضية كتير أمام محطات المترو والأماكن العامة والحكومة تعمل منها أسواق للمواطنين الغلابة بدل الوقفة في الشوارع وتعمل منها براكن سيارات وفنادق ومصالح حكومية

غير تفريغ وخلخلة المناطق المزدحمة وده هيعيد توزيع السكان في المدن والقرى أيضا بحيث نتوسع افقيا وننشئ حياة أفضل



وكفاية بقى كباري خنقت الشوارع والفلوس اللي نصرفها على الكباري ندفعها تعويض للسكان والملاك ونهد شريط عمارات ونوسع الدنيا أفضل



حد يتخيل إنه علشان يتم توسعة طريق مصر اسيوط الزراعي ( طريق الموت ) فكل ما يعدوا على قرية يلاقوا نفسهم مزنوقين بين البيوت من الغرب والترعة من الشرق فيعملوا طريق دائري حول القرية

ده كلام يا جدعان - ما تهدوا يا عم البيوت اللي على الطريق خلينا نخلص بقى







الموافق على فكرتي يتفضل برفع يده - موافقة - إذا على بركة الله اللي يقدر يوصل الفكرة دي للأحزاب وخصوصا الحرية والعدالة أو لحد من الحكومة يبقى كتر خيره وإلى اللقاء في فكرة جديدة


أخوكم . يوسف أبو عمرو




ملحوظة : أرجو المشاركة بآرائكم في الاستطلاع .



.

[lanos2004]

حل مشكله المرور هو
اخفاء البنزين

[yousef1978]

حل مشكله المرور هو
اخفاء البنزين

أو إغلاق الشوارع ههههههههههه

[abokoko]

بعض المدن غير قابله للاصلاح مثل القاهره
وموطنى السابق - سوهاج العاصمه -
والحل
تفريغ المدن الكبيره من سكانها
وده عن طريق المدن الجديده والصحراويه الملاصقة
والوسيله
عن طريق نقل المصالح الحكوميه والوزارات لتلك المدن
بس بطريقه مخططه ومدروسه
يعنى تخطيط متكامل للمدن الجديده
امداها بالمرافق والخدمات
توفير طرق و مواصلات
كمثال لو انفق تكلفة مترو الانفاق على انشاء مدن فى طريق السويس والاسماعيليه
لتعمرت الصحراء وخف زحام القاهره والجيزه
وقلت اسعار الشقق ووو

[طائر البطريق]

فكره ممتازه يا استاذ يوسف

[lanos2004]

الحل ان الى ساكن فى القاهرة يشتغل فى القاهرة والى ساكن فى الجيزة يشتغل فى الجيزة
كل يوم الصبح سكان القاهرة رايحين الجيزة يشتغلوا وسكان الجيزة جايين القاهرة للشغل

[S O P H O S]

افكار جميلة

[Y a r i s]

ياريت والله يتحقق الموضوع ده. الحكومات المتعاقبة مفيش ولا حكومة. بتفكر لخمسين سنة قدام وكل تفكيرهم انهم يحلو ازمة حالية فقط ... بس الي باستغربلوا تلاقي الواحد ساكن في مخروووبة. وتيجي الحكومة تزلها وهتديلوا شقه محترمة بدلها تبص تلاقيه يدافع عن شقتوا المخروبة الي في بيت أيل للسقوط اساساً ويستموووت على شقتوا كانوا بيدافع عن فيلا في جردن سيتي :)

[abokoko]

ياريت والله يتحقق الموضوع ده. الحكومات المتعاقبة مفيش ولا حكومة. بتفكر لخمسين سنة قدام وكل تفكيرهم انهم يحلو ازمة حالية فقط ... بس الي باستغربلوا تلاقي الواحد ساكن في مخروووبة. وتيجي الحكومة تزلها وهتديلوا شقه محترمة بدلها تبص تلاقيه يدافع عن شقتوا المخروبة الي في بيت أيل للسقوط اساساً ويستموووت على شقتوا كانوا بيدافع عن فيلا في جردن سيتي :)

بيبقي فى اسباب تبرر له تمسكه - بالخروبه -
زى انها اوسع من الشقة اللى هيخصصوها له
او انها فى وسط البلد
او انها مكان مستقل
واعتقد كل ده ممكن يتحل بالتقييم العادل لكل حالة على حده

[abdulkhaleq]

ياباشا
قبل كل ده
انشاء مدن موازيه
تكون من الأول معمول حساب حارات الطوارئ والمواصلات والتوسعات المستقبليه
على ان تكون مدينه مثلا غرب كل محافظه
وطبعا الاسعار مش هتكلم فيها
بس بشرط ان اللي هيشتري يسكن
مواصلات من والى المدينه وياريت لو مترو مثلا
الزحام هيقل عن المدن الاصليه زي القاهره مثلا
وبعيدن نبدأ في توسعات الشوارع فيها اجباريا

[MaZaGAngeE]

البداية : نقل العاصمة الادارية من القاهرة الى الصعيد ... و ده مش تعصب لبلدي ابدا ده امنيا افضل و كمان عشان الصعيد ارض سهلية واسعه جدا

بعد كده اللي انت اقرحته معقول و مناسب جدا

[Ahmed_Adham]

اذا كان الحكومه مش عارفه تخلص الملاك من المستأجرين ايجار قديم وهيه مش هتغرف مليم في النص يبقى هتقدر تعوض الناس بنزع ملكيه على الاتجاهين في طرق منها اللي 200 كيلو لحد 500 ويمكن اكتر؟ احنا بنتكلم في مبلغ خيالي الا اذا الحكومه ادت الناس جنيه للمتر.

[Y a r i s]

بيبقي فى اسباب تبرر له تمسكه - بالخروبه -
زى انها اوسع من الشقة اللى هيخصصوها له
او انها فى وسط البلد
او انها مكان مستقل
واعتقد كل ده ممكن يتحل بالتقييم العادل لكل حالة على حده

اصبت يا ابو كوكو
هو حاسس ان ده بيت عيلة وساكن هو واخوه واموا وكل واحد واخد شقة وقافلين عليهم بس تعاله نشوف هما ساكنين في ايه هيلاقي انوا ساكنين في عشوئيات. تيجي تخش بيتهم تلاقي الحيطان مشرخة وسقف مطبل. يعني هزتين زلزال حلوين ويبقى البيت ارض ارض ... طيب لمن تيجي الحكومة تدي لكل واحد شقة وتوسع الشارع مش افضل ما نستنى الزلزال الي جي. ويجيب البيت ارض ارض ونجري ورى الحكومة ونبوس ايديها ورجليها تدينا بيت تاني :)

نقطه تانية كمان هما بيبصولها ان اغلب العشوائيات. موجوده في القاهرة بصراحة الي يطلع فوق برج القاهرة ولا يركب طيارة هيلكوبتر ويتفرج على منظر القاهرة بالليل او حتى الصبح هيلاقي مزززززززززززززززبلة ... وبالذات سكان القاهرة متعرفش ايه غيتهم. في تخزين الكراكيب والوساخه والزبالة فوق السطووووووح

الناس دول بتوع عشوائيات القاهرة لو اديتهم شقق نضيفة في المدن الجديدة يقلك يااااااااااااه اكتوبر. ايه الي وديني اكتوبر او القاهرة الجديدة ياااااااه ده مشوار حتى لو اديتلوا شقق في الرحاب هيرفض ويقلك مشوار هههههههه

طيب من ناحية تانية ان تالت تربع العشووئيات دي او حتى المساكن القديمة المتهالكة المبنية نظامي وبتراخيص وبتطل على شارع عمومي ومنطقة حيوية لمن تيجي الحكومة توسع وهتدفع تعويضات لاصحاب الشقق ( طيب هنا صا حب الشقة ميييييييين !!!! الي مؤجر قانون قديم ولا صاحب الشقة. الي ورثها من جدوا او من ولدوا ) !!!!

مصر هيا البلد الوحيدة في العالم الي ممكن الواحد يكون صاحب عمرتين او تالت عماير ومع ذلك ممكن تكون مش لاقي شقة تسكن فيها او حتى تجوز ابنك فيها . .... وتحياتي :)

[yousef1978]

ن ايجار القديم مشكلة مش سهله ومستحيل الرئيس مرسي يحسمها بدون برلمان يواجه الناس بالحل المقترح


من حوالي خمس سنوات اتعرفت على واحد بنغالي شغال مضيف في الاتحاد للطيران

استغربت لما قاللي انه لما سافر مصر وبص للقاهرة من فوق حس بتلوث بصري

قلت حتى البجﻻديشيشي مش عاجبه منظرنالاقان