مبروك كسبت مرسيدس بنز E-280 !

[alaa_dash]

الرسالة ديه وصلتني على الموبايل ...
congratulations!
you have been awarded Mercedes Benz E-280
courtecy of german Motor union Inconjuction with D.T dobie motor kenya.
contact HQ:
الرسالة من تنزانيا و الرقم اللي بيقولك كلمه من كينيا :)
لو حد يعرف ايه الفكرة في النصباية ديه ياريت يعرفنا ..

[omarmosalem]

هم كمان اشتغلو على الموبايلات؟ الموضوع دا انك هتتصل هيقولك عايزين أد 4 آلاف يورو عشان نطلع العربية من الجمارك أي كلام هبل كدة فتدفع وبعدين فص ملح وداب! أنا حاولت أعرف اخرهم مرة بس كان على الإيميل والست قعدت تقولي باسم الدين والاسلام وحوارات كدة وانها عندها 2 مليون استرليني بس عايزة 2000 دولار عشان تشيل الحجز اللي عليهم! فطبعا قلتلها العبي بعيد ياشاطرة

[M!NA]

أكيد لما هتتصل بالرقم هيقولولك عايزين مبلغ كذا عشان نبعتلك العربية و تستلمها :)

رأيي reply عالرسالة و قولهم No Thank You I love my current car

عشان تفرسهم

[theking2690]

لأ يا باشا فكك منهم دول لسه كانوا بيشتغلوا واحده قريبتى قال ايه رقم تليفونها كسب فى سحب عالمى بس هما محتاجين كل الداتا بتاعتها علشان يعرفوا يبعتوا العربيه و طبعا كلو فى الاخر نصب فى نصب

[Hussein_Ramdan]

لا كمان دة كان من فترة كان شركة بتبعت الرسايل دى ويقولك لو عايز تتابع الجايزة اتصل على الرقم دة الى هو الرقم المختصر ابو جينة ونص
وطبعا تتصل دى عربية مرسيدس ياعم
المهم لما تتصل طبعا يبدا الرغى فى الكلام تكون ضيعت حوالى ربع ساعة بحوالى عشرين جينة وفى الاخر هنتصل بيك تانى وشوف بئا بيعملو الحركة دى معا كام تلفون بس على ما اعتقد تم اغلاق الشركة بتهمة النصب