مساعدة لعمل مطبخ

[محمد المصرى]

السلام عليكم

يا جماعة انا بعمل مطبخ ولفيت كتير اوى على شركات المطابخ

وبصراحة محتار جدا
مثلا
مطابخ الاور من 1400 الى 2500 المتر وكل بيقول ارو امريكى
مطابخ الالوميتال او الخشمونيوم من 1200 الى 1400 مش متقتنع بيها تماماً

ياريت اصحاب الخبرة او اى حد ثقفة يكون اى حد تعامل معاه

او اى نصيحة فى موضوع المطابخ

بس رجاء يكون فى نطاق مدينة نصر او القاهرة الجديدة

وشكراً مقدماً

[شريف]

نفس السؤال و نفس الحيرة
واضح انك عايز مطبخ ستيل
الميزانية كام في من اول كونتشتال لغاية نجار يعملهولك او تسافر دمياط و تفصلة هناك

مدينة نصر مليان خصوصا في ابو داود الظاهري في كتير جدا هناك
مفيش في التجمع للاسف

[Dr_Mido]

نفس حواري بالظبط وحاليا محتار مابينهم المطبخ عندي كبير ٣ في ٣ ومقررتش لسه هعمله ايه

[smsm2015]

كله غالبا دلوقتى بيعمل المونيوم او الخشمونيوم انضف احسن اشيك بيستحمل المياه ومش بيربى حشرات الوانه مش بتجير مع الوقت زى الخشب ومش بيفلق ممكن تروح عند الشركات الكبيره تسال زى مكه او العالميه للمطابخ فى شارع السودان ..

[Abo Yasso]

انا عملته خشب وندمان ندم السنين

[محمد المصرى]

نفس السؤال و نفس الحيرة
واضح انك عايز مطبخ ستيل
الميزانية كام في من اول كونتشتال لغاية نجار يعملهولك او تسافر دمياط و تفصلة هناك

مدينة نصر مليان خصوصا في ابو داود الظاهري في كتير جدا هناك
مفيش في التجمع للاسف

انا روحت كونتبشتال طبعا سعر غير طبيعى بيبيع بالوحدة "ثمن الوحدة حوالى 45 الف جنيه"
وفيه فى التجمع واحد شغله نظيف جدا بس سعر المتر المربع 2500 جنيه اور

كله غالبا دلوقتى بيعمل المونيوم او الخشمونيوم انضف احسن اشيك بيستحمل المياه ومش بيربى حشرات الوانه مش بتجير مع الوقت زى الخشب ومش بيفلق ممكن تروح عند الشركات الكبيره تسال زى مكه او العالميه للمطابخ فى شارع السودان ..

المونيوم او الخشمونيوم حرام يدفعه فيهم فلوس ده انت لوخبطه يكسر فى ايدك
انا اولادى عندهم هواية تسلق المطابخ

انا عملته خشب وندمان ندم السنين

المطبخ الى عندى خشب ومش ندمان خالص وكان خشب سويدى

[أبو_يوسف]

حد جرب المطابخ pvc اسمع انها متينة ونظيفة
وتقريبا نفس اسعار الخشب...

[ainshouka]

طب ماتعمله زان
يبقي برضه تبفي خدت متانة أكتر من السويد وتمن أقل من الأرو
هي بس ممكن يكون شكل السويد أو الأرو أحلي في التعريجات بتاعته وتفجيراته عن الزان دا في حالة لو حتدهنه اسطر لكن لو لاكيه مبيفرقش

[mahmoudysf]

الارو فعلا احسن من الالمونيوم
بحس الالومنيوم مش عملي
فيه نجار شغلة عشرة على عشرة
بس المشكلة انو بعيد عنك

[amrelsha3er]

متابع عشان انا فى نفس الحوار وانا بفضل الخشب برضو عن الالوميتال والخشمنيوم
متر الخشب بكم ياجماعه عشان الوحد ميضحكش عليه انا هعمله مش فى القاهره فى الغردقه فمش عاوز حد يشتغلنى خاصه هنا بلد الاشتغالات

[moody_687]

انا عامل المطبخ عند مفكو حلوان التصميم ف منتهى الروعة المطبخ كله اتكلف 12 الف ج وف صيانة للمطبخ كل شهر 1 ل 2 ف السنة

[محمد المصرى]

انا عامل المطبخ عند مفكو حلوان التصميم ف منتهى الروعة المطبخ كله اتكلف 12 الف ج وف صيانة للمطبخ كل شهر 1 ل 2 ف السنة

مفكو خشبه ممتاز
ممكن اعرف نوع الخشب ايه ؟
وسعر المتر كام؟

[شريف]

طب في انواع كتير مودرن دلوقتي
اكريلك و بوست فورمينج و اتش بي ال و دول بيتكبسوا بمكبس مش دهان
و في دوكو او استر
حد يفيدنا بخبراتة

[moody_687]

مفكو خشبه ممتاز
ممكن اعرف نوع الخشب ايه ؟
وسعر المتر كام؟

الخشب نوعه ارو
والمتر ب 700 ج من قيمة 3 سنين

[beshomilan]

معظم مصر شغاله بالوحده مش بالمتر لان المتر فيه لعب كتير اوى فى المقاسات
والوحده بتكون ادق سعريا من المتر
لو حد حابب يشرفنى فى مكان عملى وهو معرض ديكورات فى ارض الجولف فمصر الجديده انا تحت امره
انا عندى بنصنع الجسم كونتر والضلف يا اما زان يا ارو او mdf او mdf واخده قشره زان او ارو
بشتغل خشب فقط
وكمان مفصلات وهيدروليك وجسم الادراج بالكامل بلوم نمساوى بضمان 20 سنه
على حسب ذوقك كلاسيك مودرن الترا مودرن..ال
بشتغل كل الالوان وكل الوان القشرات والشغل الهاى جلوسى التحفة بالدهانات البولى يوريتان
وكمان تجليدة الحوض استانلس
تختار مقابض وزجاج والوان واشكال زى ماتحب