على المقهى.. جدل حول زواج السوريات بمصر

[شكشك]

السلام عليكم ورحمه الله وبركاته
اقدم لكم هذا الفيديو الرائع واطلب من كل عضو ان يركز على كلام الاخت طمطم في الفيديو
ويرى كم الحقد التي تحمله تجاه اخواتها السوريات ليس هذا فحسب بل قالت شيئا ينم على انها ضد بعض التشريعات الاسلاميه ... ومن الجمل المثيره للانتباه
(الناس اللي بيقولوا على نفسهم شيوخ)
اترككم مع الفيديو
[youtube]http://www.youtube.com/watch?v=KqKurr0hONs[/youtube]
ابقي سلميلي على مجلس حقوق المرأه اللي يشوف طريقتك في الكلام ما يفكرش يتزوج مصريه اساسا
هههههههههه

[شكشك]

الفيديو دا رساله للي بيشكك في اخلاق المصريين وانهم بيستغلوا السوريات للزواج منهم بأبخس الاسعار
وادي الراجل السوري قالكم أهو ووضح الحقيقه فين
طيب ياريت انا الاقي سوريه وانا استغلها ايما استغلال وهدفع فيها مهر ضعف المصريه مش خساره فيها ولكن خساره عليا هههههههههه

[mohammed dodda]

هوه عدد السوريين فى مصر بقى كام؟؟ وبيعيشوا فين؟

[Y a r i s]

يالهوي على المصريات وحقد المصريات
خلاص يا اووختشي انتي وهيا متخفيش هنبعتلك عريس لقطه ... يالهوووي على النفسنة. يا لهوووي على الناس الي هتولع يالهوي على الحقد يا جدعان ... انا مش عارف هو في سورية ولا سورين واكيلووو المصريات تدافع عنهم ولا خلاص قلب المصريات على قلب السوريات وقلب بقلب ويبقى بيج هااارت:)

شايفين يا شباب نسوان مصر قد ايه خايفين على شباب مصرررر ... شايفين قد ايه انتم غالين على قلب النساء المصريات :)
انا اعتقد لو بالفعل حصل حلات جواز من سوريات كنا شفنا. مليونية امام السفارة السورية في الدقي من قبل المصريات وكانوا ولعوا في ام السفارة السورية وطالبوا برحيل السفير السوري والقنصل .... وقطع العلاقات المصرية السورية

بس السؤال ليه مشفناش لحد دلوقتي. سوري عاوز يتجوز مصرية اهي توستر عليه برضوا :)

[youssef_u]

هوه عدد السوريين فى مصر بقى كام؟؟ وبيعيشوا فين؟

هما اكتر من المصريين في ٦ اكتوبر و الشيخ زايد و الرحاب

[egyptiandiver]

إيه يا جدعان إلي بيحصل دة؟ أنا مبدئياً كدة شامم ريحة شياط! و شايف عدد 2 بوز مصري عاوز القص! و الدفة بتقول إستغلال يرد عليها الضيف السوري إنو ماشفش حاجة بنفسه... و يقرر تاني و الرجل ينفي... شكلهم كدة عاوزين يقصو المنافسة بدري بدري و بلقانون... هه!

[شكشك]

هما اكتر من المصريين في ٦ اكتوبر و الشيخ زايد و الرحاب

ياريت يا أخي تقولنا على طريقه نتواصل بيها مع اي عائله سوريه انا جاد جدا للزواج وحاهز من الصبح

[Khaled Online]

بس السؤال ليه مشفناش لحد دلوقتي سوري عاوز يتجوز مصرية؟! اهي تستر عليه برضو :)

ولا من أي جنسية تانية عايزين يتجوزوا المصرية
ولا هن مدركات ومابيفوقوش إلا لما القطر يعدي مرتين تلاتة وبسلامتها مستنية الأسباني ههههههههههه

[شكشك]

ولا من أي جنسية تانية عايزين يتجوزوا المصرية
ولا هن مدركات ومابيفوقوش إلا لما القطر يعدي مرتين تلاتة وبسلامتها مستنية الأسباني ههههههههههه

والله ياباشا القطر بيفوتهم وبيظلوا على كبريائهم وعنادهم عايزين حاجه ع الفرازه
احسن طريقه لكيدهم عرض مسلسلات تركيه على طول وخليهم يحلموا بمهند اللي مش هيشوفوه ابدا
ههههههههههه

[Y a r i s]

في اكتر من اي مستثمر. عربي او اجنبي
يبقى عاوز يطلع اقااامة من هيئة الاستثمار علشان يعرف يشتغل ويتعامل في مصر ... فينصحوه يا اما تحط مبلغ مثلا نص مليون في البنك تامين وتفتح مشروع خدمي وموافقات امنية ومش عارف ايه وايه وايه وايه. وفي النهاية تاخود اقامة سنة وحدة قابلة للتجديد !!!

او انك تتجوز مصرية وتاخود اقامة مصرية خمس سنيييييييييييييييييين وتشتغل براحتك ياباشا ... يقوم يقلك لا احط نص مليون في البنك احسن ههههههههه ...

[S O P H O S]

ومال المصرية بس يا جماعة
مين يستحمل المصري غير المصرية
هات اي حد غير المصرية وقوله هناكل فول ونعيش علي قد دخلنا ونحمد ربنا هتعيش
ممكن يكون في نسبة بتحلم بمهند وبمستوي عالي فالخيال لكن الغالبية بيعيشوا وبيرضوا بالظروف
لسبب واحد انهم عارفين ظروف البلد والاوضاع
كل حته فالعالم فيها كويس وفيها سئ احنا منعرفش كل شعب فيه ايه بتكلم وبتخيل كتير علشان منعرفش شئ عن غيرنا !!
لكن عرفين بعضنا بس بنحب نفتكر السئ قبل الحلو
كلامي مش دفاع او نقد -- لكن يمكن لسه عندي امل فبلدنا وفي الناس الجميلة الموجودة
مجرد رأي ..