استشارة هندسية

[rawhany]

السلام عليكم
انا محتاج استشارة من اهل المنتدي الكرام
اخويا في اعدادي هندسة في msa
والحاج كان عايزه يدخل مدني والجامعة مفيش فيها مدني بس اخويا بقي ميال لاتصالات (راي الحاج بقي ان مدني فرص الشغل اكتر ) وبما اني معرفش اي حاجة عن اتصالات فا قولت اسال الناس هنا
يعني مقارنة بمدني وايه مجال الشغل في اتصالات
وشكرا مقدما

[hussein]

رزقه اللى ربنا كاتبهوله واحد سواء مهندس مدنى او اتصالات او رئيس جمهورية
نصيحه خليه يخش الحاجه اللى بيحبها

[rawhany]

رزقه اللى ربنا كاتبهوله واحد سواء مهندس مدنى او اتصالات او رئيس جمهورية
نصيحه خليه يخش الحاجه اللى بيحبها

والله ياباشا نت جبت من الاخر وانا بقول كدة بس طبعا كل اب بيحاول انو يفكر لولاده وانت اكيد فاهم الحاجات وبرضو كنت عايز اعرف ايه مجالات الشغل في اتصالات مش علي الفلوس لا انا معرفش اصلا مجال شغلها ايه

[DOCTOReng]

مجالات شغل اتصالات:
شركات الاتصالات مثل موبينيل وغيرها - شركات الموبايل مثل راية و الكاتيل وغيرها - التليفزيون والقنوات الفضائية - كل ما له علاقة بالالكترونيات.
أحسن نصيحة توجه للطالب أن يدخل القسم الذى يتفق مع ميوله بغض النظر عن مدى اقبال الطلبة الآخرين عليه حتى يستطيع أن يتفوق فيه.
بالمناسبة وعلى سبيل المثال قسم الاتصالات فى هندسة عين شمس لا يقبل الا أوائل دفعة قسم كهرباء (اتصالات هو احدى شعب قسم كهرباء فى هذه الكلية).
لا أحد يستطيع أن يتنبأ باحتمال زيادة أو نقص الطلب على خريجى أى قسم بعد خمس سنوات عندما يتخرج هذا الطالب.
مع تمنياتى لأخيك بالتوفيق فى اختيار القسم الذى يناسبه.

[rawhany]

مجالات شغل اتصالات:
شركات الاتصالات مثل موبينيل وغيرها - شركات الموبايل مثل راية و الكاتيل وغيرها - التليفزيون والقنوات الفضائية - كل ما له علاقة بالالكترونيات.
أحسن نصيحة توجه للطالب أن يدخل القسم الذى يتفق مع ميوله بغض النظر عن مدى اقبال الطلبة الآخرين عليه حتى يستطيع أن يتفوق فيه.
بالمناسبة وعلى سبيل المثال قسم الاتصالات فى هندسة عين شمس لا يقبل الا أوائل دفعة قسم كهرباء (اتصالات هو احدى شعب قسم كهرباء فى هذه الكلية).
لا أحد يستطيع أن يتنبأ باحتمال زيادة أو نقص الطلب على خريجى أى قسم بعد خمس سنوات عندما يتخرج هذا الطالب.
مع تمنياتى لأخيك بالتوفيق فى اختيار القسم الذى يناسبه.

اشكرك علي اهتمامك

[rawhany]

مجالات شغل اتصالات:
شركات الاتصالات مثل موبينيل وغيرها - شركات الموبايل مثل راية و الكاتيل وغيرها - التليفزيون والقنوات الفضائية - كل ما له علاقة بالالكترونيات.
أحسن نصيحة توجه للطالب أن يدخل القسم الذى يتفق مع ميوله بغض النظر عن مدى اقبال الطلبة الآخرين عليه حتى يستطيع أن يتفوق فيه.
بالمناسبة وعلى سبيل المثال قسم الاتصالات فى هندسة عين شمس لا يقبل الا أوائل دفعة قسم كهرباء (اتصالات هو احدى شعب قسم كهرباء فى هذه الكلية).
لا أحد يستطيع أن يتنبأ باحتمال زيادة أو نقص الطلب على خريجى أى قسم بعد خمس سنوات عندما يتخرج هذا الطالب.
مع تمنياتى لأخيك بالتوفيق فى اختيار القسم الذى يناسبه.

اشكرك علي اهتمامك

[Eng_Doaa]

من خلال دراستى فى هندسة "هندسة عين شمس"

نسبة كبيرة من الطلبة بتدخل قسم مش بتحبه مثلا حد بيحب اتصالات تلاقيه دخل ميكانيكا . و هكذا .

فلازم أهم حاجة يحدد من دراسته فى إعدادى القسم اللى بيحبه و حابب مجاله و عارف هو عاوز يوصل لايه . لأنه بالتالى من قبل ما يتخرج يقدر يشوف فرص تدريب مناسبة له و ياخد خبرة كويسة من بدرى .

طبعا فى ناس كتير بتحب اتصالات . بس الحقيقة إنهم مجالهم أقوى بره مصر فى الشغل . هما فى مصر بياخدوا الخريجين المتميزين من اتصالات فى شركات الاتصالات الكبرى . طيب لو مش متميز ؟؟ هيكون زيه زى اى خريج محتاج ياخد كورسات و يبدأ يشوف هيكمل فى اى مجال مثلا الit و برمجة و هكذا .

مدنى : طبعا شغلهم مطلوب على طول فى كل مكان فى مصر و بره مصر . بس لو مش حابب المجال مش هتنجح فيه و يكون ليك اسم .

فى النهاية القرار قراره هو بس لأنه هو اللى هيشتغل .

و ربنا يوفق الجميع يارب

[rawhany]

من خلال دراستى فى هندسة "هندسة عين شمس"

نسبة كبيرة من الطلبة بتدخل قسم مش بتحبه مثلا حد بيحب اتصالات تلاقيه دخل ميكانيكا . و هكذا .

فلازم أهم حاجة يحدد من دراسته فى إعدادى القسم اللى بيحبه و حابب مجاله و عارف هو عاوز يوصل لايه . لأنه بالتالى من قبل ما يتخرج يقدر يشوف فرص تدريب مناسبة له و ياخد خبرة كويسة من بدرى .

طبعا فى ناس كتير بتحب اتصالات . بس الحقيقة إنهم مجالهم أقوى بره مصر فى الشغل . هما فى مصر بياخدوا الخريجين المتميزين من اتصالات فى شركات الاتصالات الكبرى . طيب لو مش متميز ؟؟ هيكون زيه زى اى خريج محتاج ياخد كورسات و يبدأ يشوف هيكمل فى اى مجال مثلا الit و برمجة و هكذا .

مدنى : طبعا شغلهم مطلوب على طول فى كل مكان فى مصر و بره مصر . بس لو مش حابب المجال مش هتنجح فيه و يكون ليك اسم .

فى النهاية القرار قراره هو بس لأنه هو اللى هيشتغل .

و ربنا يوفق الجميع يارب

الف شكر يا بشمهندسة

[AlGazar2]

من خلال تجربتى الواقعية

حديثى التخرج كلهم زى بعض مع اختلاف الجامعات مفيش شغل طبعا ده فى الوقت الحالى
من الاخر يدخل القسم الى هوه بيحبه

و من خلال تجربه اخرى ايضا
انا كنت عايز اخش كمبيوتر و الحاج اصر على قسم عماره عشان فى الوقت ده الى هوه 2007 كان كل الى مطلوب معمارى و طبعا عشان لازم تسمع كلام الحاج و خصوصا و انت بتدرس خاص اساسا فدخلت عماره
محبتش فيها الا مجالات معينه و فيها حاجات مش مقتنع بيها اساسا فى الى درسته
و فى الوقت الى اتخرجت فيه مبقاش فى شغل عماره نهائى لحديث التخرج اقل حاجة خبره 3 سنين
سواء بالنسبه للى تقديره جيد و الى تقديره امتياز لازم خبره
و الى بيشتغل لازم يبقى عنده واسطه جامده فى المكان الى هايشتغل فيه او الشركه بتاعه ابوه اساسا و هو اشتغل فيها و كان بيتدرب فيها قبل كده

و خلى اخوك ميصدقش والدك و اصحابه لما يقولوله خش انت مدنى بس و احنا نشغلك او خلص دراستك بس عشان تتجوز بنتنا بيخلعوا بعد ما تنقضى مده الدراسة

[ahmed1981]

لو دخل القسم اللي بيحبه هيتميز فيه وهينجح ويمكن يتفوق وينبغ

لو دخل قسم مبيحبوش في إحتمال إنه ميتميزش فيه ويمكن لا قدر الله مينجحش

وفكرة ربط القسم بفرص العمل
بعد التخرج كل واحد بياخد رزقه
-
-

[زهير فكري]

الواقع بيقول ان هندسه مدني افضل من الاتصالات , وده لعده اسباب
الاتصالات طبيعه شغلها متقلبه لحد ما ومحدوده الي حد ما وكل يوم في جديد , عندك مجالها بيكون اما في الشركات المشغله مثل شركات المحمول و الشركه المصريه للاتصالات و شركه اورانج .. يعتبر دول احسن شركات واحسن مرتبات واستقرار ومش هتتبهدل , ثانيا يليهم في القوه شركات الصناعه المالتي ناشونال مثل هواوي واريكسون و الكاتيل ..الخ ودول مرتبات حلوه وبرستيج بس احيانا مش مستقر و هياخدوا حقهم منك بس هتتعلم صح .. ثالثا بعد ذلك العمل في اي مؤسسه سواء حكوميه او خاصه خدميه او صناعيه , ودي بتكون مرتباتها اقل او مساوي لما سبق علي حسب المؤسسه وبتبقي وظيفتك الوحيده انك تكون مسؤول عن تشغيل و صيانه شبكات الكومبيوتر بهذه المؤسسه .. زي البنوك والمستشفيات والمصانع و الشركات والمولات ....الخ , ودي بيعيبها انك ليك منافس قوي جدا وهو خريج هندسه الحاسبات ونظم المعلومات بيفضلوه عن الاتصالات ,و اخيرا الشركات التي تقوم بالتخديم علي الشركات السابقه ودي بنقول عليها ( شركات المقاولات ) . ودول بتبقي عباره عن شركات بتقوم بتنفيذ المشروعات التي تريدها 3 فئات السابقه وممكن تقول عليها اوت سورس كمان ودي بتبقي مرتباتها علي حسب الشغل يعني في شغل جاي للشركه , المرتبات معقوله طبعا مش زي الفئات الثلاثه بتكون اقل ... مفيش شغل عند الشركه تبتدي تقلل المرتبات ونظام الشهر في شهرين و تمشي الناس يعني استقرار ضعيف ...... فرص العمل في اول فئتين تعتبر صعبه وبتعتمد علي وجود الفرصه اولا ثم اجتهاد من الشخص و تحتاج غالبا لمعارف داخل الشركه لتسهيل الأمور ... الفئه الثالثه اقل صعوبه .. اسهلهم الفئه الرابعه ودي بتحتاج انك لازم تكون صاحب مهارات عاليه عشان الشركات هي اللي تطلبك و محتاجه تكون ( ابن سوق )عشان تعرف تتعامل وما ينضحكش عليك ,, طبعا الاذاعه والتليفزيون ما ذكرتهاش عشان هي تعتبر قطاع حكومي بحت بيسري عليه النظام الحكومي من حيث المسابقات او تعيين اوئل الخريجين كذلك رئاسه الجمهوريه و رئاسه مجلس الوزراء و الوزارات .والهيئات ... كل دول بيطلبوا عن طريق المسابقه او اوائل خريجين او طبعا الواسطه......

نصيحتي ليك , لو اخوك غاوي الموضوع قوي , حاول تفهم منه ايه سبب انجذابه له , وانت اكيد عارف شخصيه اخوك , لو لقيته غاوي علم وابحاث وابتكارات خليه يتفوق في دراسته ويطلع من الأوائل , هتفرق معاه جامد و لو في فلوس متوفره انصحك تخليه يكمل دراسات عليا في الخارج...لو لقيت طبيعته انه اجتماعي وابن سوق وبيحب الحركه والسفر والتنطيط يبقي خليه يعافر وان شاء الله هيوصل ..... المهم خليه يدخل المجال اللي بيحبه ويا ريت يا ريت تجبروه انه يدخل مجال تاني هو لا يريده..... والله الموفق .

[DOCTOReng]

المهم خليه يدخل المجال اللي بيحبه ويا ريت يا ريت تجبروه انه يدخل مجال تاني هو لا يريده..... والله الموفق .

مش فاهم....... هل ياترى تقصد لا تجبروه ؟

[زهير فكري]

مش فاهم....... هل ياترى تقصد لا تجبروه ؟

لا تجبروه