مسافر قريب لجده محتاج نصائحكم

[AhMeD MeTwAlY]

انا مسافر قريب باذن الله للسعوديه وبالتحديد في جده
طبعا مسافر علي شغل وفي مؤسسه محترمه وصاحب المؤسسه راجل في قمة الاحترام
ودي اول مره اسافر
عايز اعرف اخد معايا ايه؟
من حجات اللبس كلها والادوات الي ممكن استخدمها هناك؟
واي حد عنده معلومه يقولها وميبخلش
وادعولنا ربنا ييسر لينا

[egyptiandiver]

ألف مبروك الشغل الجديد... السعودية بلد كويسة و جدة فيها كل حاجة، خالي بالك من شغلك و البس شيك و حوش قرش - ربنا يوفقك إن شاء الله

[A_H_M_A_D]

اولا مبروك على الشغل

وبعدين متاخدش معاك حاجه خالص غير هدومك العاديه و هناك ابقى اشتري اي حاجه انت محتاجها , اصلا الاسعار هناك ارخص من هنا و كل حاجه في الدنيا موجوده عندهم و اصناف اكتر من مصر كمان

مشكلة جده بس في الرطوبه العاليه جدا , بس شوية و هاتتعود على الجو و العيشه , الكورنيش هناك لذيذ والبلد عموما من افضل المدن السعودية ,

وكفايه ان بينها و بين مكه 70 كيلو يعني ساعه الا ربع , يعني تقدر تعمل عمره كل ويك اند :)

ربنا يوفقك ان شاء الله في شغلك الجديد

[youssef_u]

اولا الجو حر ناار هناك ،، خد لبس شياكة و خفيف ،، مزيل رائحة عرق يكون نوعه كويس لانك هتبقا ماشي بتنقط عرق ، و باقي استخداماتك الشخصية ،،التاكسي هناك متوفر كتير جدا ،،، لو عايز تشتري حجات من هناك زي ملابس روح محل شبرا او الهرم ،،، الكترونيات يبقا مكتبة جرير ،، جرب تاكل كبسة و مندي و مظبي ،، جرب مطعم اسمه البيك و اي استفسار انا تحت امرك

[AhMeD MeTwAlY]

ألف مبروك الشغل الجديد... السعودية بلد كويسة و جدة فيها كل حاجة، خالي بالك من شغلك و البس شيك و حوش قرش - ربنا يوفقك إن شاء الله

الله يبارك فيك يا باشا موضوع اللبس دا مفروغ منه وربنا ييسر الامور

اولا مبروك على الشغل

وبعدين متاخدش معاك حاجه خالص غير هدومك العاديه و هناك ابقى اشتري اي حاجه انت محتاجها , اصلا الاسعار هناك ارخص من هنا و كل حاجه في الدنيا موجوده عندهم و اصناف اكتر من مصر كمان

مشكلة جده بس في الرطوبه العاليه جدا , بس شوية و هاتتعود على الجو و العيشه , الكورنيش هناك لذيذ والبلد عموما من افضل المدن السعودية ,

وكفايه ان بينها و بين مكه 70 كيلو يعني ساعه الا ربع , يعني تقدر تعمل عمره كل ويك اند :)

ربنا يوفقك ان شاء الله في شغلك الجديد

المشكله انك بتبقئ رايح اول شهر بتحاول توفر علي قد ما تقدر عشان متعرفش الي جي ايه !!!
اه مكه دي حاجه تانيه كنت بروحها وانا صغير ولما بشوفها في ايام الحج ببقئ عايز اعيط

اولا الجو حر ناار هناك ،، خد لبس شياكة و خفيف ،، مزيل رائحة عرق يكون نوعه كويس لانك هتبقا ماشي بتنقط عرق ، و باقي استخداماتك الشخصية ،،التاكسي هناك متوفر كتير جدا ،،، لو عايز تشتري حجات من هناك زي ملابس روح محل شبرا او الهرم ،،، الكترونيات يبقا مكتبة جرير ،، جرب تاكل كبسة و مندي و مظبي ،، جرب مطعم اسمه البيك و اي استفسار انا تحت امرك

حر حر يعني اكتر من شرم الشيخ
ههههههههههههههههههه
انا عايز ارجع السعوديه لسببين الحج والعمره والاكل والنضافه بجد الواحد افتقد الحجات دي بجد
دا انا مبحبش قد الاكل دا انا مولود في الرياض وعشت هناك فتره كبيره وكنت بروح مع الحاج عزومات
وبعدين انا بعشق الرز البسمتي

[minicooper20]

تنور جده
انا فى جده اى حاجه تحت امرك
اول متوصل لازم اقبلك
بالنسبه لاحجات التجبها
هات هدومك بسسسسس
و هات فوار فروتى لان شكلك مشاء الله اكيل
فى اننظارك و لازم اشوفك

[AhMeD MeTwAlY]

تنور جده
انا فى جده اى حاجه تحت امرك
اول متوصل لازم اقبلك
بالنسبه لاحجات التجبها
هات هدومك بسسسسس
و هات فوار فروتى لان شكلك مشاء الله اكيل
فى اننظارك و لازم اشوفك

حبيبي يا كوبر ابعتلي رقمك هناك علي الخاص وانا اول ما اوصل اكلمك
انا ان باذن الله مخلص جزئ كبير السعودي هينزلي كمان يومين يخلصلي ورقي من السفاره ونسافر سوا

[minicooper20]

رقمى اهو يا حبى
0537867195

[AhMeD MeTwAlY]

رقمى اهو يا حبى
0537867195

حبيبي تسلم يا غالي باذن الله اول ما اوصل عندك هكلمك باذن الله