رحلة لانجلترا

[SeiffoZ]

كنت عايز اعمل رحلة سياحة لبريطانيا. اسبوع مثلا.

ليا اصدقاء كتير انجليز و هيعملولى دعوة زيارة.

عايز اعرف الفرق بين استخراج فيزا سياحية بنفسى ليا و ان تجيلي دعوة زيارة.

ايه الاجراءات؟؟

و هتتكلف كام؟؟

[mohamed_selim]

مفيش فيزا سياحيه مع نفسك .... الدعوه بتفرق كتير و بتسهل الاجراءات

[Nashaat Rady]

كنت عايز اعمل رحلة سياحة لبريطانيا. اسبوع مثلا.

ليا اصدقاء كتير انجليز و هيعملولى دعوة زيارة.

عايز اعرف الفرق بين استخراج فيزا سياحية بنفسى ليا و ان تجيلي دعوة زيارة.

ايه الاجراءات؟؟

و هتتكلف كام؟؟

كل أسئلتك إجابتها في اللينك ده:

https://www.visainfoservices.com

و يا ريت حد يبعتك دعوة و يذكر فيها انه حيتكفل بسكنك و تنقلاتك و مصاريفك الشخصية.

حتي لو انت اللي حتصرف من جيبك، و كمان نقيلك واحد في صحابك دول يكون بيشتغل شغلانة كويسة و دخله كويس و سمعته كويسة عشان هما بيتحروا عن مقدم الدعوة.

لو حا تعمل فيزا مع نفسك، نسبة فشلها اليومين دولت ٩٠٪ و تاخد أحلي rejected stamp و يبقي منور في الباسبور كده و ملعلع

تحياتي

[SeiffoZ]

يعنى هى اجراءات دعوة الزيارة دى ليها حوارات كتير؟؟ و لازم يكون رصيد البنك عندى بمبلغ معين؟

[Nashaat Rady]

يعنى هى اجراءات دعوة الزيارة دى ليها حوارات كتير؟؟ و لازم يكون رصيد البنك عندى بمبلغ معين؟

الصراحة ما عنديش فكرة عن إجرائتها بالظبط، انا بطلع فيزا business دائماً بجواب من شركتي.

لكن اللسايت اللي فوق فيه كل المعلومات عن جميع أنواع و ظروف استخراج الفيزا.

علي العموم كده كده لازم يبقي معاك فلوس و حساب طبعاً، انجلترا غالية غباوة...... ده كفاية التاكسي، مشوار ١٠ دقائق ١٥ ساعة و ٢٠ جنيه استرليني.

الاوتوبيس ب ٢ جنيه و ساعات ٣، يعني الاوتوبيس ب ٢٠ جنيه مصري. هههههههه

و كل حاجة علي هذا المنوال، و أوعي تنسي سجايرك لو انت مدخن، علبة السجائر من ٤ الي ٨ جنيه استرليني...

و الله الموفق

[amr.elsayed]

بص يا سيف انت بتدخل على موقع https://www.visa4uk.fco.gov.uk/
تعمل ابليكشن وبعد ما تخلصه تطبعه وخلى بالك علشان الابليكشن يتعمل فى مدة 7 ايام فقط
بعد كدة لو ليك حساب فى البنك بتطلع كشف حساب وطبعا كل ما يكون معاك فلوس اكتر كل ما يكون افضل
.............
تجمع بقى كل حاجة فى ملف كدة على جنب
1- الابليكشن
2- الدعوة مذكور فيها من يقوم بتحمل التكاليف وبيانات المدعو والداعى
3- جواب من الشغل عندك كاقرار منهم انك بتشتغل فى الشركة ومذكور فيه مرتبك الحقيقي
4- ارفق صور عقود لاى املاك ليك وكل عقد معاه الترجمة بتاعته (مهم جدا)
5- كشف حساب من البنك بمدخراتك (مهم جدا)
6- روح لاى شركة حجز طيران واطلب منهم برينت ودى بتكون حجز رحلة انت عايز تطلع عليها
7- باسبور صالح
8 - حوالى 800 جنيه تمن الفيزا لو انت اللى حتستلمها ولو حتتبعت بـ دى اتش ال بتزود حوالى 160 جنيه

وخلى بالك من جزئية وانت بتعمل الابليكشن انك تراعى ان لما بتقدم الورق للسفارة بياخد 3 اسابيع علشان ميعاد الدعوة ما يعديش
وكل حاجة فى ملفك تدور حول ضمانات انك حترجع مصر تانى
................
بعد ما تخلص كل حاجة بتحدد ميعاد مع السفارة علشان تقدم ورقك وتبصم وتتصور
وخلى معاك صور شخصية حديثة
ودة الموقع لتحديد ميعاد https://www.visainfoservices.com
وبالتوفيق

[Nashaat Rady]

بص يا سيف انت بتدخل على موقع https://www.visa4uk.fco.gov.uk/
تعمل ابليكشن وبعد ما تخلصه تطبعه وخلى بالك علشان الابليكشن يتعمل فى مدة 7 ايام فقط
بعد كدة لو ليك حساب فى البنك بتطلع كشف حساب وطبعا كل ما يكون معاك فلوس اكتر كل ما يكون افضل
.............
تجمع بقى كل حاجة فى ملف كدة على جنب
1- الابليكشن
2- الدعوة مذكور فيها من يقوم بتحمل التكاليف وبيانات المدعو والداعى
3- جواب من الشغل عندك كاقرار منهم انك بتشتغل فى الشركة ومذكور فيه مرتبك الحقيقي
4- ارفق صور عقود لاى املاك ليك وكل عقد معاه الترجمة بتاعته (مهم جدا)
5- كشف حساب من البنك بمدخراتك (مهم جدا)
6- روح لاى شركة حجز طيران واطلب منهم برينت ودى بتكون حجز رحلة انت عايز تطلع عليها
7- باسبور صالح
8 - حوالى 800 جنيه تمن الفيزا لو انت اللى حتستلمها ولو حتتبعت بـ دى اتش ال بتزود حوالى 160 جنيه

وخلى بالك من جزئية وانت بتعمل الابليكشن انك تراعى ان لما بتقدم الورق للسفارة بياخد 3 اسابيع علشان ميعاد الدعوة ما يعديش
وكل حاجة فى ملفك تدور حول ضمانات انك حترجع مصر تانى
................
بعد ما تخلص كل حاجة بتحدد ميعاد مع السفارة علشان تقدم ورقك وتبصم وتتصور
وخلى معاك صور شخصية حديثة
ودة الموقع لتحديد ميعاد https://www.visainfoservices.com
وبالتوفيق

الله ينور، هو ده الكلام، مش تقول لي اتوبيسات وسجاير.. ايه؟ تاجر شنطة؟

هو ده بظبط اللي كنت بعمله بس طبعا ما كنتش بحتاج حساب بنك ولا أملاك عشان بيبقي معايا جواب من شركتي بيفيد ان انا طالع رحلة عمل في فرع الشركة هناك.

شكرا يا سيد عمرو

[SeiffoZ]

يعنى موضوع دعوة الزيارة دى صعبة بردوا حتى لو اللى هيعملها انجليزي صرف اصيل؟؟

[kar!m]

الصراحة ما عنديش فكرة عن إجرائتها بالظبط، انا بطلع فيزا business دائماً بجواب من شركتي.

لكن اللسايت اللي فوق فيه كل المعلومات عن جميع أنواع و ظروف استخراج الفيزا.

علي العموم كده كده لازم يبقي معاك فلوس و حساب طبعاً، انجلترا غالية غباوة...... ده كفاية التاكسي، مشوار ١٠ دقائق ١٥ ساعة و ٢٠ جنيه استرليني.

الاوتوبيس ب ٢ جنيه و ساعات ٣، يعني الاوتوبيس ب ٢٠ جنيه مصري. هههههههه

و كل حاجة علي هذا المنوال، و أوعي تنسي سجايرك لو انت مدخن، علبة السجائر من ٤ الي ٨ جنيه استرليني...

و الله الموفق

انت نادرا جدا لما هتحتاج تركب تاكسي .. أنا قعدت في لندن فترة طويلة و عمري ما ركبت تاكسي الا يوم ما وصلت بس :-)

في هناك 12 خط مترو بيغطوا لندن كلها .. غير الأتوبيس و القطار.

بالنسبة للفيزا .. هي من أسهل الفيزات .. يعني لو عملت interview الأحد .. هتاخد الفيزا التلات.

بالتوفيق ان شاء الله.

[SeiffoZ]

انت نادرا جدا لما هتحتاج تركب تاكسي .. أنا قعدت في لندن فترة طويلة و عمري ما ركبت تاكسي الا يوم ما وصلت بس :-)

في هناك 12 خط مترو بيغطوا لندن كلها .. غير الأتوبيس و القطار.

بالنسبة للفيزا .. هي من أسهل الفيزات .. يعني لو عملت interview الأحد .. هتاخد الفيزا التلات.

بالتوفيق ان شاء الله.

بس هل محتاجة مبلغ معين يكون فى رصيدى فى البنك؟

[Kareem.ElAraby]

متابع

[SeiffoZ]

متابع