طلب من الاخوه اللى في 6 اكتوبر

[شكشك]

لو سمحتم كان ليا طلب بسيط من الاخوه اللي قاعدين في 6 اكتوير
انا سمعت ان فيه سماسره بيجيبوا عرايس سوريات للمصريين بمقابل 100 جنيه او 200 جنيه حسب العروسه فممكن حد يجيبلنا ارقامهم ؟

[M!SHO]

تاني :@

[Ahmed_Adham]

lol

[mido_soliman]

عايزها ايجار جديد ولا تمليك يا بيه !!!!!!!!!!!!!!!!!!

[M!SHO]

االموضوع بقى اوفر اوي

انا قاعد دلوقتى مع صديق سوري بفكر اوريله الموضوع ويرد هو عليك

بس خايف اتوقف انا :@

[rompo10]

هههههههههههههههههه المصريات انضربوا خالص

[Dr_Mido]

خد الجمل وانزل سوق عكاظ واشتريهم من التوكيل هناك وخد فاتوره

[ahmad--ezzat]

ههههههههههههههههههههههههههههههههه
منتهى العبث

[youssef_u]

روح هاتها استيراد احسن ،، ههههههههههههههههه

[احمد المصرى]

اتقى الله

[ghostmido]

لو سمحتم كان ليا طلب بسيط من الاخوه اللي قاعدين في 6 اكتوير
انا سمعت ان فيه سماسره بيجيبوا عرايس سوريات للمصريين بمقابل 100 جنيه او 200 جنيه حسب العروسه فممكن حد يجيبلنا ارقامهم ؟

يا اخى اتقى الله فالتقل خيرا او لتصمت.

[شكشك]

هههههههههههه كل الجماعه اللي اتريقوا اكيد متجوزين ... ياجدع انت وهو جاوبوا على اد السؤال
فيه النظام دا ولا مفيش ؟؟؟ انا بقول سمعت وحبيت اتأكد وبعدين بتحسسوني اني بطلب حاجه حرام
انا عايز اوصل للعائلات السوريه بس والباقي انا هتصرف فيه وعلى استعداد اجيب ليها مهر وشبكه والعقود هتكون موثقه فين الحرام هنا بقى ؟؟
وعلشان اريحكم خالص لو كان حصل العكس واحنا اللي هربنا سوريا واتقدم لاختي او لبنتي لو انا مسن اي شاب سوري وعنده اخلاق كنت هوافق ايه المشكله في كده طالما هيسترها
ولو عندك طريقه تانيه ياخويا انت وهو قولوا عليها بدل التريقه الفاضيه دي
ما هو اصل ما ينفعش اسافر اكتوبر وعلى طول اول ما اقابل واحد سوري اقوله ما عندكش عروسه وهو ما يعرفنيش لازما الموضوع يبقى بالتدريخ وفيه 1..2..3 وهو دا اللي انا قصدي عليه في اول الموضوع

[youssef_u]

السوريات دول بشر زينا علفكرة و مما مش ازازة حاجة ساقعة عشان يجيبها ب ١٠٠ ولا ٢٠٠ جنيه و مش بيشحتوا ولا بيباتو في الشارع ! بالعكس دول ناس محترمين و طيبين جدا ياريت الكلام عنهم يبقا احسن من كده

[Habd]

ليه الناس بتتريق هو عايز يتجوز سورية و الراجل هايدفع مهر و شبكة و زيها زى المصرية و ال 100 و لا 200 ج ده مش تمن العروسة دا زى الخاطبة بتاع زمان ربنا يكرمك بالزوجة الصالحة ان شاء الله

[asaeed]

يا جماعة.. أعتقد الراجل يقصد أن السمسار هو إللي بياخد 100 أو 200 جنيه مقابل التعارف على الأخت السورية إللي هتتزوج... مثله مثل الخاطبة بالضبط...
أخي الكريم صاحب الموضوع لو أنت قصدك كده.. فده مافيهوش مشاكل....
بس راعي ربنا أن يكون الزواج على سنة الله ورسوله الكريم صلى الله عليه وسلم وليس بغرض المتعة وتركها بعد فترة قصيرة... ولاحظ ما أحل بهم من جراء الطغيان في بلادهم... فيجب أن توفر لها حياة كريمة وأن تمتعها حتى تنسى ما أحل بهم