مواقف مؤثرة

[OlaOsman]

كل حد منا بتعدي عليه مواقف مؤثرة.. ممكن يكون طرف فيها و ممكن يكون شاهد عليها.. أو حتى كان معدي بس ساعة ما حصلت.. بس بالتأكيد بتأثر فينا.

امبارح كان المفروض فيه معاد لواحد من ال candidates اللي بيتعاملوا مع شركتنا مع أحد العملاء، شركة أجنبية جايين يعملوا انترفيوهات في مصر.. الكانديديت ده اتأخر عن معاد المقابلة بتاعته مع العميل و اتصلوا بينا عشان نشوفه ماجاش ليه.. زميلتي بتكلمه على الموبايل، رد عليها و هو مش مركز خالص.. بتفكره بالمعاد قال لها معلش انا آسف.. أصل أخويا مات و أبويا مات في حادثة في طريق شرم.. و بدأ يردد بهيستيرية أبويا مات و أخويا مات.. أبويا مات وأخويا مات و بدأت انا و انا واقفة جنبها أسمع صوته طالع من التليفون منهار في البكاء

طبعا موقف كان مؤثر اوي و كلنا فضلنا مبلمين بقية اليوم و مش عارفين نرجع لطبيعتنا تاني :)

الله يرحم أموات هذا الرجل و يصبره و يصبر أهل المتوفين يا رب.

مين فينا تاني يفتكر موقف مؤثر نتشارك فيه سوا؟

[hamedo0]

يااااااااااااا يا استاذه هو كل مواضيعك كده فيها شجن
انا ابويا توفي اقدام عنيا انا واخوتي وولدتي تخيلي الموقف يكون ايه
اللهم ارحم امواتنا واموات المسلمين اجمين يارب العالمين انك انت الغفور الرحيم

[Noha.M]

يااااااااااااا يا استاذه هو كل مواضيعك كده فيها شجن
انا ابويا توفي اقدام عنيا انا واخوتي وولدتي تخيلي الموقف يكون ايه
اللهم ارحم امواتنا واموات المسلمين اجمين يارب العالمين انك انت الغفور الرحيم

.................

:(

:(

ربنا يصبرك و يرحمه و يغفرله و يجعل قبره روضة من رياض الجنة

:(

:(

البقاء لله يا حميدو

:( :( :(

[hamedo0]

.................

:(

:(

ربنا يصبرك و يرحمه و يغفرله و يجعل قبره روضة من رياض الجنة

:(

:(

البقاء لله يا حميدو

:( :( :(

عظم الله اجريك يا بشمهندسه بس الموضوع ده من خمس سنين كده

[Noha.M]

عظم الله اجريك يا بشمهندسه بس الموضوع ده من خمس سنين كده

ربنا يبارك فيك يا رب


اكتر موقف مؤثر فى حياتى اكيد وفاة والدى و جواز اختى و ساعات بعض اعيط على نفسي كدة و ببقي متاثرة اوى على نفسي لو حد زعلنى

[hamedo0]

ربنا يبارك فيك يا رب


اكتر موقف مؤثر فى حياتى اكيد وفاة والدى و جواز اختى و ساعات بعض اعيط على نفسي كدة و ببقي متاثرة اوى على نفسي لو حد زعلنى

ربنا يخليكي يابشمهندسه والله هو ساعات بتيجي للواحد خنقه كده برده بس من غير ما حد يشفني

[Hassan Khalil]

من حوالي 8 سنوات ...
كان فيه ولد ضمن مجموعة من الاولاد ..كنا بنقوم ببعض الانشطة الصيفية في احد النوادي القريبة ..
كان في رابعة ابتدائي ..
و كان ولد شقي جدا .. متحرك .. لبط .. و مؤدب جدا .. و مطيع جدا ..و شاطر..و ذكي..و طيب... يعني باختصار .. التركيبة اللي تحب تشوفها في اي طفل في السن ده ..
كان الاولاد في مجموعات .. و كان هو معايا في المجموعة .. و استمر معايا لمدة سنة .. و بعدين فضلت علاقة طيبة و مميزة بيني و بينه و بين اسرته لمدة سنة اخري ...
و مرت ست .. او سبع سنوات .. و انقطعت الاتصالات تقريبا .. و مبقيتش اعرف عنه حاجة ..
لغاية ما جالي من حوالي 3 اشهر تليفون من واحد يعرف الولد ده .. و قاللي ..
احمد الفلاني... قولتله .. ماله ؟؟؟ و اقصي توقعاتي ان يكون احد اقربائه قد توفي ( وفقا لنبرة المتصل )
قاللي .. احمد توفاه الله
لا اله الا الله ...
و استرجعت السنوات سريعا .. هو عنده كام سنة .. طب هو بقي في سنة كام .. طيب اهله عاملين ايه و هو وحيدهم مع بنتين ..... طيب مات ازاي .. طيب هو فين ؟؟؟؟؟؟؟؟؟؟؟؟؟؟؟؟؟؟؟
سألت المتصل ... ازاي ... قالي .. طلق ناري!!!!!!!!!!!!!!!!!!!!!!
قلت ... نعمممممم!!! ازاي ...
قاللي لسه معرفش ....هو في المستشفي دلوقتي ....
------------------------
سبحان الله .. عرفت بعدها انه اصبح في السنة الاولي في الجامعة .. و انه كان عند ولد زميله .. و زميله بيلعب في سلاح والده .. و... حدثت المأساة ..
سبحان الله ...
الموت اقرب الينا مما نتصور ... و اقرب الي اقرب الناس الينا ..
و زي ما كنت بالاعب الولد ده في يوم من الايام و هو صغير ... كانت يدي احد الايادي التي قامت بدفنه .. و هو لسه صغير ...
ربنا يتقبله في الصالحين .. و يلهم اهله الصبر و السكينة

[WalidAdel]

ساعات بعض اعيط على نفسي كدة و ببقي متاثرة اوى على نفسي لو حد زعلنى

قد ايه الجمله دي حسستني بان الناس وحشه و مفيش حد بيراعي حد و لا حتي بيراعي مشاعره
لان الحته دي فيا بزعل اوي لما حد يضايقني و خصوصا لو كان قريب مني

ابن عمتي كان اكثر من اخ ليا فضل قاعد معانا في البيت لمدة 11 سنه و مشي و انا عندي 21 سنه و من حوالي 6 شهور كده اصحي علي صوت ابويا بيزعق في التليفون ازاي ازي كده اذا به توفاه الله و هوه في بدايه الاربعين من عمره و ترك لنا ولدين
اللحظه بقي ليسه مجتش علي فكره
سافرت البلد و اذا اخوه الثاني و الثالث بستقبلونني و كانت هذه هي اللحظه

قد ايه الموضوع ده وجعني اوي يا علا

[OlaOsman]

معلش يا جماعة.. انا عارفة ان الموضوع ده هايبقى مليان مواقف كلها نكد في نكد.. انما هي فرصة للتذكرة.. حاسة ان الحياة و مشاغلها و بريقها شغلوني اوي و لهوني.. حاسة اني عايزة لحظة أقف فيها مع نفسي و أبطل لهاث ورا الدنيا شوية.

كمان انا مسافرة بكرة ان شاء الله الساحل الشمالي و حاسة بإحساس غامض كده مش قادرة أفسره.. بس مافيش في إيدي غير اني أطلب من الله السلامة.

[OlaOsman]

ده موقف كنت قريته في إحدى كتب عبد الوهاب مطاوع الله يرحمه.. أثر فية و لسه فاكراه لحد دلوقتي بيقول فيه:
((لقد شهدت من حيث لا أرغب لحظة قدرية، سجلتها بكاميرا الذاكرة فانحفرت فيها و ظلت تطاردني بإيحائاتها الكئيبة لفترة طويلة من حياتي.

فلقد كنت في ذلك الوقت أقيم في شقة صغيرة من غرفتين في حي قريب من جامعة القاهرة التي تخرجت فيها قبل عام واحد، و كنت أمر وقتها بمرحلة كئيبة من مراحل حياتي، فلقد رحل ابي عن الحياة قبل ايام و انا في الواحد و العشرين من عمري، فتزلزل كياني كله، و رجعت بعد أيام العزاء في مدينتي الصغيرة، الى عملي بالأهرام و حياتي بهذه الشقة الصغيرة فثقلت علي وحدتي فيها و جفاني النوم، فكنت لا أستسلم له كل يوم قبل ان تشرق الشمس. و كانت شفتي هذه تقع في الدور الأرضي فوق بدروم مقسم الى غرف مستقلة تقيم بكل غرفة منها أسرة من أسر العمال و الحرفيين، و كنت في أوقات الصفاء أطلق على سكان البدروم تعبير "الناس اللي تحت"، كما كنت اتأمل حياة هؤلاء الناس.. و أعايش شواغلهم و همومهم على البعد، فقد كانت أصواتهم تتسلل الي رغما عني عبر النافذة الخلفية لغرفة نومي المطلة على منور العمارة، و كان هذا المنور هو مستراح سكان هذا البدروم في الصيف، تتسامر فيه الزوجات و البنات في الأصيل، و يجتمع فيه الرجال في المساء، فاذا تحدثوا سمعت كل ما يقولون فكأنما يتحدثون في غرقتي، ومن هذه النافذة الخلفية سمعت نبأ اختفاء الابنة الكبرى لأسرة عامل بمحل بقالة، و ولولة امها عليها و ندبها لها: (( بعد ان كبرت؟.. بعد ان كبرت تتركنا و تذهب من حيث لا نعرف؟)). و من هذه النافذة ايضا سمعت بنبأ عودتها الى أسرتها بعد ايام حين اكتشفت خداع الشاب الذي أغواها بالهرب معه و مرواغته لها في الزواج بها و كيف أبت ان تسلمه نفسها و فضلت ان ترجع لأببا "و لو ذبحها" على ان تمضي معه في طريق الضياع.

و سمعت الكثير و الكثير حتى ألفت اصوات هؤلاء "الناس اللي تحت" و اعتدت ان اميز شخصياتهم منها كما ألفت ان اسمع أحدهم يوقظ زوجته من نومها في الخامسة من صباح كل يوم لكي تذهب الى المخبز القريب و تشتري منه كمية محددة من أرغفة الخبز لتقوم بتوزيعها كراتب يومي على بعض الأسر و بعض مطاعم الفول و تعين زوجها بهذا الرزق الشحيح على حياة أسرتها، و ألفت سماع سيدة أخرى و هي توقظ زوجها باحترام شديد لكي يذهب الى عمله في محل البقالة، و كيف ينهض الرجل كل يوم و يقول لزوجته بوقار يليق بالعظماء: "صباح الخير يا فلانة” كما ألفت ان اسمع ايضا معاتبة زوجة طيبة لزوجها الوسيم المتعاجب الذي ينفق بعض دخله كعامل نقاشة على شراء زجاجة من أردأ انواع الخمور من حين الى آخر، و تذكيرها له برفق بأن ابناءه أحق بثمن هذا السم الذي يضر بصحته.
فاذا لمزته بعض الزوجات في مجلس الأصيل و نوهن بتكاسله عن العمل حتى لتضطر زوجته للعمل نيابة عنه في بعض الأيام لتلبي مطالب الأسرة سمعت نفس هذه الزوجة تدافع عنه بحرارة في غيبته و تلتمس له العذر في خلافاته مع مقاول العمل و تنفي عنه كل تقصير، فتضحك الزوجات و يغمزنها بأنه "الحب" الذي يغفر له عندها كل نقيصة!

الى ان كنت في فراشي ذات ليلة أقرأ في كتاب فاذ بي اسمع دبيب الحياة يتسلل الى بدروم "الناس اللي تحت" مع صوت الرجل الذي يوقط زوجته بائعة الخبز كل صباح. و ترقبت ان أسمع نداءه التقليدي لها مرتين او ثلاثا ثم تنهض الزوجة و تستعيد نشاطها، و اسمع وقع قدميها و هي تغادر البدروم. و لم يتأخر النداء عن موعده، لكني لاحظت هذه المرة ان صوت الرجل يعلو اكثر من المعتاد و هو يقول لها يا فلانة... يا فلانة.. اصحي قبل ما يفوتك موعد الراتب" و لم اسمع صدى للنداء و انما سمعت الرجل يعود لمحاولة ايقاظها بصوت أعلى و بشيء من الضيق:
- يا فلانة مضت ربع ساعة انا احاول ايقاظك ماذا جرى لك؟"
و لم اسمع للمرة الثانية اي اجابة، و واصل الرجل الالحاح على زوجته للاستيقاظ و قد ازداد ضيقا بكسلها فصاح: و بعدين معاكي يا فلانة؟ الف مرة طلبت منكي ان تنامي مبكرا لكي تستيقظي بسهولة بدلا من هذا العذاب كل يوم.. اصحي يا امرأة.
و لكن الزوجة واصلت الاستسلام فيما يبدو لسلطان النوم اللذيذ و لم تستجب للنداء، فازدادت نبرة الضيق في صوت زوجهتا، و مد يده اليها فيما يبدو ليهزها بعنف و هو يقول:" يا فلانة اصحي.. اصحي.. ما هذا الوخم؟ و الله لئن لم تستيقظي لأتركنك و اخرج الى عملي.. و ذنبك على جنبك!
و في كل مرة يصيج الزوجة مناديا على زوجته يتشتت تركيزي في القراءة فأضيق بهذه المقاطعة لكني أعزي نفسي بأنها لن تطول، ولن تلبث الزوجة ان تنهض من نومها معتذرة ثم يخرج الزوجان طلبا للرزق، فاذن بي أشعر بشيء طارئ يلفت انتباهي و يدفعني دفعا لمتابعة هذا " المسمع" الذي اقتحم علي خلوتي!. فلقد تحولت نبرة صوت الرجل من الضيق الى شيء من القلق و هو يقول: "يا فلانة.. يا فلانة.. ماذا جرى لك اليوم؟ اصحي.. يا بنت الناس اصحي.
ثم ازدادت نبرة القلق في صوته و خالطها لأول مرة شيئ جديد من الخوف فسمعته يقول:
يا فلانة.. يا فلانة.. استر يا رب.. استر يا رب
فتسلل بعض هذا القلق من صوته الي و وجدتني أضع الكتاب جانبا و أركز كل انتباهي معه و هو يحاول ايقاظ زوجته، و أترقب بلهفة اللحظة التي تستجيب فيها للنداء، اما هو فقد واصل النداء على زوجته بخوف متزايد و قد عادت الى صوته من جديد نبرة الرفق و العطف و اختفت نبرة الضيق و التهديد، الى ان سمعته فجأه يصرخ: الحقوني يا ناس.. الحقوني يا ناس.. فلانة ماتت.. فلانة ماتت.. لا حول و لا قوة الا بالله.. لا حول و لا قوة الا بالله!
ثم ينفجر في الصراخ و العويل و الولولة.. و تتصاعد الاحداث في هذه اللحظة القدرية المؤلمة فأسمع وقع خطوات تهرول و أصوات رجال و نساء يتحدثون.. و اسمع الرجل الذي كان قبل لحظات ينهر زوجته ساخطا لكي تنهض من نومها يولول متشكيا و يقول: اين أذهب بأولادي الخمسة يا ربي.. لماذا تركتيني في نصف الطريق يا فلانة؟.. و الجيران من سكان البدروم و من حوله يهدئون من روعه و يشدون من أزره و قد خيم على المكان كله ظل ثقيل من الكآبة و الوجوم، فلقد كانت الزوجة المكافحة بين يدي خالقها منذ وقت لا يعلمه الا الله و زوجها يحاول ايقاظها لتحرج الى الحياة و تواصل فيها الكفاح من اجل الرزق!.

و كان من سوء حظي أن شهدت هذه اللحظة القدرية بكل مفارقاتها المؤلمة، فضاعفت من اكتئايي و ضيقي و احزاني و يئست من ايه محاولة للنوم بعد ذلك فارتديت ملابسي و غادرت مسكني لأذهب لعملي بلا نوم، و رأيت و انا أغادر العمارة الرجل المنكوب يقف امام مدخلها يبكي بين عدد من جيرانه فتقدمت منه بلا سابق معرفة و واسيته في مصيبته، و سمعته و انا ابتعد عنه يقول لمن معه: ظللت اوقظها من النوم ساعة طويلة بغير ان تتحرك!.

و لأيام بعدها عجزت عن النوم في هذا المسكن الخالي فحملت حقيبتي منه و نزلت ضيقا على احد اقاربي في حي بعيد، و كلما خلوت الى نفسي سمعت صوت الرجل في مخيلتي و هو ينهر زوجته "لكسلها" و "وخمها" ثم يولول عليها بعد لحظات اخرى معلنا رحيلها عن الحياة.))

[WalidAdel]

معلش يا جماعة.. انا عارفة ان الموضوع ده هايبقى مليان مواقف كلها نكد في نكد.. انما هي فرصة للتذكرة.. حاسة ان الحياة و مشاغلها و بريقها شغلوني اوي و لهوني.. حاسة اني عايزة لحظة أقف فيها مع نفسي و أبطل لهاث ورا الدنيا شوية.

كمان انا مسافرة بكرة ان شاء الله الساحل الشمالي و حاسة بإحساس غامض كده مش قادرة أفسره.. بس مافيش في إيدي غير اني أطلب من الله السلامة.

لاحول ولاقوة الا بالله حتي الاحساس الغامض دا بيجيلك

حولي تطردي من دماغك علشان مش حتعرفي تتبسطي من الرحله و ترجعي بالسلامه

[hamedo0]

معلش يا جماعة.. انا عارفة ان الموضوع ده هايبقى مليان مواقف كلها نكد في نكد.. انما هي فرصة للتذكرة.. حاسة ان الحياة و مشاغلها و بريقها شغلوني اوي و لهوني.. حاسة اني عايزة لحظة أقف فيها مع نفسي و أبطل لهاث ورا الدنيا شوية.

كمان انا مسافرة بكرة ان شاء الله الساحل الشمالي و حاسة بإحساس غامض كده مش قادرة أفسره.. بس مافيش في إيدي غير اني أطلب من الله السلامة.

تروحي و ترجعي بالسلامه يا استاذه ان شاء الله نطمن عليكي

[Noha.M]

قد ايه الجمله دي حسستني بان الناس وحشه و مفيش حد بيراعي حد و لا حتي بيراعي مشاعره
لان الحته دي فيا بزعل اوي لما حد يضايقني و خصوصا لو كان قريب مني

ابن عمتي كان اكثر من اخ ليا فضل قاعد معانا في البيت لمدة 11 سنه و مشي و انا عندي 21 سنه و من حوالي 6 شهور كده اصحي علي صوت ابويا بيزعق في التليفون ازاي ازي كده اذا به توفاه الله و هوه في بدايه الاربعين من عمره و ترك لنا ولدين
اللحظه بقي ليسه مجتش علي فكره
سافرت البلد و اذا اخوه الثاني و الثالث بستقبلونني و كانت هذه هي اللحظه

قد ايه الموضوع ده وجعني اوي يا علا

ما هو الواحد مش بيزعل و يتاثر اوى كدة غير من الناس اللى بيعزهم و بيحبهم عشان لو ما كانش بيحبهم ماكانش هيفرقوا معاه .. فالوجع بيبقي اكتر و اعمق لما بيزعلووك .. بعدين مش هتروح تقول للناس عاملونى حلو .. هو انت بتبقي بتدى كل اللى جواك عن طيب خاطر و بتستني تقدير اللى قدامك .. فلما بتحس ان اللى قدامك اللى بتحبه و تعزه مش مقدر ولا حاسس بيبقي الوجع جاامد شوية :(

و انا بيصعب عليه اوى من الناس اللى بعزها
دى اكتر حاجة بجد بتاثر فيه

[WalidAdel]

ما هو الواحد مش بيزعل و يتاثر اوى كدة غير من الناس اللى بيعزهم و بيحبهم عشان لو ما كانش بيحبهم ماكانش هيفرقوا معاه .. فالوجع بيبقي اكتر و اعمق لما بيزعلووك .. بعدين مش هتروح تقول للناس عاملونى حلو .. هو انت بتبقي بتدى كل اللى جواك عن طيب خاطر و بتستني تقدير اللى قدامك .. فلما بتحس ان اللى قدامك اللى بتحبه و تعزه مش مقدر ولا حاسس بيبقي الوجع جاامد شوية :(

و انا بيصعب عليه اوى من الناس اللى بعزها
دى اكتر حاجة بجد بتاثر فيه

والله كلامك صح اوي كمان معلش هيا الناس بقت كده لييييه معرفش :(

[sherif_m72]

هذا من المواقف المؤثرة التى ممكن انا نعتبرها عظه بان الموت يأتى فى ميعاد ومكان محددين
من 5 سنين
كان ليه واحد من اعز اعز اصدقائى وكان وقتها بيشتغل فى انشاء مشروع من مشاريع البترول فى المنطقه الغربيه قريب من الضبعه
وكان الوقت ظهرا في يوم من ايام الشهر المبارك المهم انه كان وقتها واقف على تانك (خزان) تحت الانشاء على علو 20 م تقريبا وكان بيتابع العمل ومع حراره الشمس والصوم وظروف العمل الصحراويه لم يرى موضع قدمه فوقع من فوق التانك من هذا الارتفاع لمنتصف المسافه بسبب وجود سقاله موجوده حالت دون وصوله للارض وحين هم بالوقوف اختل توازنه مرة اخرى ووقع على الارض هذه المره ولسبب لا يعلمه الا الله لم يمت بل اصيب بشبه كسر او شرخ في قدمه وبعد الكشف عليه من دكتور المشروع صرح برباط ضاغط وراحه في الغرفه
بعد ذهابه الى الغرفه بدأ الاصدقاء يتوافدون للزياره والاطمئنان فوجودوا تورم شديد وزرقه في القدم فقاموا بحمله والذهاب مرة اخرى للدكتور حتى يرسله بسياره الاسعاف التابعه للعمل الى المستشفى حتى يتم عمل الاشاعات والفحوص الازمه فتحجج الطبيب بان الوقت مش مناسب وانه لايستطيع ان يترك الموقع بدون سياره اسعاف
فتعجب الزملاء والاصدقاء وبدأوا يتوافدون للمطالبه بحق زميلهم وبعد فتره بسيطه من المفاوضات وعلى الصوت والمطالبه بالحق وفق الطبيب على ارسال سيارة الاسعاف الى المستشفى وكان اختياره لمستشفى فى الاسكندريه والله اعلم ما السبب فى هذا
كان وقتها الوقت عصرا فأتت الاسعاف ووضعوا صديقى فيها وكان معه الممرض وصديق له كمرافق بالاضافه للسائق وبدأت الرحله
السائق والممرض من سكان الاسكندريه وكذلك المصاب والمرافق وطبعا فى ايام رمضان
ولكم ان تتخيلوا كم كانت سرعته في سباق الريح حتى يستطيع ان يوصل المصاب للمستشفى واللحاق باهله على مائده الافطار كانت سرعه جنونيه خصوصا وان الطريق فاضى
بعد قطع اكثر من نص المسافه حدثت المأساه الكبرى
انفجر الاطار واصبحت الاسعاف كقطعة حجر مقذوفه تتقلب على الطريق
وبعد هدوء الموقف وثبات السياره واستعادة المرافق لوعيه وتركيزه بدأبالبحث عن صديقى وصديقه فلم يجده فنادى عليه عله وقع تحت الشازلونج فلم يجيبه ونادى على السائق والممرض وايضا لم يتلقى رد
فجاهد كثيرا ليخرج خارج السياره التى كان زجاجها مهشما
وبعد خروجه بدأ يبحث بأصرار وجديه اكبر بعد تاكده انه حيى وغير مصاب الا ببعض الخدوش (ولله حكمه فى ذلك)نظر للامام داخل كابينه السائق فوجد الممرض والسائق اقرب ما يكون الى الموت او اعتقدهم كذلك
ونادى على زميله مرة واثنان ومرات كثيرة ولم يتلقى الرد بل ولم يجد احدا للمساعده اساسا
ونظر على الطريق القادمين منه فوجد كومه لم يميزها فذهب ليرى عن قرب
فأذا بها بقايا صديقى وصاحبى واخى العزيز (بقايا -ليس جسدا كاملا) مهروسا ومفتتا
انا الله لقادر على كل شيء
المرافق هذا من النوع الجبان جدا جدا من ناحيه الدم والموت والجثث وهذه الامور انما الله اعطى له صلابه وقوه وبـأس شديد على ما بالاه وبدون مساعده (طوال هذه الفتره لم تمر سياره واحده)
فذهب يجمع الاشلاء من كل الجوانب الى ان اتمها كامله وجمعها بعيدا عن الطريق وقام بتغطيتها وبعد هذا لم يشعر بأ شيء الا بعدما افاق في المستشفى بعد ايام وهو في حالة هيستريا اقرب للجنون
وما زال هذا الشخص تنتابه بعض الحالات العصبيه بسبب هذا الموقف الصعب
هل ادركتم ان هذا المكان هو مكان وفاته وميعاده وليس غير ذلك
والله والله انا الموضوع ده انا بكتبه من ساعه تقريبا ومكنتش عارف اكمله لانه بيفكرنى بالحادثه وصاحبى وصديقى واخويا
والله انا بكتبه وانا ماسك نفسي بالعافيه وكل اما اكتب جمله الاقى نفيى مش قادر اكتب التانيه بس اصريت على انى اتمه بسبب العظه وزيادة الايمان بالله