أفكار في الصناعة ....

[MaZaGAngeE]

في مصر خامات طبيعية كتيرة جدا و طول الفترة اللي فاتت كانت الخامات المصرية يتم تصديرها بملاليم و استيرادها مصنعه بملايين ...

و احب افيد اخواتي من اعضاء المنتدى اللي عندهم امل في بكرة افضل بمجموعه افكار و لو حد مهتم بفكرة منهم اقدر اساعده في تنفيذها و ادارتها

1- الرمل الزجاجي :
او رمل السيليكون و موجود في سينا و البحر الاحمر و بيكون رملة لونها فاتح جدا و بيتم استخراجها و تكسيرها و غسلها و تصنيفها على حسب نسبة الحديد و الاكاسيد ...
و يتم استخدامها في صناعة الزجاج ( كريستال عصفور تاني افضل مصنع زجاج في العالم بسبب نقاء الخام)
و تستخدم كمان في صناعة الدوائر الاكترونية و البوردات و صناعات تانية كتيرة جدا ممكن نبقى نناقشها في وقت تاني


2- الفوسفات :
موجود في اسوان و الفيوم و اماكن تانية و ده حجر يتم تكسيره و طحنه و بيدخل في صناعات الاسمدة و المنظفات و المواد الكيماوية

3- الرخام :
موجود في اماكن كتير في البحر الاحمر و المنيا و الصعيد و يتم تصديره حجر خام للصين و هناك يتم تقطيعه و تجليته و اعادة تصديره على انه منتج صيني

4- كربونات الكالسيوم :
الحجر الجيري موجود في المنيا و شمال سينا و السويس و يدخل في صناعات البويات و الاسمدة و البلاستيك والورق و فيه موضوع كنت عامله عن دراسة جدوى ليه في المنتدى

5- الطفلة :
موجودة في اماكن كتيرة جدا و اجودها في اسوان و بني سويف و دهشور و تدخل في صناعة الاسمنت و الورق و الاسمدة و الطوب الطفلي و حاجات تانية كتيرة

6- الرمل :
موجود في اماكن كتيرة جدا و منه انواع تستخدم في فلاتر المياه في محطات المياه و الصرف الصحي و منه انواع تستخدم في المحارة و في البناء

7- الزلط :
الزلط يستخدم في فلاتر المياه في محططات المياه و الصرف الصحي و البناء و رصف الطرق و الكباري

8- الدولوميت :
موجود في السويس و يستخدم في صناعات كتير اهمها المنظفات و الكيماويات

9- اكسيد الحديد :
الاحمر و الاصفر و يوجد في غرب قنا و سوهاج و يستخدم في صناعات كيماوية كتيرة جدا

10- الدهب :
في الصحرا الغربية و اسوان

11- الامونيوم :
في سوهاج و انقى درجات في العالم و يستخدم في صناعات الادوات المنزلية و الصناعات الهندسية


دول مجموعه من الخامات الطبيعية الموجودة في الجبال و الصحارى المصرية .

نيجي بقى لمشاكل الصناعات دي :
1- تكلفة المعدات العالية
2- مشاكل وضع اليد مع العرب في المناطق الصحراوية
3- تكلفة نقل المنتج من المحاجر الى الموانيء
4- لا يوجد دعم حكومي للمصدرين
5- التراخيص و الاوراق الحكومية الخاصة بالتصدير

مميزات الصناعات التعدينية :
1- ربحية عالية جدا
2- سهولة التطوير و القدرة على انتاج منتجات متعددة من نفس الخامات و بنفس خط الانتاج مع تعديلات بسيطة
3- الطلب العالمي العالي جدا على الخامات المصرية لجودتها العالية جدا
4- التسويق ممكن باستخدام مواقع التجارة بين الشركات

[hossam_elwani]

كل المشكله فى الاداره والفساد المتجذر فى كل ارجاء مصر كل الخيرات دى الى حطين اديهم عليها عتاولت البلد على فكره وكل واحد محمى بإمبراطوريه وعلاقات فاسده متشعبه

الصبر طيب

[MaZaGAngeE]

كلامك فيه جزء صحيح
بس اللي عايز يشتغل هيقدر و هيكسب كويس

[ياسر مصطفي]

مجهود رائع تشكر عليه يا باشا
كل ده كلام زي الفل
بس اعتقد محتاج فلوس كتير وحضرتك ذكرت مشاكل تواجه الصناعات دي وكل فقرة فيها
ممكن يبقي تحت منها 5 بنود
بس هي حاجة كويسه وجميلة جدا لا شك في هذا
محتاجة راس مال كبير عشان كل الصوعبات دي تتحل

[MaZaGAngeE]

مجهود رائع تشكر عليه يا باشا
كل ده كلام زي الفل
بس اعتقد محتاج فلوس كتير وحضرتك ذكرت مشاكل تواجه الصناعات دي وكل فقرة فيها
ممكن يبقي تحت منها 5 بنود
بس هي حاجة كويسه وجميلة جدا لا شك في هذا
محتاجة راس مال كبير عشان كل الصوعبات دي تتحل

فعلا الصناعات التعدينية تحتاج راس مال مش صغير لكن ربحيتها عالية جدا و اللي هتدفعه اول سنة هتاخده مرتين او تلاتة اسرع من اي مشروع تاني

و بحكم خبرتي في انشاء و ادارة المشروعات التعدينية اقولك ان الامور بقت اسهل و اسرع بكتير جدا عن قبل الثورة ..
انت ممكن تعمل اوراق الشركة و التراخيص في خلال شهرين بعد ما كنت بتدفع رشاوي بالهبل و تستنى من سنة لسنتين على نا الورق يخلص

[MTAK]

و الله جزاك الله كل خير

و بصراحه انا متابع لك من اول دراسه الجدوى لمشروعك الى موضوعك هذا

بالفعل انت عاوز ناس معاها فلوس و فلوس محترمه ( مش هاقول كتيره) بالاضافه الى عدم وجود خبرة تلك المشاريع عند معظمنا

ايه رأيك تعمل مشروع و تطرحه للأكتتاب مثلا

[MaZaGAngeE]

و الله جزاك الله كل خير

و بصراحه انا متابع لك من اول دراسه الجدوى لمشروعك الى موضوعك هذا

بالفعل انت عاوز ناس معاها فلوس و فلوس محترمه ( مش هاقول كتيره) بالاضافه الى عدم وجود خبرة تلك المشاريع عند معظمنا

ايه رأيك تعمل مشروع و تطرحه للأكتتاب مثلا

ياباشا انا ليا الشرف انك متابع موضوعاتي المتواضعه ...
انا بنشر الموضوعات دي عشان الناس تعرف و تفهم مش عشان عايز حد يشاركني او يمول مشروعي
و على فكرة انا عملت مصنع الماسترباتش بتاعي فيالعبور و اتشرف بزيارتك ليا ...

انا بس عايز الناس تتشجع على الصناعه بدال ما همه فاكرينها لوغاريتمات و حاجات من الفضاء ...
الصناعه فيها مشاكل ؟ طب و ايه في الحياة مفيهوش مشاكل ؟
صعبة ؟ و ايه في النيا سهل ؟

مربحة ؟ طبعا و ربحيتها عالية كمان ................ بس اللي عنده الشجاعه يدخلها .

فكرة الاكتتاب دي انا مفكرتش فيها قبل كده ............... ماشي انا موافق عليها و نعمل مصنع نايل موتورز
بس دي نعملها ازاي ؟

[canner]

و حضرتك بتتكلم فى الموضوع ده فكرتنى بحلم كنت بحلم بيه زمان الا و هى تصنيع عربية من اولها الى اخرها مصرية

و كانت الفكرة اللى اجيب bom او قائمة خامات العربية و اعملها دراسة و تصميم و صناعة لكل بند فى القايمة و الدراسة

دى داخل فيها تطوير البند و كيفية تصنيعة بأرخص طرق

يالا ذكريات ربنا يكرمنا و نشوف كل ده على ارض الواقع

[MaZaGAngeE]

و حضرتك بتتكلم فى الموضوع ده فكرتنى بحلم كنت بحلم بيه زمان الا و هى تصنيع عربية من اولها الى اخرها مصرية

و كانت الفكرة اللى اجيب bom او قائمة خامات العربية و اعملها دراسة و تصميم و صناعة لكل بند فى القايمة و الدراسة

دى داخل فيها تطوير البند و كيفية تصنيعة بأرخص طرق

يالا ذكريات ربنا يكرمنا و نشوف كل ده على ارض الواقع

ذكريات ................. اشتغل و فكر معايا نعمل موضوعات عن الصناعة و نفيد الناس

على فكرة صناعة السيارات قايمة على الصناعات المغذية و اللي في اغلبها بتكون صغيرة و عائلية .

[S O P H O S]

هو فعلا عاوزين ادارة للافكار دي علشان تتحقق

[MaZaGAngeE]

هو فعلا عاوزين ادارة للافكار دي علشان تتحقق

صحيح الادارة الحكومية و التسهيلات ضرورة
لكن انت ممكن تعمل حاجة لو عندك اصرار و قدرة على الحركة و صدقني نجاحنا في المجالات دي اكيد و مضمون لانها بتبيع نفسها

[canner]

ذكريات ................. اشتغل و فكر معايا نعمل موضوعات عن الصناعة و نفيد الناس

على فكرة صناعة السيارات قايمة على الصناعات المغذية و اللي في اغلبها بتكون صغيرة و عائلية .

فكرتى كانت قايمة على اساس تكوين فريق عمل مكون من كل الافراد اللازمين لانتاج كل بند على حدا فى السيارة و الفريق ده مكون من المهندس و المحاسب و الفنى الى اخره تقدر تقول انه مشروع قومى بس فى مجال العمل اتعلمت ان فى مصر صعب جدا قبول فكرة فريق العمل و للاسف الموضوع بقى احلام بالنسبة ليا

[Sherifmt]

مجهود رائع تشكر عليه يا باشا
كل ده كلام زي الفل
بس اعتقد محتاج فلوس كتير وحضرتك ذكرت مشاكل تواجه الصناعات دي وكل فقرة فيها
ممكن يبقي تحت منها 5 بنود
بس هي حاجة كويسه وجميلة جدا لا شك في هذا
محتاجة راس مال كبير عشان كل الصوعبات دي تتحل

طيب يا جماعة الخير.... هنحتاج حوالي كام تقريبا ؟ ياريت تكملو جميلكم بعملومات أكتر انا بحلم أرجع بلدي وافيدها بمشروع قريبه من كلامكم لكن انتاج حيواني مش صناعي وغيري كتير مصريين نتمني نبدأ تاني في مصر لكن مع عدم توافر معلومات كافية ودقيقة بتخلينا نتجنبها علشان المخاطرة والجهل للأسف ...ياريت تشجعونا بتفاصيل او لو امكن تساعدونا بمواقع لدراسات جدوي عمليه ومتوسطة الأحتياج لراس المال وشكرا لمجهودكم تحياتي ودعواتي من مكة

[MaZaGAngeE]

طيب يا جماعة الخير.... هنحتاج حوالي كام تقريبا ؟ ياريت تكملو جميلكم بعملومات أكتر انا بحلم أرجع بلدي وافيدها بمشروع قريبه من كلامكم لكن انتاج حيواني مش صناعي وغيري كتير مصريين نتمني نبدأ تاني في مصر لكن مع عدم توافر معلومات كافية ودقيقة بتخلينا نتجنبها علشان المخاطرة والجهل للأسف ...ياريت تشجعونا بتفاصيل او لو امكن تساعدونا بمواقع لدراسات جدوي عمليه ومتوسطة الأحتياج لراس المال وشكرا لمجهودكم تحياتي ودعواتي من مكة

المعلومات موجودة و الناس اللي فاهمين موجودين
انا عملت دراستين جدوى لمشروعين نفذتهم فعليا هنا في المنتدى
كربونات الكالسيوم
الماسترباتش

انا بخاف من الانتاج الحيواني عشان المرض لكن التعامل مع الماكينات اقل خطورة

عادة دراسات الجدوى بتكون بفلوس مش قليلة و بتعملها مكاتب الا لو حد بينشر دراسات هوه عملها بنفسه عشان كده قليل ما هتلاقي حاجات منشورة بتفاصيلها

لو بتفكر في مشروع صناعي تعديني انا ممكن اساعدك على قد ما اقدر

[MaZaGAngeE]

طيب يا جماعة الخير.... هنحتاج حوالي كام تقريبا ؟ ياريت تكملو جميلكم بعملومات أكتر انا بحلم أرجع بلدي وافيدها بمشروع قريبه من كلامكم لكن انتاج حيواني مش صناعي وغيري كتير مصريين نتمني نبدأ تاني في مصر لكن مع عدم توافر معلومات كافية ودقيقة بتخلينا نتجنبها علشان المخاطرة والجهل للأسف ...ياريت تشجعونا بتفاصيل او لو امكن تساعدونا بمواقع لدراسات جدوي عمليه ومتوسطة الأحتياج لراس المال وشكرا لمجهودكم تحياتي ودعواتي من مكة

المعلومات موجودة و الناس اللي فاهمين موجودين
انا عملت دراستين جدوى لمشروعين نفذتهم فعليا هنا في المنتدى
كربونات الكالسيوم
الماسترباتش

انا بخاف من الانتاج الحيواني عشان المرض لكن التعامل مع الماكينات اقل خطورة

عادة دراسات الجدوى بتكون بفلوس مش قليلة و بتعملها مكاتب الا لو حد بينشر دراسات هوه عملها بنفسه عشان كده قليل ما هتلاقي حاجات منشورة بتفاصيلها

لو بتفكر في مشروع صناعي تعديني انا ممكن اساعدك على قد ما اقدر