اريد الحل

[amr100]

انا في المكتب الخاص بالعمل تم فرش موكيت جديد ومن ساعة ما تم فرش الموكيت كل حاجة في الغرفة

بتكهرب امسك الدولاب يكهرب امسك الكمبيوتر اتكهرب افتح درج المكتب اتكهرب امسك اي حاجة اتكهرب

واصبح الوضع بايخ لدرجة اجي اسلم على حد يتكهرب اريد حل لتفريغ الشحنات الكهربائية الصادرة من

الموكيت او ما هو العازل اللي ينفع فما هو السبب وكيفية حل المشكلة افادكم الله

[friendship7897]

متابعة ومنتظرة مشاركات الأعضاء اللي عندهم فكرة عن الموضوع دا
لأني زادت عندي هذه الشحنة من فترة مش بعيدة
بالرغم أنه لم يتم تغيير موكيت أو أي مثل كالمضاف عند حضرتك
وفعلاً بتكهرب من طرابيزة التليفزيون والكمبيوتر والدولاب
وعند تغيير ملايات السرير
وعند لمس أحد أبنائي ( وممكن تطلع شرار )
على فكرة مش بهزر .
بس اللي أعرفه إن دي طاقة كهربائية كامنة او خاملة وموجود عند جميع البشر ولكنها تتفاوت قوتها وشدتها من شخص لأخر .
وفيه أحد الأصدقاء نصحني بتطويل فترة السجود
وفعلاً بعمل كدة ومخففه شدة الكهربة ولكن مش لاغيها

[ابو لؤى]

انا بتكهرب من باب العربيه وساعت الموبايل من شده الصعقه يقع على الارض بحس ان الناس بتقول ماله ده اعصابه بايظه ليه كده

[mohamed_selim]

حد فاكر زمان لما كنا نمسك قلم بيك و نحركه على شعرنا رايح جاى و بعدين نحطه قريب من ورق متقطع صغير و يشده؟؟ اهو نفس الفكره الكهربا الاستاتيكيه بتيجى من احتكاك بجسم له ملمس الصوف .. الموكيت او فرش عربيه او بلوفر ..... هى مش مؤذيه بقدر ما هى بتوجع احيانا و بتفاجأ اللى قدامك ...
الحل اما الخلاص من سبب المشكله (مثلا تغيير الموكيت و ده مش حل مناسب طبعا بما انه لسه راكب) يبقى الحل التانى تفريغ الشحنه و دى ممكن تعملها بسهوله .... هات اى اسوره معدن و وصلها بسلك او سلسله و اربطها فى المكتب (الجزء المعدن) و البس الاسوره و انت قاعد على المكتب هتسحب اى شحنه .... عارف ان فى مراكز الابحاث اللى فيها دواير الكترونيه او مراكز الصيانه المحترمه الموضوع ده لازم و الا ممكن الكهربا الاستاتيكيه دى تبوظ بوردات :)

انا ساعات بتحصلى القصه دى بس مش دايما و بتكون ليها علاقه بلبس معين :)

[mohammadrashee]

المشكله في نوع الحذاء اللي حضرتك لابسه غيره بحذاء يكون نعله من ماده مختلفه هتتحل الموضوع
ولغايه ما تغيره حاول تمسك حاجه حديد طول مانت قاعد يعني انت اللي متكهرب مش الموكيت

[amr100]

لا ليس الحذاء لان كل من يدخل المكتب يحس بالكهرباء و لكن بدرجات متفاوته

[mohammadrashee]

لا ليس الحذاء لان كل من يدخل المكتب يحس بالكهرباء و لكن بدرجات متفاوته

الفرق في نوع النعل انا عندي ماكينه بلاستيك عندما اكون مرتدي حذاء نعله بلاستيك او صناعي لازم اتكهرب ولما اكون مردتي اي حذاء آخر سيفتي او غيره لا اتكهرب
وبعدين نوع الموكيت فيه بوليستر كتير عشان كده بيكهرب اكتر جرب اعمل ارضى للموكيت هتقولي ماهو على الأرض هقولك الظهر اللي على الأرض عامل عازل
ديه فكره فقط جربها يمكن تنفع
وايضا الأخت اللى بتتكهرب هي وولادها غيري الشبشب اللي انتي لابساه وجربي