ضميري بيوجعني من قطة

[Al-Farooq]

وفى نفس الوقت حرام القطه تتساب بره لانها كده هتموت لان الشيرازي ميقدرش يتأقلم على الحياة بره الشقة

بالمناسبة ، في قطة شيرازي شكلها مطرود من بيت بردو و بقت شوارع عادي ومتأقلمه وبشوفها زي القطط العادية ، وبلاحظ على فكرة ان اغلب القطط بتبعد عنها مش العكس مش عارف ليه ، يعني اعتقد انهم لو اتخانقوا معاها يبقي هي اللى بتجر شكل معاهم lol ، يعني لو شوفتها ماشية فى طريقها وفي قطط شافتها جايه عليهم بلاقيهم يستخبوا منها اكنهم شافوا مخلوق غريب ;d

[dolly13]

استاذ كريم
تحياتى اولا
ثانيا بالنسبة لسقوط الشعر طالما من كامل جسمها يبقى ده راجع لوجود ديدان فى بطنها والديدان غير معدية للبشر وبيتم اخذ دواء بيطرى له
افضل حل للقطة دى ان حضرتك تكشف عليها عند بيطرى ولما ترجع لشكلها الطبيعى تهاديها لحد معرفة يكون بيحب القطط لكن حكاية انها تترمى فى الشارع دى هاتبقى صعبة اوى
او تفضل على الاقل بالوضع الحالى انها تاخد اكلها وشربها برة الشقة وعلى الاقل هاتبقى مطمن عليها شوية
ربنا يوفقك للحل السليم

[mOuStaFa_ERTU]

ممكن تعليقى مايكنش فى صمييم الموضوع بس فعلا فى ناس كتير بتشترى الحيوانات الاليفه وبعد كده تكتشف انها مش قد المسئوليه وترميهم.
يعنى انا فوجأت من اسبوع نازل اصلى العصر لائيت كلبه ( جيرفون ) و3 جراوى فى الشارع وبيشربوا من المجارى وشكلهم بقه يصعب على الكافر فضلت احسبن على اللى رماهم الشارع علما ان فى 4 محلات حيوانات اليفه فى نطاق 100متر حول المنزل

[moody_687]

نصيحتى ليك بصفتى كنت من مربين القطط لاكثر من مرة :
لو حضرتك عايز ترجع القطه دى تانى بيتك ( وطبعا فى وجود حاله الهلع منها ) احب اقولك ان الموضوع بسيط جدا . انت خايف من ايه ؟ براغيث ؟ جرب ؟ طفيليات ؟
كل دة حله بسيط . وديها لاى دكتور بيطرى او حتى صيدلى بيطرى يشوفها لو حامل ولا لأ . لو طلعت مش حامل هتعمل الاتى : 1- حميها بصابونه كبريت واوعى الميه تيجى فى ودنها وتسيب الصابون عليها 4 دقائق وتكون الميه سخنه مش فاترة لا ازيد من الفاترة ( طبعا مش سخنه قوى بس الحركه دى هتلاقى القطه هاديه جدا فى الاستحمام ومش هتخاف من الميه ومش هتخربش ) . 2- فى امبولات ( مش حقن دة لوسيون بييجى فى امبولات زى اللبوس كدة ) الامبولات دى بتفتحها وتضع لها 7 نقط فى منطقه الكتف عن طريق تفريق الشعر للوصول للجلد الفعلى والتنقيط كل نقطه فى مكان لكن كل الاماكن فى منطقه ما بين الكتفين والرقبه . النقط دى اسمها ( ريفوليوشن 25جنيه ) او ( بارس 15 جنيه ) ودة بييجى من اى صيدليه بيطريه او عيادة . و النقط دى بقى بتقضى نهائيا على البراغيث وبيضها والجرب وكل الطفيليات الاخرى حتى ديدان البطن لمدة سنه كامله . ما تنساشان كل دة لو طلعت مش حامل .
لو طلعت القطه حامل : 1- الدش المحترم بصابون الكبريت مرة كل اسوع لغايه 4 اسابيع . 2- شراء طوق مضاد للبراغيث دة تقريبا ب 40 جنيه وبيقعد 4 شهور تقريبا . 3- اعطاء مضادات الطفيليات فى صورة شراب يخلط مع الاكل ( لو طلعت حامل خلى البيطرى يكتب لك مضاد الطفيليات دة )
وفى كلتا الحالات استخدم مطهر ومنظف فى ارجاء البيت وخاصه السجاد وابقى امسح الاركان بممسحه ( شراشف ) مضاف اليها الجاز او الكلور . وبلاش المبيد خاصه فى وجود اطفال وقطط .

فى الاجمال المشكله مش صعبه قوى كدة . بصراحه انا مش عايز اقطع قلبك اكتر من كدة لكن احب اصارحك ان القطه لو حامل خليك عارف انها عايزة تدخل عندك لان بيتك هو الامان بالنسبه ليها ولو هتختار مكان تولد فيه يبقى بيتك . هى ماغلطتش هى ربنا خلقها علشان كدة ( تستكشف كل شئ وتبحث وتتكاثر ) دة مخلوق مش مكلف . فاهمنى ؟

مفيش كلام اكتر من ده احيك اخى الكريم
ويااستاذ كريم متخليش مراتك تخاف منها عشان هى حاسة كده بانه غير مرغوب فيها وممكن يجيلها حالة نفسية فلا داعى للهلع منها عشان ببساطة زى مااخي الكريم ماقال انها ممكن تنضف عادي عشان لو سيبتها ف الشارع ذنبها ف رقبتك لانك تخليت عنها

[moody_687]

ممكن تعليقى مايكنش فى صمييم الموضوع بس فعلا فى ناس كتير بتشترى الحيوانات الاليفه وبعد كده تكتشف انها مش قد المسئوليه وترميهم.
يعنى انا فوجأت من اسبوع نازل اصلى العصر لائيت كلبه ( جيرفون ) و3 جراوى فى الشارع وبيشربوا من المجارى وشكلهم بقه يصعب على الكافر فضلت احسبن على اللى رماهم الشارع علما ان فى 4 محلات حيوانات اليفه فى نطاق 100متر حول المنزل

وربنا انا ماعارف اقول ايه عايزين ربنا يرحمنا واحنا مش راحمين ارواحه !!!!
ربنا يهدي الناس اللي بتعمل كده

[Karim_Monir]

يا جماعه انا مربي سابق لجميع انواع الحيوانت الاليفة
حمام بانواعه وكلاب بانواعها وقطط وعصافير وببغاوات و ورل وحرباية غير اسماك الزينة باواعها واحجامها
المشكلة المرة دي ان زوجتي رفضت تماما دخولها الشقة
وبتكتفي باطعامها برة البيت
ومفيش محل ولا شخص هايرضي ياخدها بالشكل ده
وانا مش هاقدر امسكخا احميها عشان هاتخربشني لانها بقت تشوفنا تجري

د.احمد
انت عارف ان زوجتي اول كلمة قالتهالي بعد ما كتبت الموضوع ده ؟
قالتلي د.احمد عبد الرحمن رد في الموضوع ؟؟
قولتها لسه
قالتلي لما يرد اديني اللينك اقرا غير كدة لاء :-)
ربنا يسامحك ياللي في بالي يا بتاع البسطرمة انت :-)

[lanos2004]

انته الي معرفتش تربي القطه كويس

[KemozTanta]

أنا بدعي ليل نهار القط اللي عندي يهرب ومش عارف اخلص منه ازاى لان اختي متمسكة بيه اكنه ابنها
عموما صحة ولادك بالدنيا .. أتبرع بيها لإي محل قطط او لاي شخص .. اعمل اعلان علي الانترنت بدون مقابل حد مهتم بالقطط يرابيها
وتبقي خليت مسئوليتك من القصة دي.

[micromoud]

عادى جدا ياباشا متدخلهاش البيت ولما تيجى على بابا البيت وتنونو حطلها اكل واقفل الباب تانى ومع الوقت هتتعايش مع قطط الشارع عادى وهتشوف رزقها معاهم

[ابو لؤى]

مستر كريم وزعها ياباشا اديها لاى محل بيع حيوانات ببلاش هتوجع دماغك ليه وتشيل ذنبها

[Ahmed A Rahman]

د.احمد
انت عارف ان زوجتي اول كلمة قالتهالي بعد ما كتبت الموضوع ده ؟
قالتلي د.احمد عبد الرحمن رد في الموضوع ؟؟
قولتها لسه
قالتلي لما يرد اديني اللينك اقرا غير كدة لاء :-)
ربنا يسامحك ياللي في بالي يا بتاع البسطرمة انت :-)

هههههههههههههههه ربنا يكرمك يا باشا
على العموم بتاع البسطرمة احسن من اللي بالي بالك

[Karim_Monir]

بسطرمة
توم
مزروعات
ماشي يا احمد :-)
انا عديت علي المحل واتفقت معاهم قالي لو نضيفة
جيت لقيتها مش نضيفة دول عشر ايام برة
معايز ادخلها احميها وطبعا للو عملت كدة هاتتبرعولي بمكان انام فيه خاصة لو دخلت مش هاتبطل نونوة ده بافتراض اني عرفت احميها
هاوديها المحل بكرة واشوف هايرضو ياخدوها ولا تقضي حياتها عالسلم :-(

[mohamed_selim]

ادفعله انت فلوس و قوله حميها و فهمه انها بنت ناس بس باتت بره و انك راجل صعيدى معندكش قطط تبات بره و هو هيتفهم و يستر عليها :)

[Nashaat Rady]

انا آخر قط كان عندي اديته لمحل ببلاش قبل الجواز....

القط ده كان ليهرب كل اسبوع مرة، و كان بيطلع من الشباك و يمشي علي الحيط زي الصرصار و يخش عند الجيران، و جاري يقوم جايبه و رميه في وشي و يقولي انا مش عايز الموضوع ده يتكرر.. قلتله اديه سامع بنفسه اهو... هههههههه

ياما رجع مضروب من الشارع، و افضل احمي و أطعم و حلقتله ٤ مرات الحيوان عشان نلاقي الجروح، كان شيرازي علي سيامي.

و كنت حزين جداً و انا بسيبه مع ذلك. بس قعدت افكر كده مع نفسي....

قلت يا واد يا نشأت، مش القطط أصلا غدارة، يبقي تزعل ليه؟؟؟ هو اللي جابوا لنفسه

ليه رب اسمه الكريم.