إعـــــــلان

Collapse

.

,
See more
See less

سؤال عن افضل مدارس مصر الجديده و الزيتون

Collapse
X
 
  • Filter
  • الوقت
  • Show
Clear All
new posts

  • سؤال عن افضل مدارس مصر الجديده و الزيتون

    فيه مدارس ايه كويسه قريبه من مصر الجديده او الزيتون (انا ساكن فى النعام عين شمس)
    و انهو افضل بشكل عام المدارس الخاصه و لا المدارس التجريبى ؟؟ لأن دى نقطه خلاف بيني و بين المدام اللى مقتنعه بالمدارس التجريبى اللغات و انا مش مقتنع ان فيه حاجه تبع الحكومه و يكون مستواها نضيف
    - و من وجهة نظركم انهو افضل انى ادخله مدرسه عربى و لا لغات
    و تقريبا متوسط المصاريف كام فى السنه - انا عامل حسابى فى رانج 5 الاف

  • #2
    بص مادام هتدفع يبقى دخله لغات وخاص مدارس الحكومه مافيش منها رجا

    بالنسبه للمدارس بقى القريبه منك فى النزهه فرع الحجاز والفاروق قدامها فى شارع على عبد الرازق موزاى لعمار ابن ياسر بس دول بياخدوا سن كبير
    عندك سان بيتر وسان رايز وسانت فاتيما فى شارع الحجاز وعبد الرحمن الرافعى
    فى مودرن سكول بردو فى عمار ابن ياسر
    لو بتدور على تجريبى يبقى يحيى الرافعى وعمر بن الخطاب ودول بياخدو من 7 سنين

    وربنا يوفقك ان شاء الله

    Comment


    • #3
      المشاركة الأصلية كتبت بواسطة korkor مشاهدة المشاركة
      بص مادام هتدفع يبقى دخله لغات وخاص مدارس الحكومه مافيش منها رجا

      بالنسبه للمدارس بقى القريبه منك فى النزهه فرع الحجاز والفاروق قدامها فى شارع على عبد الرازق موزاى لعمار ابن ياسر بس دول بياخدوا سن كبير
      عندك سان بيتر وسان رايز وسانت فاتيما فى شارع الحجاز وعبد الرحمن الرافعى
      فى مودرن سكول بردو فى عمار ابن ياسر
      لو بتدور على تجريبى يبقى يحيى الرافعى وعمر بن الخطاب ودول بياخدو من 7 سنين

      وربنا يوفقك ان شاء الله
      المشكله ان ابنى 4 سنين و نص تقريبا - و بالتالى صعب انى استنى لسن 7 سنين عشان ادخله المدرسه
      و كمان هو متأخر فى الكلام (يعنى بيتكلم بس كلامه مش واضح) و هو على فكره دلقوتى فى Kg1 فى مدرسة ابو زهره الاسلاميه و عارف المبادئ ( يعنى يعد من 1 لغايه 10 بالعربى و الانجليزي و الحروف العربى و الانجليزي) - و بصراحه مافيش شكوى من المدرسه دى لكن انا بسأل علشان لو فيه افضل لأنى اسمع ان المدارس النضيفه مش بتقبل حد من بره
      طبعا عارف انه للأسف غالبا حيطر يعيد KG1 تانى بسبب السن بس مش مشكله

      بالنسبه لمدرسه الفاروق عمر سمعت ناس كتير اوى بيشكرو فيها بس مشكلتها انها غاليه (7 الاف ) و بصراحه ده حيبقى كتير عليا علشان عندى بنت تانيه وراه السنه اللى جايه
      سان بيتر برضه سمعت ان مبالغها فلكيه (20 الف و حجات تخض كده )

      مدرسه النزهه حسأل عنها و برضه سان رايز وسانت فاتيما (اكون شاكر لو قولتلى على متوسط اسعارهم)
      مودرن سكول مش دى فى شارع احمد عصمت ؟؟

      Comment


      • #4
        المشاركة الأصلية كتبت بواسطة khaled_sabry مشاهدة المشاركة
        المشكله ان ابنى 4 سنين و نص تقريبا - و بالتالى صعب انى استنى لسن 7 سنين عشان ادخله المدرسه
        و كمان هو متأخر فى الكلام (يعنى بيتكلم بس كلامه مش واضح) و هو على فكره دلقوتى فى kg1 فى مدرسة ابو زهره الاسلاميه و عارف المبادئ ( يعنى يعد من 1 لغايه 10 بالعربى و الانجليزي و الحروف العربى و الانجليزي) - و بصراحه مافيش شكوى من المدرسه دى لكن انا بسأل علشان لو فيه افضل لأنى اسمع ان المدارس النضيفه مش بتقبل حد من بره
        طبعا عارف انه للأسف غالبا حيطر يعيد kg1 تانى بسبب السن بس مش مشكله

        بالنسبه لمدرسه الفاروق عمر سمعت ناس كتير اوى بيشكرو فيها بس مشكلتها انها غاليه (7 الاف ) و بصراحه ده حيبقى كتير عليا علشان عندى بنت تانيه وراه السنه اللى جايه
        سان بيتر برضه سمعت ان مبالغها فلكيه (20 الف و حجات تخض كده )

        مدرسه النزهه حسأل عنها و برضه سان رايز وسانت فاتيما (اكون شاكر لو قولتلى على متوسط اسعارهم)
        مودرن سكول مش دى فى شارع احمد عصمت ؟؟
        لا ياعم سان بيتر ب 20 الف ايه بس دى تقريبا فى نفس الرينج اللى بتدور فيه
        النزهه برضو فى حدود 6-7 وهى قدام الفاروق علاطول ومدرسه ممتازه انا ولادى فيها بس فى فرع اسماعيليه

        اعتقد سان رايز وسانت فاتيما فى رينج 5-6

        مودرن سكول فى فرع فى احمد عصمت وليها فرع فى شارع مصطفى مختار فى عمار ابن ياسر قريب من النزهه والفاروق

        الفاروق والنزهه مشكلتهم فى سن القبول يعنى بيبتدوا من اول خمس سنين

        Comment


        • #5
          بلاش مودرن سكول
          AmRMoRo سابقا

          Comment


          • #6
            طلائع جابر الانصارى .. فيها عربى ولغات ... واسعارها 4000 جم وشوية للغات ... و3000 جم وشوية للعربى ...
            ليها فرع فى الزيتون ... بجوار سينما الزيتون ... المدير بتاعها محترم جدا وشغال قوى ... وبيشغل المدرسين حتى الاسبوع الاخير قبل الامتحان ...
            ده اللى انا اعرفة عنها واولادى الثلاثة فيها .. اسأل تانى عليها حد تانى علشان تتاكد
            وربنا يوفقك
            [CENTER][SIGPIC][/SIGPIC]

            [/CENTER]

            Comment


            • #7
              المشاركة الأصلية كتبت بواسطة amrmoro مشاهدة المشاركة
              بلاش مودرن سكول
              انا بصراحه متعقد منها علشان صاحبها ناجح السيد جلال مرشح الحزب الوطنى و اللى كان بيقسم عين شمس هو و ميمي العمده
              و اسمع ان الاتنين تجار اثار و سلاح اساسا

              Comment


              • #8
                عظيم جداا
                يبقى كده القائمه بقيت
                طلائع جابر الانصارى - الزيتون
                النزهه - الحجاز
                الفاروق عمر -الحجاز
                سان رايز - الحجاز
                وسانت فاتيما- الحجاز

                مين يزود

                Comment


                • #9
                  المشاركة الأصلية كتبت بواسطة khaled_sabry مشاهدة المشاركة
                  عظيم جداا
                  يبقى كده القائمه بقيت
                  طلائع جابر الانصارى - الزيتون
                  النزهه - الحجاز علشان تبقى عارف سن القبول بيبتدى من 5 سنين
                  الفاروق عمر -الحجاز علشان تبقى عارف سن القبول بيبتدى من 5 سنين
                  سان رايز - الحجاز
                  وسانت فاتيما- الحجاز
                  سان بيتر

                  مين يزود

                  Comment


                  • #10
                    وحاجه كمان انت اتاخرت التقديم بيبتدى من شهر 2 و 3 ماتستناش بقى

                    Comment


                    • #11
                      المشاركة الأصلية كتبت بواسطة korkor مشاهدة المشاركة
                      وحاجه كمان انت اتاخرت التقديم بيبتدى من شهر 2 و 3 ماتستناش بقى
                      ايه ده بجد !!!!!!!
                      اصل مراتى اتصلت قبل كده قالولها التقديم من شهر 5

                      Comment


                      • #12
                        ممكن كمان مدرسة ليسية الحرية

                        Comment


                        • #13
                          المشاركة الأصلية كتبت بواسطة khaled_sabry مشاهدة المشاركة
                          ايه ده بجد !!!!!!!
                          اصل مراتى اتصلت قبل كده قالولها التقديم من شهر 5
                          مدارس ومدارس ابتدى دور من دلوقتى وماتستناش

                          Comment


                          • #14
                            المشاركة الأصلية كتبت بواسطة khaled_sabry مشاهدة المشاركة
                            المشكله ان ابنى 4 سنين و نص تقريبا - و بالتالى صعب انى استنى لسن 7 سنين عشان ادخله المدرسه
                            و كمان هو متأخر فى الكلام (يعنى بيتكلم بس كلامه مش واضح) و هو على فكره دلقوتى فى kg1 فى مدرسة ابو زهره الاسلاميه و عارف المبادئ ( يعنى يعد من 1 لغايه 10 بالعربى و الانجليزي و الحروف العربى و الانجليزي) - و بصراحه مافيش شكوى من المدرسه دى لكن انا بسأل علشان لو فيه افضل لأنى اسمع ان المدارس النضيفه مش بتقبل حد من بره
                            طبعا عارف انه للأسف غالبا حيطر يعيد kg1 تانى بسبب السن بس مش مشكله

                            بالنسبه لمدرسه الفاروق عمر سمعت ناس كتير اوى بيشكرو فيها بس مشكلتها انها غاليه (7 الاف ) و بصراحه ده حيبقى كتير عليا علشان عندى بنت تانيه وراه السنه اللى جايه
                            سان بيتر برضه سمعت ان مبالغها فلكيه (20 الف و حجات تخض كده )

                            مدرسه النزهه حسأل عنها و برضه سان رايز وسانت فاتيما (اكون شاكر لو قولتلى على متوسط اسعارهم)
                            مودرن سكول مش دى فى شارع احمد عصمت ؟؟
                            سان بيتر ب 4300 على قسطين
                            [CENTER][SIGPIC][/SIGPIC][/CENTER]

                            Comment


                            • #15
                              انا قدمت لبنتي في مدرسة السيدة خديجة ودي ناصية الحجاز مع عبد الحميد بدوي ومدرسة السيدة عائشة بعدها بشوية

                              Comment

                              Working...
                              X