مين احسن دكتور تخسيس في اكتوبر او المهندسين ؟ وبكام الكشف !!!

[Y a r i s]

مين احسن دكتور تخسيس في اكتوبر او المهندسين ؟ وبكام الكشف !!!


مساء الخير يا شباب ... تحيه طيبة من القلب الى القلب
ثم الى الاوردة والشرايين :)
هل في دكتور كويس تعرفوه بتاع تخسيس والكلام ده عنوانوا اسمو او رقم تيلفونوا كشفوا بكام تقريباً جربتوا ولا لأ .. استفدت منوا ولا ( فاكس) على قولتكم . ( او دكتور في اي حته مش شرط المهندسين واكتوبر)

ثم سؤال اخر
هل فيه حاجة اسمها جهاز اشعة كدة. يعمل اشعه على جسم الواحد يحدد اماكن تمركز الدهون ولا لسه مخترعوش الجهاز ده !

وسؤال تاني كمان بعد ئذنكم ماهي الاسئلة ببلاش بقه :)
دلوقتي عند. دكاترة العلاج الطبيعي بيقولك بتاخود جلسات هز ياوز. وقال ايه نبضات كهربا بتفتت الدهون ... فهل حد جرب كمان الجلسات دي ولا برضوا فاكس .

السؤال الثالث :
هل صحيح احياناً ان الواحد تخين ومش تخين يعني ده بيكون حجم العضم والقفص الصدري عملاق وكتافوا عراض وده ميعتبرش تخن ولا حاجة بس خيلقت ربنا كده ... وهل للعضم وزن يعني هل ممكن يكون عضم واحد وزنوا خفيف وزميلوا عضم تقيل ومحمل

لان لو مثلاً شفت طفلين صغيريين والاتنين كلابييز. تيجي تشيل واحد هيله هوب تلاقيه اترفع معاك عادي. تيجي تشيل. التاني والله لو قعدت من هنا لبكره ما هتقدر ترفعوا غير ٢ سانتي من على الارض بسم الله مشاء الله فانا بشك ان ده وزن عضموا تقيل. والتاني عضموا خفيف وهش كده زي شيكولاتت كيتكات

@@@@@@@@@@@

وتحياتي
وبالتوفيق في حل الاسئلة
وممنوع الغش محدش ينقل من مشاركة زميلوا

[youssef_u]

نفسي افيدك يا ياريس باشا بس للاسف معرفش حد

[Y a r i s]

ربنا يخليك. يا يوسف باشا ولا يحرمنيش منك يا غالي
يكفي مشاعرك الجميل والرقيقة والنبيلة دي. اتجاهي :) وتحياتي يا غالي

[egyptiandiver]

حلاوتك يا عريس...

[Y a r i s]

حلاوتك يا عريس...

ههههههههههههههههههه
ياعم. واللهي ماهتجوز. ... خلاص تووبة من. دي النوبة هههههه انا بتكلم علشان الصحة بس. واللهي ... ركبتي من الوزن بتنقح عليا هههههههه

[egyptiandiver]

يا باشا ألف سلامة ليك و أحسن حل أنا لقيته للوزن الزايد هو أكل خضروات و فواكه طازة أكتر و تقليل الحاجات إلي فيها زيوت و دهون و سكريات و و شرب الماء بكثرة مع طبعاً المشي و أي حارة هي طبعاً بركة - و بالمرة لو لقيت عروسة حلوة مسيار ابقى قول لأخوك.

[SeiffoZ]

خالد دراهم فى المهندسين

[أحمد الجندى]

متابع

[احمد المصرى]

دكتور دايت امام التوحيد والنور ال بجوار الحصرى فى الحى الثالث كشف 100 جنيه والمتابعه ب 30 جنيه ودكتور كويس نزلت معاه 10 كيلو فى كام شهر بس انا ال مكنتش بتابع كويس


الجلسات عنده غاليه مش رخيصه



وفى دكتور فى الحى ال 11 يقال انه كويس واسعاره اقل بكتير من دا

[Ahmed_Adham]

أنا جربت أروح من سنه لمركز كده على المحور قدام التوحيد والنور تقريبا وجواه جيم وشغال حريمي ورجالي كان أول كشف 60 جنيه وبعد كده 30 كل اسبوع بدون الجيم بس من أول مره مقتنعتش بالدكتور وخلعت لأني لقيته كاتبلي دوا (هشتريه من عنده) وعايزيني ألعب جيم (عنده برضه) وكمان عاملي نظام غذائي حسيته قاسي قوي مع ان كل الزياده 14 كيلو ومش باينين فيا أصلا عشان أنا 190 سم المهم حسيت انه عايز ياخدني مقاوله كده فخلعت وبعدين عملت حاجتين بحاول ألتزم بيهم على قد ما أقدر.

1- الاكل في مواعيد منتظمه و3 وجبات مش أقل ودي نقطه مهمه جدا لأن عدم انتظام مواعيد الاكل بتخلي الجسم يخزن عشان مش ضامن هيلاقي أكل تاني امتى.

2- أكل طبق سلطه كبير وشرب كبايه ميه قبل وجبة الغدا. دي بتملا اكتر من نص البطن والواحد ياكل كميه معقوله من الاكل غصب عنه.

نتيجه الحاجتين دول اني نزلت في مقاس البنطلون الجينز الكلاسيك من 44 الى 40 والوزن نزل 8 كيلو وباقي 6 كيلو بس أنا راضي عن النتيجه الحاليه خصوصا ان أنا مش حارم نفسي من أي حاجه الا اني يادوب قللت استهلاكي للبيبسي بدل اتنين - كانز في اليوم بقيت بشرب 2-3 في الاسبوع بالكتير.

جيب ميزان في البيت وجرب الحاجات دي وشوف هتلاقي نتيجه بعد شهر ولا لاء هيه كده كده مش بتخسر ماديا ولا صحيا بعكس الادويه وأي نظام غذائي غير صحي ممكن تدفع تمنه بهدله صحيه بس خد بالك حاول يبقى لبسك ثابت وانت بتتوزن كل مره (انصحك بمره واحده كل 7-10 أيام) وأنا دايما يوزن نفسي بالطقم الداخلي عشان الوزن يطلع طبيعي.

وبالتوفيق...

[Y a r i s]

حبايب قلبي اهلي وجيراني الاعزاء
نفسي كده انا وانتم نعمل كده رابطة. لسكان ٦ اكتوبر والشيخ زايد :) ... انا شوفت صحيح المركز الي انتوا بتقولوا عليه الي قدام التوحيد والنور بس مدخلتهوش. بصراحة بس سبحان الله من اليافطة بتاعتوا. حاسس انوا. دكتور اشتغالات فمتجرئتش اروحلو ...

بس سؤال يا استاذ احمد انتا ازاي عرفت انوا وزنك زايد ١٤ كيلو بس مش اكتر هل هو قاس لك نسبة الدهون عندك ... ام مجرد عملية حسابية الطول. والسن في الوزن ... وتحياتي ليك يا عزيزي

انا رحت عند سعيد حساسسين اشتريت من عندوا كريم تخسيس ب ١٥٠ جنية. لقيتوا ئونطة في ئونطة وصابونة تخسيس كمان. ب ٧٥ جنية. قال ايه باستحمه فيها فبتحرق الدهون :)

اما بخصوص. طبق السلطة قبل الاكل ... السلطة صحيح بتملى البطن وبتشيع بسرعة بس مبتكملش ١٠ دقايق في بطني وارجع احس بالجوع ... جربت برضوا حبوب اسمها برااان دي الياف بتاكول حبتين وتشرب ميه تنفش في المعدة وتحسسك بالشبع ... انا باكول الحبوب واشرب ميه اقوم اجوع تاني اكتر ههههههه. معرفش ليه

بعدين المشكلة العيال عندي كل واحد بياكول ومبيكملش طبقوا او يفتح علبة عصير وميكملهاش. فانا ببقى ماشي وراهم باستحرم ارمي حاجة فبقعد ارم رم من هنا ومن هنا جربت الشيتوكال بصراحة ممتاز بس خلاني عصبي بشكل فظيع ... رغم اني بطبعي هادي جداً .

خالد دراهم فى المهندسين

فين خالد درهم ده ياباشا بالضبط زالكشف بتاعوا بكام وهل هو مجرب ومضمون. ... وتحياتي

@@@@@@@

وحبيب قلبي. احمد باشا المصري. فين ياباشا. بتاع الحي ال ١١ ده. لان مدام في ال ١١ يبقى اكيد رخيص وكشفوا. شعبي

@@@@@@@

وتحياتي لكم جميعاً واشكر مشاركتم يا اعزائي :)

[Mohab.Nabil]

على فكرة مشكلة الدكاترة دول انك هتنزل معاهم تمام بس هترجع بعد شوية تتخن تانى و اكتر من الاول لأنك بتبقى محروم و بعدين الدنيا تفتح لك و تقعد بقى تقول انا نفسى فى ده و نفسى فى ده و بقالى مثلا 4 شهور مكلتش ده فهتلاقى انك بتلم كل الاكل اللى اتحرمت منه و ترجع اتخن من الاول.

انا جربت من3 سنين الرجيم مع دكتور و نزلت من 98 لـ 86 و بعدين رجعت زدت تانى لـ 107 و رجعت لدكتور غيره و نزلت اهو دلوقتى لـ 97 بس هقطع عشان الامتحانات و ان شاء الله احاول اظبط فى الاجازة

اهم حاجة انك فعلا تغير نظام حياتك فى الاكل مش انك تضغط على نفسك و تقضى 6 شهور حرمان و تنزل للوزن المناسب و بعدين هترجع اكتر من الاول

اهم النصايح زى ما الاخوة قالوا ، تحافظ على مواعيد الاكل و 3 وجبات فى اليوم و متاكلش فى الليل بعد الساعة 9 مثلا

و فعلا تقسيمة الجسم و العضم و العضل يفرق فى الوزن طبعا يعنى لو واحد كتافه عريضة و تقسيمه العضلى كبير اكيد وزنه يبقى اكبر من واحد نفس الطول بس معندوش نفس التقسيمة ديه

[hussein]

مشكلتك شكلها انك بتحب الاكل و بطنك كبيره زى قلبك كده :)
لازم تغير عقيدتك فى الاكل :)
الاكل ميبقش من متعك الحياتية وتلعب رياضة وتبطل ترمرم ورا اولادك
باختصار انت مش محتاج دكتور انت محتاج تغير نظام حياتك

[SeiffoZ]

حبايب قلبي اهلي وجيراني الاعزاء
نفسي كده انا وانتم نعمل كده رابطة. لسكان ٦ اكتوبر والشيخ زايد :) ... انا شوفت صحيح المركز الي انتوا بتقولوا عليه الي قدام التوحيد والنور بس مدخلتهوش. بصراحة بس سبحان الله من اليافطة بتاعتوا. حاسس انوا. دكتور اشتغالات فمتجرئتش اروحلو ...

بس سؤال يا استاذ احمد انتا ازاي عرفت انوا وزنك زايد ١٤ كيلو بس مش اكتر هل هو قاس لك نسبة الدهون عندك ... ام مجرد عملية حسابية الطول. والسن في الوزن ... وتحياتي ليك يا عزيزي

انا رحت عند سعيد حساسسين اشتريت من عندوا كريم تخسيس ب ١٥٠ جنية. لقيتوا ئونطة في ئونطة وصابونة تخسيس كمان. ب ٧٥ جنية. قال ايه باستحمه فيها فبتحرق الدهون :)

اما بخصوص. طبق السلطة قبل الاكل ... السلطة صحيح بتملى البطن وبتشيع بسرعة بس مبتكملش ١٠ دقايق في بطني وارجع احس بالجوع ... جربت برضوا حبوب اسمها برااان دي الياف بتاكول حبتين وتشرب ميه تنفش في المعدة وتحسسك بالشبع ... انا باكول الحبوب واشرب ميه اقوم اجوع تاني اكتر ههههههه. معرفش ليه

بعدين المشكلة العيال عندي كل واحد بياكول ومبيكملش طبقوا او يفتح علبة عصير وميكملهاش. فانا ببقى ماشي وراهم باستحرم ارمي حاجة فبقعد ارم رم من هنا ومن هنا جربت الشيتوكال بصراحة ممتاز بس خلاني عصبي بشكل فظيع ... رغم اني بطبعي هادي جداً .



فين خالد درهم ده ياباشا بالضبط زالكشف بتاعوا بكام وهل هو مجرب ومضمون. ... وتحياتي

@@@@@@@

وحبيب قلبي. احمد باشا المصري. فين ياباشا. بتاع الحي ال ١١ ده. لان مدام في ال ١١ يبقى اكيد رخيص وكشفوا. شعبي

@@@@@@@

وتحياتي لكم جميعاً واشكر مشاركتم يا اعزائي :)

خالد دراهم ده انا جربته زمان و نزلت معاه 23 كيلو فى 4 شهور ...

هو فى عمارة فرغلى اللى فى شارع جامعة الدول العربية فى المهندسين عند الكوبرى.

بس الحقيقة مش فاكر النمرة اوة الدور .. ممكن سيرش على يلوبيدجز

انا كنت ايام الثانوية العامة 89 كيلو و طولى 165 ...

دلوقتى انا طولى 169 ووزنى 58

[fatemata]

انا روحت مركز دكتور دايت إكتشفت إن في عملية نصب وإحتيال كبيرة بتحصل هناك .. لأن الي موجود في المركز بنت كدة عاملة دكتورة إسمها اميرة ممدوح وغير كدة بتشتغل على النت وفي الجروبات بإسم دكتور أسامة علمة .. والدكتور أسامة باع المركز وسافر لأمريكا من بدري ولا يعرف حاجة عن الي بيحصل هنا ولا ليه أي صفحة على الفيس نهائي ...

ومع ذلك هي بتشتغل بإسمه في الفيس وفي العيادة وإنها مندوبة مكانو والكلام دا ... بس إسم الدكتور مش موجود لا جوة العيادة ولا براها حتى المركز ويافطته مش مكتوب عليها إسم دكتور معين !!!

وحسبي الله ونعم الوكيل فيها أخدت فلوس جامدة جدا وكانت بتبيع الأدوية جوة العيادة النصابة !!!