يلا ننور شوارعنا من غير كهربا و الله المستعان

[midooo_119]

بسم الله الرحمن الرحيم

من فترة كبيرة وانا بفكر فان احنا نعمل حاجه لبلدنا و اهلنا و نسيبنا بقى من كلام الحكومه لانها مش هتعمل حاجه ولو بعد ميه سنه لان كل الى يهمهم الحكم مش المحكوم فقلت ايه افضل حاجه ممكن الواحد يعملها و تنفع الناس .. قلت بما اننا موقع سيارات اكيد اكتر حاجه بتضايقك و انت ماشى الشوارع الظلمه خاصه فظل عدم وجود امن ففكرت ان احنا نعمل تجربة انارة للشوارع بس رجعت قلت طيب ماهو النور بيقطع و الصيف جاى و الحكومه قالت خلاص جهزوا نفسكوا لصيف مظلم معانا فقعدت ادعبس عالنت و لاقيت الفكرة الى بدور عليها...
دهان سحرى بيستخدم لانارة اى حاجه تتدهن بيها طب ازاى!!!!
الدهان ده بيمتص الضوء و اول ما يبقى المكان ظلام ينور الدهان فترة من 6 -8 ساعات
ودى صور للكراسى فمدينه برلين الالمانية و عمموا هناك الفكرة ديه


وديه مواقع فيها صور وفيديو للدهان ده
الضوء السحري - الأصباغ المضيئة
الصفحة الرئيسية

زى ماشفتوا الدهان الوانه كتير فانا قلت نعمل عمل تتطوعى و نجمع و نشترى الدهان ده و نختار مكان حيوى مظلم و ندهن بيه و نصور نفسنا و احنا بنعمل ده و ننزله هنا عالمنتدى و ننفع الناس شوف بقى كام واحد هيدعيلنا ..
و كبدايه ممكن نختار ندهن كوبرى الساحل و الى مايعرفوش ده كوبرى بيربط بين الوراق و امبابه بشبرا و الكورنيش و انا اختارته لانه بليل قطعه فحم بجانب انه حيوى و مهم و انه كمان هيبقى جنب اغلب الاعضاء فسهل نوصله .. انا دى فكرتى لكن مااعرفش لسه الدهان يكلف كام و نجيبه منين فالى يعرف يقولنا و الى يقدر يجيبلنا باسعار رخيصه يقولنا و ارجو ان الفكرة ديه تتحقق لانها لو اتعملت و الناس شافوها كل منطقه هتعملها و ان شاء الله مصر كلها تنور من غير كهرباء و لا الحوجة لحد .. و الله المستعان

[S O P H O S]

حاجة جميلة بصراحة

[rotanamasoud]

اهم حاجه يبقى فى فكره فى طموح فى امل

[م. حاتم السباعي]

تسلم ايد حضرتك علي الموضوع الجميل و المفيد جدا

و ربنا يجعله في ميزان حسناتك

و انا اول المشاركين ان شاء الله تعالي

[midooo_119]

حاجة جميلة بصراحة

ميرسى ياباشا

اهم حاجه يبقى فى فكره فى طموح فى امل

اكيد طبعا و مصر فيها خير كتير باهلها

تسلم ايد حضرتك علي الموضوع الجميل و المفيد جدا

و ربنا يجعله في ميزان حسناتك

و انا اول المشاركين ان شاء الله تعالي

ان شاء الله نلاقى اعضاء كتير يشتركوا و ننفذ بأذن الله

[naser_56]

المشكله الاكبر في الشعب انه ممكن يسيب حاجه كويسه في البلد ابسط حاجه بص لعربات القطار ولا كراسي الاتوبيسات وانته تعرف وجهه نظري

[RIDER 2050]

انا معاك ان شاء الله

[ehabpopo]

موضوع حلو ...............

[besso]

فكره جميله جدااا
طب هو سعره كام الدهان ده

[midooo_119]

المشكله الاكبر في الشعب انه ممكن يسيب حاجه كويسه في البلد ابسط حاجه بص لعربات القطار ولا كراسي الاتوبيسات وانته تعرف وجهه نظري

انا عارف ان فيه اخطاء كتير فتصرفاتنا لكن من جوانا فيه حاجات كويس كتير و افتكر لما دهنوا رصيف ميدان التحرير و نظفوه بعد الثورة .. تانى حاجه الدهان ده محدش هيقدر يبوظه

انا معاك ان شاء الله

ان شاء الله :)

موضوع حلو ...............

ربنا يخليك

فكره جميله جدااا
طب هو سعره كام الدهان ده

هى ديه الخطوة الجايه اعرف التفاصيل و ابلغكوا لكن لو فيه مهندس ديكور هنا ياريت يفيدنا

[tarekzein]

طبعا النوايا حسنه
وأنا أول المشاركين

بس عفوا

موضوع طلاء أسوار الكبارى بأضواء فوسفوريه دى خطأ فادح قد يتسبب فى حدوث حوادث لاقدر الله

بسبب إنعكاس الضوء على عيون قائدى السيارات

ﻷن الضوء لازم يكون غير مباشر وعلشان كده أعمدة اﻹناره بتكون عاليه ودى مش إعتباطا

المهم الفكره حلوه جدا وممكن تنفيذها فى أماكن متنزهات

حديقه أحمد عرابى مثلا

[RIDER 2050]

طبعا النوايا حسنه
وأنا أول المشاركين

بس عفوا

موضوع طلاء أسوار الكبارى بأضواء فوسفوريه دى خطأ فادح قد يتسبب فى حدوث حوادث لاقدر الله

بسبب إنعكاس الضوء على عيون قائدى السيارات

ﻷن الضوء لازم يكون غير مباشر وعلشان كده أعمدة اﻹناره بتكون عاليه ودى مش إعتباطا

المهم الفكره حلوه جدا وممكن تنفيذها فى أماكن متنزهات

حديقه أحمد عرابى مثلا

صح فعلا
انا فكرت اننا نجيب حاجة تكون الاضاءه بتعتها ضعيفه جدا بحيث انها فقط تحدد الارضفه والاسوار وتعمل شكل جمالى بردو بدون تاثير ع الرؤيه

[midooo_119]

تمام هما فعلا عاملين دهان مخصوص للارصفه فهنجربه و كمان فيه كذا لون فممكن نجيب حاجه لونها هادىء عشان الى بيسوق مايضايقش من نور الدهان و ان شاء الله خير