عايز اشترى ساعه...هل من مساعد؟؟:d

[A_H_M_A_D]

هات من بره واشحنها عن طريق موقع Edfa3ly هاتجيب ماركه محترمه ونضيفه بال 800 جنيه دول

صراحه انا مجربتش اجيب حاجه من بره فمفيش اى خبره و كمان ازاى اعرف انها اصليه و جديده ؟؟

انا اشتريت من حوالي 4 شهور ساعة من موقع امازون عن طريق موقع ادفعلي

نوعها Ted Lapidus كان عليها خصم كبير وكلفتني بالشحن والجمارك وكله 630 جنيه
اللي زيها في مصر مش اقل من 1500 جنيه

هات من موقع amazon.com دول ساعاتهم مضمونه و أصليه , وتقدر تعرف تكلفة الشحن والجمارك من موقع ادفعلي , بس الساعه هاتوصلك بعد عمل الاوردر ب 3 اسابيع

جرب الموضوع ده لأن فعلا الساعات بره ارخص من هنا كتير

[EL Tanna]

انا اشتريت من حوالي 4 شهور ساعة من موقع امازون عن طريق موقع ادفعلي

نوعها Ted Lapidus كان عليها خصم كبير وكلفتني بالشحن والجمارك وكله 630 جنيه
اللي زيها في مصر مش اقل من 1500 جنيه

هات من موقع amazon.com دول ساعاتهم مضمونه و أصليه , وتقدر تعرف تكلفة الشحن والجمارك من موقع ادفعلي , بس الساعه هاتوصلك بعد عمل الاوردر ب 3 اسابيع

جرب الموضوع ده لأن فعلا الساعات بره ارخص من هنا كتير

طيب لو عايز مثلا ساعه دى اعرف ازاى انها جديده مش مستعمله و انها اصليه؟؟
Citizen Quartz Leather Strap Black Dial Men's Watch - BF0580-06E: Watches: Amazon.com

[A_H_M_A_D]

طيب لو عايز مثلا ساعه دى اعرف ازاى انها جديده مش مستعمله و انها اصليه؟؟
Citizen Quartz Leather Strap Black Dial Men's Watch - BF0580-06E: Watches: Amazon.com

البائع اسمه Savvy Watch وده مضمون من امازون , والتقييم بتاعه 4.9 نجمه من خمسه , باجمالي 1132 تقييم , يعني بائع مضمون جدا , وساعاتهم اصليه وجديده مش مستعمله وعليها ضمان دولي كمان , لو عايزها اشتريها وانت مطمن عن طريق موقع ادفعلي

[EL Tanna]

طيب هى سيتيزن ملهاش توكيل هنا؟؟ مش يمكن نلاقى نفس السعر ولا مستحييل؟

[Sehsss]

طيب بتتباع فين و تكون مضمونه انها اصليه؟؟

في محل بشارع الفلكي بالقرب من ميدان التحرير اسمه أولاد زيادة ده موزع معتمد لكاسيو وألبا وسايكو

[pharohtemo]

عليك و على ساعات قمر .. ده محل محترم و بيبيع أوريجنال بس !
مكانه فى أركاديا مول و فى سيتى ستارز و ليه فى أسكندرية 3 فروع
حاجته غالية شوية بس أصليه و بالضمان
بالنسبة لنوع الساعة أرشحلك Fossil بقالها معايا 5 سنين من غير و لا خدش و كنت بنزل بيها البحر كثير .. غيرت لها البطارية بس !! و حتلاقيها فى الحدود اللى قلت عليها مش اكثر ..

[D . a .\ AYMAN]

افضل مكان به ساعات كتير عشان تنقي براحتك اسفل جراج الاوبرا بميدان الاورا وسط البلد

أنا جيبت ساعة أورينت من عندهم بحوالي 250جنيه وشوية والمفروض إنها ضد المياه وأصلية بالضمان ومع أول استخدام تحت المياه دخلتها المياه وباظت ورميتها

هم آخرهم الساعات الكاسيو الجي شوك لأنها صعب ينزل منها مضروب أعتقد

[amrrashed]

هو الاورينت اغلي شويتين من ٢٥٠ جنيه وتصحيح بسيط لو سمحتلي الجي شوك اكتر حاجة بتضرب

[sas5]

اخى العزيز
يوجد نوع جديد من ساعات سيتزن يندرج تحت الفئه eco drive
حيث يتم شحن بطاريه الساعه من خلال ضوء النهار او الشمس
وبالتالى تنسى موضوع تغيير البطاريه
انا استخدم هذه النوعيه من سنوات

[D . a .\ AYMAN]

هو الاورينت اغلي شويتين من ٢٥٠ جنيه وتصحيح بسيط لو سمحتلي الجي شوك اكتر حاجة بتضرب

المفروض إنه حلفلي إنها أصلي وكانت بالضمان بتاعها وللأسف أنا مش بفهم في موديلات الأورينت لأنها أول ساعة أورينت أجيبها

لكن الجي شوك ليا معاها صولات وجولات من زمان قوي عشان كدة بعرف أفرق بين المضروب بتاعها وبين الأصلي .. المضروب بتاعها بيبقى مفضوح قوي

عشان كدة أقصد إن صعب تتخم في واحدة مضروبة منها .. أو يمكن بالنسبة لي أنا على الأقل ويمكن برضه عشان متابع الموديلات الجديدة بتاعتها أول بأول

السيتيزن الإيكو درايف نازل منها موديلات جميلة بصراحة وبالذات في الحريمي جميلة جدا بس غالية شوية وبتعدي الألف مستريح

الكاسيو الـ edifice كلاسيك وكاجوال ونازل منها موديلات رائعة معدن وستالس ستيل وجميلة جدا بصراحة وعموما أنا عاشق لساعات كاسيو من زمان

سعرها لو جبتها من برة ممكن تكون في حدود من 600 لـ 700 لـ 1000 جنيه حسب الموديل ... وبتوصل هنا بالضمان المحلي لفوق الـ 1500 برضه حسب الموديل

[mr_green]

نصيحة لوجه الله عن تجارب عديدة

Casio

و من الوكيل و بس و سعر الوكيل حلو و مضمون فى نفس الوقت و الكاسيو حمارة شغل ما شاء الله

مكان الوكيل عمارات عثمان تقاطع عباس العقاد مع مصطفى النحاس هو دور علوى مش محل

Casio - Cairo Trading, Mohandeseen, Giza, Egypt | Watches & Clocks | Yellow.com.eg | 4 Iraq St.

Casio - Cairo Trading, Nasr City, Cairo, Egypt | Watches & Clocks | Yellow.com.eg | 83 Othman Towers, Mostafa El Nahhas St. Intersection Of Abbas El Akkad St.