أعمل إيه في الموقف ده؟

[D . a .\ AYMAN]

مع احترامي للرجالة كلها

التجارب متفاوته من واحد للتاني..ومحدش هيدي رأي-بناءا على تجربته- والرأي ده لازم هيكون مفيد في تجارب الآخرين

الموضوع ده بالذات...اخوكم في الله أحمد .. شاف منه أيام سودا

كانت الحب الأول بمعنى الكلمة..وكان فيها كل الصفات ..كلهاااااااا

تفكير واسلوب كلام واسلوب هزار ..وانوثة ..الخ الخ الخ

كانت قصة حب اسطوريه

لكن طبعا القصة لازم تكمل بالنهاية الغير سعيدة

واتجوزت هي

والقهره بقا ..أول إبن لها سمته (أحمـــد)...ده كان ناقص تسميه أحمد فارما

ههههههههههههههههههههههه

بقالنا كده 6 سنين بعيد عن بعض..وزي ماقلت هي اتجوزت وخلفت

وانا مابقدرش مابصش على الاكونت بتاعها كل شوية على الفيس...وبشوف صورها مع جوزها ..ساعات بحس ان الموضوع بقا عادي

وساعات بفتكر ايامنا وقلبي يتحرق من تاني

فيه حاجات مش مكتوب لها انها تتغير

وحاولت – صدقا – انسى واشوف حد تاني في حياتي او اركز في حياتي وانسى

كله اتعمل إلا إني أنسى

زي مابيقولو .. كل حاجة بتفكرني

الشارع ده كنا بنقف فيه .. ده بيت اهلها القديم .. صورتها .. شكلها ...إلخ

المهم يعني

الموضوع مش هيكون سهل على الراجل

هيجتاج وقت..الوقت بيتحدد على حسب درجة حبه ليها في الاول

لو كان حب عادي ... هيتنسى عادي

لو كان حب كبير .. هياخد وقت كبيرررررررر

ياخبرررررررر

زمانها دلوقتي ما بتفكرش حتى في نفسها .. ومش لاقية وقت أصلا تفكر في تغيير لبس ابنها ولا في أكله ولا في المدارس بتاعته ولا في الدروس لو في دروس ... ولا في مصروف البيت اللى مش مكفي ... ولا في راجلها اللى لسة ما رجعش البيت لغاية دلوقتي ومقضيها مع اصحابه ... ولا أهلها ... ولا ... ولا

تلاقيها من الاخر نسيت أصلا إن فيه حاجة كانت في حياتها أو في الدنيا حتى .. كان اسمها أحمد فارما ... والواحد لما يتخيل كدة ممكن يتعب أكتر لعلمك

ولكن هذا جزء من ابتلاء الدنيا ... لذا علينا بالصبر لأن النصيب والقدر لا مفر منه .. والأجر والثواب عند الله عظيم ... والجنة ... بإذن الله أن تكون من نصيبنا ... فيها ما لا عين رأت ولا أذن سمعت ولا خطر على قلب بشر

[hrankch]

قد يمنع الله عنك امرا ليرزقك بشىء افضل منه وقد يطلق الرجل او المرأه لتتزوج بمن هو افضل من زوجها السابق وهكذا خيرها في غيرها اساحبي وان شاء الله تتزوج افضل منها

[amr011111]

محدش بيجوز مراته غيره

[shaddadfalcon1]

Let it go

[ahmedteam]

ما بين الحين و التانى هتفضل تفتكر شويه حاجات و مع الوقت هتنسى شويه شويه لغايه ما تيقى ذكرى و تضحك عليها فى سرك

[شريف]

كان لية موضوع ممكن يكون مشابة الي حد ما عن موضوعك كتبتة هنا في المنتدي

http://www.nilemotors.net/Nile/338240-a.html

ممكن يفيدك

[ehabpopo]

نستنتج من الاقبال الجماهيرى على هذا الموضوع ... ان الشباب المصرى كل حب وماطالشى ... ههههههههههههههههه
قصدى انه معظمنا اتفسخت اول خطوبة لية .. انا عن نفسى خطبت مرتين قبل زوجتى ... ههههههه
ومش هاقولك تعمل اية علشان تنسى علشان كل حالة مختلفة عن التانية ...
بس صدقنى الجواز بينسى اى شىء ... انا بعد الجواز حسيت ان كل الحريم اخواتى ... هههههههههههههه
بس تصدقوا انها ظاهرة تستحق الدراسة ... هو لية كلنا اتفسخت اول خطوبة لينا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟