استشارة ضرورى فى موضوع زواج

[punisher]

انا بفكر اتقدم لبنت كانت زميلتى فى الكلية بس انا حاسس اننا مش نفس المستوى الاجتماعى , هى والدها دكتور ومامتها دكتورة صيدلانية وانا والدى تاجر بس بدء من الصفر ومكملش تعليمه وأمى ربة منزل وبردوا لم تكمل تعليمها بس مستوانا المادى الحمدلله

الموضوع دا كل مل بفكر فيه برفض الفكرة من اساسها بس انا برتاح جدا لما بنكلم بعض وهى متدينة ومؤدبة جدا وكمان بتشتغل معيدة فى الكلية

وكان فى حاجة تانية انها أكبر منى ب 40 يوم فا هل دا مشكلة ؟

يا ريت تساعدونى عشان انا دماغى اتشلت من كتر التفكير

[hrankch]

مش مهم المستوى الاجتماعي ككل ولكن المهم كفرد
وبالتالي انت محتاج تسأل نفسك عده اسئله
هل انا مستوايا التعليمي في مستواها ؟
هل انا اعلى قدرا منها في الثقافه العامه ؟
هل هي بتحبني زي ما بحبها ؟
ياترى هي بتبصلي ازاي ؟ افضل منها ولا اقل منها ؟
ياترى لو اتقدمت بافتراض انها بتحبني هتتمسك بيا وتقنع اهلها لو رفضوني ؟
طيب لو وافق الاهل هل عندي المقدره الماديه اني البي جميع متطلباتهم لو طلبوا شروط تعجيزيه ؟
اجاباتك على الاسئله دي ياباشا على الوجه الصحيح هي اللي هتديك القرار ان شاء الله
وفي النهايه تستخير ربك قبل اي شىء

[hussein]

شوف الاول هى
1- مش هتقبل اهلك وهتستعر منهم وتتكسف تخرج معاهم او تقعد معاهم ؟
2- هتقبل اهلك بس على استحياء
3-هتقبلهم وتكون فرحانه بيهم ؟
لو الاجابه 1 او 2 ابعد فورا لانك لازم تعرف انها هتبعدك انت وولادك فى المستقبل عن اهلك تدريجيا
لو الاجابه رقم 3 فدى بنت اصول و متربية وال 40 يوم دى متفرقش خالص
بشرط
متكونش انت شخصيه ضعيفه وحساسة
لكن لو شخصيه ضعيفه و مش حساس تجاه الموضوع دا ((يعنى انت مبسوط كده وهى كمان مبسوطه)) فمش هتلاقى مشاكل
لو انت شخصية قويه ومش سهل تهتز نفسيا ولا 40 سنه حتى لانك بتكون واثق فى نفسك وحاسس انك انت الجل فى كل الاحوال

[punisher]

شكرا على الرد

احنا نفس المستوى التعليمى وكنا فى نفس الكلية

وانا متأكد انها بنت أصول وعلى فكرة احنا خرجنا مرة وكانت والدتى ووالدتها معانا , المشكلة ان البنت جد جدا ( مش تافهة وبتكلم كتير من غير سبب ) فا تحس انك بصعوبة تفهم اللى جواها وانا مش عارف هل هى كده عشان مش مرتبطين مثلا ولا هى دى طبيعتها على طول

وبالنسبة للسن فا دا مش فى دماغى اصلا , انا اهم حاجة عندى انها تكون بتحبنى وكلمة بحبك دى معتقدش ممكن اسمعها منها غير لما نتجوز

احيانا بفكر انى مكملش بس يومى بيكون كله قرف وملل من كتر التفكير وبمجرد انى ارجع من الشغل واكلمها بنسى كل حاجة

وانا الحمدلله بشتغل وعندى شقتى فا المشكلة مش فى الماديات , المشكلة فى قرار الأرتباط وهى بتقول ان احنا محتاجين نعرف بعض أكتر

[S O P H O S]

مدام متفهمين مع بعض يبقي كل ده عادي
رأي تاخد خطوة ومتقلقش استخير ربنا واتقدم ..