طريقة تركيب المولد الكهربائى للشقة

[مصراوى]

بعد شراء المولد الكهربائى للشقة يعجز الكثيرين عن تخيل شكل التوصيل الصحيح لهذا المولد و كيفية دمجه مع كهرباء الشقة بدون حدوث مشاكل
لذلك اضع لكم الطريقة الصحيحة لذلك
اهم عنصر فى هذا الموضوع هو المفتاح القلاب الموضح فى الصورة و هو يقوم بالتنقل بين الاطراف المغذية للشقة مع اطراف التعذية العمومية و اطراف المولد بأمان

على ان يكون الكابل الواصل بين المولد و دخول المفتاح سمك 4 ملى تريمو بلاستيك معتمد و هو قادر على تحمل حتى 5000 وات يعنى تم تركيبه مع مولد بقدرة 5 كيلو وات

اما المفتاح القلاب يكون بقدرة 60 امبير الى 100 امبير مناسب لتحمل 5 كيلو وات

المفتاح القلاب يحتوى على 9 اطراف سنستخدم 6 اطراف منها فقط مع المولد 2 فاز

2 طرف اعلى المفتاح يتم توصيلهم بالكهرباء العمومية الخارجة من عداد الكهرباء
2 طرف فى المنتصف يتم توصيلهم بدخل الشقة
2 طرف اسفل المفتاح يتم توصيلهم بالمولد الكهربائى

طريقة تشغيل المفتاح القلاب
فى حالة انقطاع الكهرباء
يتم اولا تشغيل المولد ثم تحريك المفتاح الى اسفل فيتم توصيل اطراف المنتصف اللى هى الشقة بالمولد بالاطراف السفلية للمفتاح و بالتالى يتم فصل الشقة من الكهرباء العمومية بأمان

فى حلة عودة الكهرباء
نقوم اولا برفع المفتاح الى اعلى حتى ينتقل اطراف المنتصف اللى هى الشقة الى اطراف الكهرباء العمومية ثم بعد ذلك يتم غلق المولد بأمان و هذه اصح طريقة لتجنب هبوط التيار اثناء فتح و غلق المولد ان يتم التنقل بين اوضاع المفتاح و المولد شغال ثم يتم اطفائه بعد ذلك

بعض التعليمات
يجب فصل السخانات و التكيفات عن تغذية المولد
يفضل وضع قطع كاوتش اسفل المولد للتقليل من الاهتزاز و الصوت
يفضل تركيب علبة شكمان 128 اضافية لان صوت المولد مزعج
تجنب وضعه فى مكان مغلق او وسط اشخاص لان العادم سام
يجب ان يكون حول المولد مسافة 1 متر من جميع الاتجاهات للتهوية
يفضل شراء المولد الذى يحتوى على منظم تيار داخلى للمحافظة على ثبات الفولت و بالتالى سلامة الاجهزة
يفضل التاكد من ان المولد مصنع من ملفات نحاس و ليس الومونيوم .
على سبيل المثال
مولد هوندا الاصلى قدرة 5 كيلو وات بمثبت تيار داخلى و تانك 20 لتر
يعمل من 6 الى 8 ساعات و قادر على تشغيل شقة كامة بدون تكيف الا اذا كانت كلها لمبات نيون او موفرةفيمكن تشغيل تكيف واحد فقط لا يزيد عن 2 حصان
اى خدمة

[Walid_M]

شكراً لحضرتك ........

تحياتي

[Mo3taz Selim]

شرح رائع ... تسلم إيدك

[Gelgel2004]

الف شكر على المعلومات المفيده

[canner]

معلومات مفيدة جدا الف شكر

[Sh_sunsea]

المولد 5 كيلو ممكن يشغل تكييف حصان ونص

ده يبقى شئ رائع - بس حضرتك متأكد

سيبك من الشقة كلها - هم لمبتين وتلفزيون وتكييف - ال 5 كيلوا يشيلهم

[AHMED12345678]

فى حد من الاعضاء له تجربة تركيب شكمان 128 على المولد
علشان انا عايز اركب شكمان لمولد عندى نوعه هوندا برافا صافى 7 كيلو وصوته مزعج جدا
بس خايف يتركب الشكمان غلط ويرجع العادم للمولد وتحصل مشكلة
فاذا كان حد لة تجربة فى الموضوع دة ياريت يفدنا

[dedi]

فى حد من الاعضاء له تجربة تركيب شكمان 128 على المولد
علشان انا عايز اركب شكمان لمولد عندى نوعه هوندا برافا صافى 7 كيلو وصوته مزعج جدا
بس خايف يتركب الشكمان غلط ويرجع العادم للمولد وتحصل مشكلة
فاذا كان حد لة تجربة فى الموضوع دة ياريت يفدنا

كان فية اعضاء تكلموا عن تركيب شكمان فيزبا . انا عندى مولد كوبوتا يابانى موديل قديم و لكن صوتة مزعج بشكل و موش بارضى اشغلة علشان صوتة

[مصراوى]

المولد 5 كيلو ممكن يشغل تكييف حصان ونص

ده يبقى شئ رائع - بس حضرتك متأكد

سيبك من الشقة كلها - هم لمبتين وتلفزيون وتكييف - ال 5 كيلوا يشيلهم

انا شغلت شركة كاملة كلها لمبات نيون بمولد هوندا اصلى 5 كيلو
و كانت عبارة عن رسبشن و 4 حجرات بأجهزة الكمبيوتر كلها و بيافطة فيها 20 لمبة نيون و بها ثلاجة مع محرك 4 حصان خاص بمشاية كبيرة
و ما شاء الله زى الفل بس احنا بنقول نشغل اى شىء 2 حصان فقط لان انواع المولدات ال 5 كيلو اللى فى السوق الان الله اعلم بيها

[مصراوى]

فى حد من الاعضاء له تجربة تركيب شكمان 128 على المولد
علشان انا عايز اركب شكمان لمولد عندى نوعه هوندا برافا صافى 7 كيلو وصوته مزعج جدا
بس خايف يتركب الشكمان غلط ويرجع العادم للمولد وتحصل مشكلة
فاذا كان حد لة تجربة فى الموضوع دة ياريت يفدنا

لا يوجد مشكلة من تركيب علبة شكمان 128 او 127
و الموضع انك بتاخد معاك واحد بتاع شكمانات كويس بيرفع مقاس قطر ماسورة العادم و المسافة اللى عايز العادم يرمى فيها و بيروح الورشة يفصل الماسورة بالعلبة و يركبها بعد كدة بأفيز قوى على مخرج العادم بالمولد
و فى طريقة اخرى و هى شراء ماسورة فليكس حديد قطرها على مقاس ماسورة العادم و كلما كانت طويلة و ملفوفة كلما اخمدت صوت المحرك و لكن لا اعلم اين تباع فى مصر

[مصراوى]

ملحوظة هامة
افضل نوع زيت للمولدات هو شيل هيلكس اكس 100 عبو 1 كيلو
و لا يجب ان يعلو مستوى الزيت عن العلامة المسموح بها نهائى

[hatem_swaf]

الف شكر على المعلومات القيمه ده

بس ممكن اعرف موتور الهوندا ده بكام ؟ واجيبه منين ؟

وشكرا

[WalidAdel]

نصيحه لوجه الله الي صاحب الموضوع
المفتااااااااااااح ابن ال ...... خالي بالك منه علشان هو شكله شيك و يحسك انه بيستحمل لكن احب اقولك كل دي اشاعات و لازم تاخد بالك منه علشان ممكن طرف او طرفين من ال9 يحمص و يسود و انت مش هتاخد بالك علشان الكافر البلاستيك الفاشل اللي عليه ده "هيا رخيصه" ولا حاجه لو تقدر حضرتك تنزل الجمهوريه تسال علي نوع نضيف او تجيب ال150 امبير احتياطي
انا مجربهم في شغلي و ملسوووووووع منهم كتييييييير و التعويره عندي بحوار ... فحبيت احذرك

[مصراوى]

نصيحه لوجه الله الي صاحب الموضوع
المفتااااااااااااح ابن ال ...... خالي بالك منه علشان هو شكله شيك و يحسك انه بيستحمل لكن احب اقولك كل دي اشاعات و لازم تاخد بالك منه علشان ممكن طرف او طرفين من ال9 يحمص و يسود و انت مش هتاخد بالك علشان الكافر البلاستيك الفاشل اللي عليه ده "هيا رخيصه" ولا حاجه لو تقدر حضرتك تنزل الجمهوريه تسال علي نوع نضيف او تجيب ال150 امبير احتياطي
انا مجربهم في شغلي و ملسوووووووع منهم كتييييييير و التعويره عندي بحوار ... فحبيت احذرك

المفتاح دة فى منه المصرى و الصينى
و ال 150 امبير منه اللى حضرتك بتتحدث عنه دة ضخم جدا و لا يصلح مع شقة
و لم اتعامل مع المصرى لانه ردىء جدا
اما بالنسبة للصينى فكل اطرافه نحاس و مثبتة على فخار و ليس بلاستيك و الغطاء فقط هو البلاستيك و ليس له علاقة بشىء مجرد غطاء فقط
بالاضافة الى ان اللى بيركبه لو محترف بيقوم بمراجعه اطرافه جيدا ببنسة و يظبطها بحيث تكون فى قمة الاحكام و الامان

بالنسبة لموضوع التحميص دة سببه سؤ تثبيت الاسلاك به او ردائة نوع المفتاح نفسه او قلة امبير المفتاح و عدم مناسبته للحمل

و لتلاشى هذا الامر لابد من شراء مفتاح مستورد ذو نوعية جيدة و تتأكد انه نحاس من الداخل
و هو متوفر فى سوق الكهرباء بالعتبة
و ان يكون امبيره عالى لا يقل عن 60 الى 100 امبير كما قلت
و ربط السلك بأحكام مع اطرافه اما غير ذلك فهو خطأ و قد يؤدى الى ما تقوله

كما يوجد نوع اخر اكثر جودة و لكن شكله مختلف تماما و تركيبه صعب بعض الشىء للعامة
لانه يحتاج مكان و فتحة مخصوصة فى لوحة المفاتيح المغذية للمكان و عادتا لا تكون متوفرة

[مصراوى]

الف شكر على المعلومات القيمه ده

بس ممكن اعرف موتور الهوندا ده بكام ؟ واجيبه منين ؟

وشكرا

11000 جنيه من تريدكو الصياد بوسط البلد بالضمان و اسعاره كل يوم بتتغير حسب سحب السوق و استغلال التجار